Dzo kpo yi emenuwo dzi

Dzo kpo yi emenuawo dzi

Marko 5:1-43

EMENYAWO ƑE TOTOƉEME

  • Yesu nya gbɔgbɔ vɔ̃wo de hawo me (1-20)

  • Yairo vinyɔnu; nyɔnu aɖe ka asi Yesu ƒe awudziwui ŋu (21-43)

5  Eye wova ɖo ƒua ƒe go kemɛ le Gerasatɔwo ƒe anyigba dzi.+  Esi Yesu ɖi le tɔdziʋua me teti ko la, ŋutsu aɖe si dzi gbɔgbɔ makɔmakɔ aɖe kpɔ ŋusẽ ɖo la do tso yɔdowo* dome va do goe.  Yɔdoawo domee nye enɔƒe, eye va se ɖe ɣemaɣi la, ame aɖeke mete ŋu blae ɖi alo de kɔsɔkɔsɔ gɔ̃ hãe o.  Elabena enuenu wodea kunyowu kple kɔsɔkɔsɔe, gake etsoa kɔsɔkɔsɔawo, eye wòŋea kunyowuawo; eye ame aɖeke metea ŋu kpea edzi o.  Eye ɖaa zã kple keli wònɔa yɔdowo me kple towo dzi henɔa ɣli dom, eye wòtsɔa kpewo nɔa eɖokui sim.  Ke esi wòkpɔ Yesu le adzɔge ɖaa la, eƒu du va dze klo ɖe eŋkume.+  Eye wòdo ɣli kple gbe sesẽ gblɔ be: “Nya kae le nye kpli wò dome, Yesu, Mawu Dziƒoʋĩtɔ la ƒe Vi? Tà Mawu nam be màwɔ fum o.”+  Elabena Yesu gblɔ nɛ be: “Wò, gbɔgbɔ makɔmakɔ, do go le amea me.”+  Ke Yesu biae be: “Ŋkɔwò ɖe?” Eye wòɖo eŋu nɛ be: “Ŋkɔnyee nye Aʋakɔ, elabena míesɔ gbɔ.” 10  Eye ŋutsua ɖe kuku na Yesu vevie be wòaganya gbɔgbɔawo dzoe le nutoa me o.+ 11  Ke hawo+ ƒe hatsotso gã aɖe le afi ma le nu ɖum le toa dzi.+ 12  Eye gbɔgbɔawo ɖe kuku nɛ be: “Nya mí ɖo ɖe haawo me be míage ɖe wo me.” 13  Eye wòɖe mɔ na wo. Gbɔgbɔ makɔmakɔawo do go yi ɖe haawo me, eye haawo ƒu du kplikplikpli to to la dzi* ge dze ƒu la me doo, woanɔ abe akpe eve ene, eye wono tsi ku ɖe ƒu la me. 14  Ke hakplɔviawo sí eye wova gblɔ nya la le dua me kple kɔƒewo me, eye amewo yi ɖakpɔ nu si dzɔ la.+ 15  Wova Yesu gbɔ eye wokpɔ ŋutsu si me gbɔgbɔ vɔ̃wo ƒe aʋakɔa nɔ la, edo awu henɔ anyi, eye eƒe mo kɔ, ale vɔvɔ̃ ɖo wo. 16  Eye ame siwo kpɔ nu si dzɔ ɖe ŋutsu si me gbɔgbɔ vɔ̃awo nɔ tsã kple haawo dzi la, ka eta na vavalawo. 17  Eya ta woɖe kuku na Yesu vevie be wòadzo le yewoƒe nutoa me.+ 18  Ke esi wòle gegem ɖe tɔdziʋua me la, ŋutsu si me gbɔgbɔ vɔ̃wo nɔ la ɖe kuku nɛ vevie be yeayi kplii.+ 19  Gake mena mɔe o, ke boŋ egblɔ nɛ be: “Yi aƒe me le ƒowòmetɔwo gbɔ, eye nàgblɔ nu siwo katã Yehowa* wɔ na wò kple ale si wòkpɔ nublanui na wòe la na wo.” 20  Ŋutsu sia dzo hede asi gbeƒãɖeɖe me le Dekapoli* tso nu siwo katã Yesu wɔ nɛ la ŋuti, eye wòwɔ nuku na ameawo katã. 21  Esi Yesu ɖo tɔdziʋua gatso ƒua va go kemɛ dzi la, ameha gã aɖe ƒo ƒu ɖe eŋu, esime wònɔ ƒua nu.+ 22  Ke ƒuƒoƒea dzi kpɔlawo dometɔ ɖeka si ŋkɔe nye Yairo la va, eye esi wòkpɔe la, edze klo ɖe eƒe afɔnu.