Dzo kpo yi emenuwo dzi

Dzo kpo yi emenu bubu dzi

Dzo kpo yi emenuawo dzi

Yehowa Ɖasefowo

Eʋegbe

Internet Dzi Biblia | ŊƆŊLƆ KƆKƆEAWO—XEXE YEYE GƆMEƉEƉE

Lododowo 9:1-18

EMENYAWO ƑE TOTOƉEME

  • Nunya vavã le amewo kpem (1-12)

    • “Nyee ana wò agbemeŋkekewo nasɔ gbɔ” (11)

  • Nyɔnu tsibome le amewo kpem (13-18)

    • “Tsi si wofi la, ɖe wòvivina” (17)

9  Nunya vavãtɔ tu eƒe xɔ;Ekpa eƒe sɔti adreawo ɖe eŋu.*   Etrɔ asi le eƒe lã* ŋu;Etɔtɔ eƒe wain;Eye wòɖo eƒe kplɔ̃ hã.   Edɔ eƒe dɔlanyɔnuwo ɖaNe woado ɣli le dua ƒe kɔkɔƒewo be:+   “Ame sia ame si si nuteƒekpɔkpɔ mesu o la, neva dze afii.” Egblɔ na ame si si tagbɔ mele o* hã be:   “Va ɖu nye abolo.Eye nàno wain si metɔtɔ la.   Ðe asi le numanyamanya* ŋu, ne nànɔ agbe;+Eye lé gɔmesese ƒe mɔ tsɔ tẽe.”+   Ame si le fewuɖula ɖɔm ɖo la kplɔa ŋukpe ƒua eɖokui,+Eye ame si le mo kam na ame vɔ̃ɖi la awɔ nu vevi eɖokui.   Mègaka mo na fewuɖula o; fu ko wòalé wò.+ Ka mo na nunyala boŋ, eye alɔ̃ wò.+   Fia nu nunyala, eye aganya nu ɖe edzi.+ Fia nu ame dzɔdzɔe, eye agasrɔ̃ nu geɖe akpe esi wònya. 10  Yehowa vɔvɔ̃e nye nunya ƒe gɔmedzedze,+Eye sidzedze Kɔkɔetɔ+ lae nye gɔmesese. 11  Elabena nyee ana wò agbemeŋkekewo nasɔ gbɔ,+Eye woadzi wò agbenɔƒewo ɖe edzi. 12  Ne èdze nunya la, wò ŋutɔe nunya sia aɖe vi na,Gake ne ènye fewuɖula la, wò ɖeɖee akpɔ emetsonua. 13  Nyɔnu movitɔ doa aƒa.+ Mebua nu ŋu yia ŋgɔe o, eye menya naneke o. 14  Ebɔbɔ nɔ eƒe aƒe ƒe mɔnu,Le zikpui dzi le dua ƒe kɔkɔƒe,+ 15  Le ɣli dom le ame siwo tso eme va yina la yɔm,Le gbɔgblɔm na ame siwo lé woƒe mɔ tsɔ tẽe la be: 16  “Ame sia ame si si nuteƒekpɔkpɔ mesu o la, neva dze afii.” Egblɔ na ame siwo katã si tagbɔ mele o* hã be:+ 17  “Tsi si wofi la, ɖe wòvivina,Eye vivimenuɖuɖu ɖe wòle ŋanaŋana.”+ 18  Ke womenyae be ku le afi ma* o,Be Tsieƒe* ƒe gogloeƒe kee ame siwo wòkpe la le o.+

Etenuŋɔŋlɔ

Alo, “Eɖe sɔti adreawo ɖe eŋu.”
Egɔmeɖeɖe tẽe, “lã si wòwu.”
Alo, “ame si si dzi nyanu mele o.”
Alo, “ame makpɔnuteƒewo.”
Alo, “ame siwo katã si dzi nyanu mele o.”
Egɔmeɖeɖe tẽe, “afi mae ame kuku siwo ŋu ŋusẽ aɖeke megale o la le.”
Alo, “Sheol,” si nye ameƒomea ƒe yɔdo. Kpɔ Nya Tɔxɛwo Gɔmeɖeƒea.