Dzo kpo yi emenuwo dzi

Dzo kpo yi emenu bubu dzi

Dzo kpo yi emenuawo dzi

Yehowa Ɖasefowo

Eʋegbe

Internet Dzi Biblia | ŊƆŊLƆ KƆKƆEAWO—XEXE YEYE GƆMEƉEƉE

Lododowo 21:1-31

EMENYAWO ƑE TOTOƉEME

  • Yehowa trɔa fiawo ƒe dzi (1)

  • Nu dzɔdzɔe wɔwɔ nyo wu vɔsa (3)

  • Veviedodo hea dzidzedze vɛ (5)

  • Woado toku ame si doa toku ame dahe (13)

  • Nunya aɖeke mate ŋu atsi tre ɖe Yehowa ŋu o (30)

21  Fia ƒe dzi le abe tɔʋu ene le Yehowa si me.+ Afi sia afi si Wòlɔ̃ lae wòtrɔnɛ ɖo.+   Ame ƒe mɔwo katã dzɔ le eya ŋutɔ ŋkume,+Ke Yehowae dzroa dziwo me* kpɔna.+   Nu dzɔdzɔe kple nu si le eteƒe wɔwɔDzea Yehowa ŋu wu vɔsa.+   Dadaŋkuwo kple dzi si vu gblotoo laNye ame vɔ̃ɖiwo ƒe akaɖi, evɔ wòhenye nu vɔ̃.+   Veviedola ƒe ɖoɖowo hea dzidzedzekpɔkpɔ* vanɛ,+Ke ame sia ame si tsia klokloklo la, hiã atui.+   Kesinɔnu si wotsɔ alakpaɖe kpɔ la,Le abe ƒuƒu dzro si nu yina kaba ene, ku ƒe mɔ̃ wònye.*+   Ame vɔ̃ɖiwo ƒe ŋutasẽnuwɔwɔe akplɔ wo ayi,+Elabena wogbe nu si le eteƒe la wɔwɔ.   Fɔɖila ƒe mɔwo le gɔdɔ̃gɔdɔ̃,Ke fɔmaɖila ƒe nuwɔnawo toa mɔ ɖeka.+   Enyo be woanɔ dzogoe dzi le xɔ taWu be woanɔ aƒe ɖeka me kple srɔ̃nyɔnu dzrewɔla.*+ 10  Vɔ̃wɔwɔ le ame vɔ̃ɖi* dzrom vevie;+Mekpɔa nublanui na ehavi o.+ 11  Ne wohe to na fewuɖula la, ame makpɔnuteƒe dzea nunya,Eye ne wokpe ɖe nunyala ŋu wòse nuwo gɔme nyuie la, sidzedze sua esi.*+ 12  Dzɔdzɔetɔ la dzea si ame vɔ̃ɖiwo ƒe aƒe;Eye wòkplɔa ame vɔ̃ɖiwo ƒua gbegblẽ me.+ 13  Ame sia ame si doa toku ame dahe ƒe ɣlidodo la,Eya ŋutɔ hã ado ɣli, ke womatɔ nɛ o.+ 14  Adzamenunana tsia dziku nu,+Eye zãnu si wona le bebeme* la tsia dɔmedzoe nu. 15  Dzidzɔe wònye na ame dzɔdzɔe be yeawɔ nu si le eteƒe,+Ke ame siwo tsɔ nu vɔ̃ɖi wɔwɔ ɖo dɔe ya la, ŋɔdzie wònye na wo. 16  Ame si tra tso gɔmesese ƒe mɔ dzi la,Agbɔ ɖe eme le ame kuku siwo ŋu wɔna vɔ le la ƒe ha me.+ 17  Ame si lɔ̃a agbeɖuɖu la, hiã atui;+Ame si lɔ̃a wain kple ami la makpɔ ho o. 18  Ame vɔ̃ɖi nye avulénu ɖe ame dzɔdzɔe nu,Eye ame mawɔnuteƒe ɖe ame si wɔa nu si le eteƒe nu.+ 19  Enyo be woanɔ gbedadaƒoWu be woanɔ srɔ̃nyɔnu dzrewɔla* dzikudola gbɔ.+ 20  Nu xɔasiwo kple ami nɔa nunyala ƒe aƒe me,+Ke bometsila ya agblẽ eƒe nuwo dome.*+ 21  Ame sia ame si tia dzɔdzɔenyenye kple lɔlɔ̃ vavã yome la,Eƒe asi atu agbe, dzɔdzɔenyenye kple bubu.+ 22  Nunyala ate ŋu adze kalẽtɔwo ƒe du dziAhagblẽ woƒe ŋusẽ si ŋu woɖoa dzi ɖo la dome.+ 23  Ame si kpɔa eƒe nu kple eƒe aɖe dzi laKpɔa eɖokui* ta tso xaxa me.+ 24  Dadala ɖokuiŋudzela si ƒoa adegbe lae woyɔna beŊutsu dadala si wɔa nu ŋumaɖɔɖotɔe.+ 25  Kuviatɔ ƒe nudzodzroe wunɛ,Elabena eƒe asi gbe dɔwɔwɔ.+ 26  Nu meɖia ƒo nɛ gbe aɖeke gbe o,Ke ame dzɔdzɔe ya naa nu, eye memiaa asi ɖe nu dzi o.+ 27  Ame vɔ̃ɖi ƒe vɔsa nye ŋunyɔ;+ Ʋuu keke wòahanye be etsɔe vɛ kple susu vɔ̃ɖi!* 28  Aʋatsoɖasefo atsrɔ̃,+Ke ame si kea to nyuie la aɖi ɖase dzidzedzetɔe.* 29  Ame vɔ̃ɖi ɖoa mo kplala,+Ke nu dzɔdzɔe wɔla ƒe mɔe ali ke.+ 30  Nunya alo gɔmesese alo tameɖoɖo aɖeke mate ŋu atsi tre ɖe Yehowa ŋu o.+ 31  Woblaa akpa na sɔ ɖe aʋawɔgbe ŋu,+Ke Yehowa si mee xɔname le.+

Etenuŋɔŋlɔ

Alo, “susuwo me.”
Alo, “viɖe.”
Agate ŋu afia, “na ame siwo le ku dim.”
Alo, “fuɖenamela.”
Alo, “ame vɔ̃ɖi ƒe luʋɔ.”
Alo, “enyaa ale si wòawɔ nui.”
Alo, “si wotsɔ ɖe akɔnu vɛ.”
Alo, “fuɖenamela.”
Egɔmeɖeɖe tẽe, “mia eƒe nuwo.”
Alo, “eƒe luʋɔ.”
Alo, “be ŋukpenanuwɔwɔ kpe ɖe eŋu!”
Egɔmeɖeɖe tẽe, “aƒo nu ɖaa.”