+ 23  Eye wòɖe kuku nɛ vevie ŋutɔ be: “Vinyenyɔnuvi dze dɔ vevie.* Meɖe kuku, va da asi ɖe edzi+ bena eƒe lãme nasẽ ne wòatsi agbe.” 24  Eye wòyi kplii, ke ameha gã aɖe dze eyome, eye womimii ɖo. 25  Azɔ nyɔnu aɖe si nɔ ʋusisidɔ+ lém ƒe wuieve sɔŋ+ la hã le afi ma. 26  Nyɔnu sia kpe fu le atikewɔla geɖewo si me, eye wògblẽ eƒe nunɔamesiwo katã, gake dɔa meka ɖe eme nɛ o, ke boŋ ɖeko wòganyra ɖe edzi. 27  Esi wòse Yesu ŋkɔ la, eto ameha la dome va Yesu megbe, eye wòka asi eƒe awudziwui ŋu,+ 28  elabena egblɔ le eɖokui me be: “Ne meka asi eƒe awudziwui teti ŋu la, mahaya.”+ 29  Eye enumake ʋusisi la nu tso, eye wòse le lãme be dɔléle vɔ̃ɖi la vɔ na ye. 30  Enumake Yesu de dzesii be ŋusẽ+ do go le ye me, ale wòtrɔ le ameha la dome hebia be: “Ame kae ka asi nye awudziwuiwo ŋu?”+ 31  Ke eƒe nusrɔ̃lawo gblɔ nɛ be: “Èkpɔe be ameha la mimi wò ɖo tso hafi nèle biabiam be, ‘Ame kae ka asi ŋunye?’” 32  Ke etsa ŋku godoo va kpe be yeakpɔ ame si wɔ nu sia. 33  Vɔvɔ̃ ɖo nyɔnu la, eye wòle dzodzom nyanyanya, elabe enya nu si dzɔ ɖe edzi, eye wòva dze klo ɖe Yesu ŋkume hegblɔ nyateƒea katã nɛ. 34  Yesu gblɔ nɛ be: “Vinyenyɔnu, wò xɔse na nèhaya. Heyi le ŋutifafa me,+ eye nàhaya tso wò dɔléle vɔ̃ɖi la si me.”+ 35  Esi wògale nuƒoƒo dzi la, ame aɖewo tso ƒuƒoƒedzikpɔla Yairo ƒe aƒe me va gblɔ be: “Viwònyɔnuvi la ku! Nu ka ƒe fue nàgaɖe na Nufiala la?”+ 36  Ke Yesu se nya si gblɔm wole la, eye wògblɔ na ƒuƒoƒedzikpɔla la be: “Mègavɔ̃ o, wò ya xɔ se ko.”+ 37  Ke meɖe mɔ na ame aɖeke be wòakplɔ ye ɖo o, negbe Petro, Yakobo kple Yohanes, si nye Yakobo nɔvi la ko.+ 38  Ale wova ƒuƒoƒedzikpɔla la ƒe aƒe me, eye wòkpɔ be teƒea tɔ zi eye amewo le avi fam hele ɣli dom bobobo.+ 39  Esi wòge ɖe aƒea me la, ebia wo be: “Nu ka tae miele avi fam ale hena aƒea me tɔ zi? Ðevia meku o, ke boŋ alɔ̃ dɔm wòle.”+ 40  Ale wode asi ekoko me. Ke esi wòna wo katã do go la, ekplɔ ɖevia fofo kple dadaa kpakple ame siwo kpe ɖe eŋu la ɖe asi, eye wòyi afi si ɖevia le. 41  Esi wòlé ɖevia ƒe alɔnu la, egblɔ nɛ be: “Talita kumi,” si gɔmee nye: “Nyɔnuvi, mele egblɔm na wò be, ‘tsi tsitre!’”+ 42  Enumake nyɔnuvia tsi tsitre eye wòzɔ azɔli. (Nyɔnuvi la xɔ ƒe wuieve.) Eye gbɔgblɔ bu ɖe edzilawo eye wogli kple dzidzɔ. 43  Ke ede se na wo vevie be womegana ame aɖeke nase nya sia o,+ eye wògblɔ na wo be woadi nane nɛ wòaɖu.

Etenuŋɔŋlɔ

Alo, “ŋkuɖodziyɔdowo.”
Alo, “to la dzi va ɖo eƒe aga nu.”
Alo, “Du Ewoawo Ƒe Nuto Me.”
Alo, “ɖo kudo nu.”