Dzo kpo yi emenuwo dzi

Dzo kpo yi emenu bubu dzi

Dzo kpo yi emenuawo dzi

Yehowa Ɖasefowo

Eʋegbe

Internet Dzi Biblia | ŊƆŊLƆ KƆKƆEAWO—XEXE YEYE GƆMEƉEƉE

Lododowo 29:1-27

EMENYAWO ƑE TOTOƉEME

  • Vi si womekpla o la dea ŋukpe mo na ame (15)

  • Ne ŋutega meli o la, amewo wɔa nu si dzea wo ŋu (18)

  • Dɔmedzoetɔ hea dzre vɛ (22)

  • Ðokuibɔbɔla ƒe asi sua bubu dzi (23)

  • Amegbetɔvɔvɔ̃ nye mɔ̃ (25)

29  Ame si woka mo na zi geɖe gake wòlia kɔ* la,+Agbã zi ɖeka gudugudu, eye gbedada manɔ eŋu o.+   Ne ame dzɔdzɔewo dzi ɖe edzi la, dukɔ kpɔa dzidzɔ,Ke ne ame vɔ̃ɖi le fia ɖum la, dukɔ ɖea hũ.+   Ame si lɔ̃a nunya doa dzidzɔ na fofoa,+Ke ame si dea ha kple gbolowo la gblẽa eƒe kesinɔnuwo dome.+   Ʋɔnu dzɔdzɔe dɔdrɔ̃ dzie fia tona lia ke eƒe dukɔ,+Ke ame si lɔ̃a zãnuxɔxɔ la gbãnɛ.   Ame si ɖɔa kesekuku na ehavi laLe ɖɔ ɖom na ehavi ƒe afɔ.+   Ame vɔ̃ɖi ƒe dzidada zua mɔ̃ ɖenɛ,+Ke ame dzɔdzɔe tsoa aseye, eye wòkpɔa dzidzɔ.+   Ame dzɔdzɔe tsɔa ɖe le ame dahewo ƒe nyawo me,+Ke ame vɔ̃ɖi ya metsɔa ɖeke le eme na wo o.+   Adegbeƒolawo dea zitɔtɔ du me,+Ke nunyalawo tsia dɔmedzoe nu.+   Ne nunyala kple bometsila kpe nya la,Bometsila fiaa adã, ɖua fewu, eye nunyala mekpɔa dzidzeme o.+ 10  Ame siwo ʋukɔkɔɖi dzrona la léa fu ame maɖifɔwo,+Eye wodina be yewoaɖe nu dzɔdzɔe wɔla ƒe agbe* ɖa.* 11  Bometsila dudua eƒe seselelãme* katã kɔna ɖi,+Ke nunyala léa enu tufafatɔe.+ 12  Ne dziɖula léa to ɖe alakpanya ŋu la,Eŋumewo katã azu ame vɔ̃ɖiwo.+ 13  Nu ɖeka si nye nyateƒe le ame dahe kple ameteɖeanyila siaa gomee nye be:* Yehowae nana wo ame evea ƒe ŋkuwo kpɔa kekeli.* 14  Ne fia drɔ̃a ʋɔnu ame dahewo ɖe eteƒe la,+Eƒe fiazikpui ali ke ɖaa.+ 15  Ameƒoti* kple mokanamee dzea nunya ame,+Gake vi si womekpla o la dea ŋukpe mo na dadaa. 16  Ne ame vɔ̃ɖiwo dzi ɖe edzi la, dzidada hã dzina ɖe edzi,Ke ame dzɔdzɔewo akpɔ woƒe anyidzedze teƒe.+ 17  He viwò, ekema ana gbɔɖeme wò;Eye wòahe dzidzɔ geɖe vɛ na wò.*+ 18  Ne ŋutega* meli o la, amewo wɔa nu si dze wo ŋu,+Ke dzidzɔtɔwoe nye ame siwo léa se la me ɖe asi.+ 19  Nuƒoƒo ɖeɖe meɖɔa subɔvi ɖo o,Elabena ese egɔme hafi gbe edziwɔwɔ.+ 20  Èkpɔ ame si ƒoa nu blablablaa?+ Mɔkpɔkpɔ li na bometsila wui.+ 21  Ne ame aɖe wɔa vi na eƒe subɔvi tso ɖevime la,Ava zu ame madakpe emegbe. 22  Dɔmedzoetɔ hea dzre vɛ;+Eye dzikutɔ daa vo geɖe.+ 23  Amegbetɔ ƒe dadae abɔbɔe ɖe anyi,+Ke ame si me ɖokuibɔbɔ ƒe gbɔgbɔ le la ƒe asi asu bubu dzi.+ 24  Ame si wɔa ɖeka kple fiafitɔ la léa fu eɖokui.* Asee woado kpo be ame nava ʋu go nya,* gake agbe egbɔgblɔ.+ 25  Amegbetɔvɔvɔ̃ la, mɔ̃e wònye ɖea ame,+Ke ame si ɖoa dzi ɖe Yehowa ŋu la, woakpɔ eta.+ 26  Ame geɖewoe dina be yewoado ɖe dziɖula ŋkume,*Ke Yehowa ye tsoa afia na ame.+ 27  Ame dzɔdzɔe nyɔa ŋu ame si melɔ̃a nya dzɔdzɔe o,+Eye ame vɔ̃ɖi nyɔa ŋu ame si ƒe mɔ le dzɔdzɔe.+

Etenuŋɔŋlɔ

Alo, “gake metsɔa ɖeke le eme o.”
Alo, “luʋɔ.”
Agate ŋu afia, “Gake ame dzɔdzɔe kpɔa eƒe agbe ta.”
Egɔmeɖeɖe tẽe, “eƒe gbɔgbɔ.”
Egɔmeɖeɖe tẽe, “Ame dahe kple ameteɖeanyila va do go.”
Efia, Eyae naa agbe wo ame evea.
Alo, “Amehehe; tohehe.”
Alo, “wò luʋɔ.”
Alo, “ɖeɖefia.”
Alo, “eya ŋutɔ ƒe luʋɔ.”
Alo, “Ase ɖiŋudonya.”
Agate ŋu afia, “Ame geɖewo wɔa nu be yewoadze dziɖula ŋu.”