Dzo kpo yi emenuwo dzi

Dzo kpo yi emenuawo dzi

Lododowo 19:1-29

EMENYAWO ƑE TOTOƉEME

  • Nugɔmesela medoa dziku kabakaba o (11)

  • Srɔ̃nyɔnu dzrewɔla le abe xɔ si le ɖuɖum ene (13)

  • Srɔ̃nyɔnu nyanu tso Yehowa gbɔ (14)

  • He to na viwò, esime mɔkpɔkpɔ gali (18)

  • Se aɖaŋuɖoɖo nàdze nunya (20)

19  Enyo be woanye ame dahe si ƒe zɔzɔme ŋu fɔɖiɖi mele o+Wu be woanye bometsila si daa alakpa.+   Sidzedze ƒe ame* si manɔmanɔ menyo o,+Eye ame si tsia klokloklo* la wɔa nu vɔ̃.   Ame ŋutɔ ƒe bometsitsie nana eƒe mɔ glɔ̃na,Ke eƒe dzi nyrana ɖe Yehowa boŋ ŋu.   Kesinɔnuwo hea xɔlɔ̃ geɖe ɖe ame ŋu,Ke xɔlɔ̃wo kana le ame dahe ŋu.+   Aʋatsoɖasefo matsi tomahe o,+Eye ame si daa alakpa ɣesiaɣi la mado le eme o.+   Ame geɖewo dina be yewoƒe nu nadze bubume* ŋu,Eye ame sia ame dzea xɔ̃ ame si naa nu ame.   Ame dahe nɔviwo ke hã léa fui;+Aleke wɔ exɔlɔ̃wo ya maka le eŋu o!+ Enɔa wo yome ɖea kuku na wo, gake womedea nu eme nɛ o.   Ame si si nunya* su la lɔ̃a eɖokui.*+ Ame si dea asixɔxɔ gɔmesese ŋu la, nu adze edzi nɛ.*+   Aʋatsoɖasefo matsi tomahe o,Eye ame si daa alakpa ɣesiaɣi la atsrɔ̃.+ 10  Agbeɖuɖu medze bometsila o;Ke aleke wɔ subɔvi nahayi fia ɖu ge ɖe amegãwo dzi?+ 11  Ame si sea nu gɔme nyuie la, medoa dziku kabakaba o,+Eye atsyɔ̃ wònye nɛ be wòaŋe aɖaba aƒu agɔdzedze* dzi.+ 12  Fia ƒe dziku le abe dzata* ƒe gbetete ene,+Ke eƒe amenuveve le abe zãmu si dza ɖe gbewo dzi ene. 13  Vi tsibome hea gbegblẽ vaa fofoa dzi,+Eye srɔ̃nyɔnu dzrewɔla* le abe xɔ si le ɖuɖum ɖaa ene.+ 14  Aƒe kple kesinɔnuwo nye domenyinu tso vifofowo gbɔ,Ke srɔ̃nyɔnu nyanu la, Yehowa gbɔe wòtsona.+ 15  Kuviawɔwɔ ɖe wònana ame dɔa alɔ̃ tsu,Eye ame* si wɔa alɔgblɔdɔ la, dɔ awui.+ 16  Ame si léa sedede me ɖe asi la kpɔa eƒe agbe* ta;+Ame si meléa ŋku ɖe eƒe mɔwo ŋu o la, aku.+ 17  Ame si vea ame dahe nu la le nu dom na Yehowa,+Eye aɖo nu si wòwɔ la teƒe nɛ.+ 18  He to na viwò, esime mɔkpɔkpɔ gali,+Eye mègana eƒe ku ƒe fɔɖiɖi nanɔ dziwò o.*+ 19  Ame si dzi kuna helĩhelĩ la, axe eŋutife;Ne èbe yeaxɔ nɛ la, ewɔwɔ dzi ko nànɔ.+ 20  Se aɖaŋuɖoɖo, eye nàxɔ amehehe,+Ne nàdze nunya le etsɔ si gbɔna me.+ 21  Nu geɖewoe amegbetɔ ɖona ɖe eƒe dzi me,Gake Yehowa ƒe adaŋudedee* ava eme.+ 22  Atsyɔ̃e wònye na ame ne elɔ̃a ame tso dzi me;+Eye enyo be woanye hiãtɔ wu be woanye alakpatɔ. 23  Yehowa vɔvɔ̃ kplɔa ame yia agbe me;+Ame si vɔ̃nɛ la aɖe dzi ɖi; vɔ̃ aɖeke mava edzi o.+ 24  Kuviatɔ de asi nuɖugba me;Etsɔtsɔ de nu me gɔ̃ hã zu dɔ nɛ.+ 25  Ƒo fewuɖula,+ ekema ame makpɔnuteƒe adze nunya,+Ka mo na nugɔmesela, ekema sidzedze geɖe asu esi.+ 26  Ame si sẽa ŋuta le fofoa ŋu, eye wònyaa dadaa ɖa la,Vi ŋukpenanuwɔla kple vlodoamela wònye.+ 27  Vinye, ne èdzudzɔ toɖoɖo amehehe la,Àtra ɖa tso nya siwo me nunya le la gbɔ. 28  Ðasefo vloe ɖea alɔme le nya dzɔdzɔe ŋu,+Eye ame vɔ̃ɖiwo mia nu vɔ̃ɖi gbligbligbli.+ 29  Tohehe li na fewuɖulawo,+Eye ƒoƒo li na bometsilawo ƒe dzime.+

Etenuŋɔŋlɔ

Alo, “luʋɔ.”
Egɔmeɖeɖe tẽe, “ame si ƒe afɔ tsɔna.”
Alo, “dɔmenyotɔ.”
Egɔmeɖeɖe tẽe, “Ame si si dzi nyanu.”
Alo, “eƒe luʋɔ.”
Alo, “eme anyo nɛ.”
Alo, “dzidada.”
Alo, “dzatatsui.”
Alo, “fuɖenamela.”
Alo, “luʋɔ.”
Alo, “luʋɔ.”
Alo, “mègadi eƒe ku o.” Egɔmeɖeɖe tẽe, “wò luʋɔ mègatso ɖe eŋu be yeawui o.”
Alo, “tameɖoɖoe.”