Lododowo 17:1-28

  • Mègatsɔ vɔ̃ ɖo nyui teƒe o (13)

  • Dzudzɔ hafi wòava zu dzre (14)

  • Xɔlɔ̃ vavã lɔ̃a ame ɣeawokatãɣi (17)

  • “Dzi kpɔdzidzɔ nye atike nyui” (22)

  • Nunyala kpɔa eƒe nuƒoƒo dzi (27)

17  Abolo ƒuƒlu sue si ŋu tomefafa* kpe ɖo+ laNyo wu aƒe si me kplɔ̃ɖoɖo le ɖaa* eye dzre kpe ɖe eŋu.+   Dɔla nyanu aɖu amegã ɖe vi ŋukpenanuwɔla dzi;Eye wòama domenyinu kpli wo abe wo nɔviŋutsue wònye ene.   Sonu li ɖe klosalo ŋu, eye kpo li ɖe sika ŋu,+Ke Yehowae dzroa dziwo me kpɔna.+   Ame vɔ̃ɖi léa to ɖe alakpanyawo ŋu,Eye aʋatsokala ƒua to anyi ɖe aɖe si gblẽa ame ŋu la ŋu.+   Ame sia ame si ɖea alɔme le ame dahe ŋu la doa vlo Ewɔla,+Eye ame sia ame si kpɔa dzidzɔ ɖe ame bubu ƒe gbegblẽ ŋu la matsi tomahe o.+   Amegãɖeɖiwo ƒe fiakukue nye wo tɔgbuiyɔviwo,Eye viwo ƒe atsyɔ̃e nye wo fofowo.*   Nya dzɔdzɔe* medze bometsila o.+ Ke aleke alakpanya nahayi dziɖula* dze ge!+   Nunana le abe kpe xɔasi* ene na enala;+Afi sia afi si wòtrɔ ɖo la, ehea nudzedziname vana nɛ.+   Ame si tsɔa dzidada kena la le lɔlɔ̃ dim,+Ke ame si léa nya ɖeka ɖe nu la klãa xɔlɔ̃ veviwo dome.+ 10  Nyagbename wɔa dɔ ɖe nugɔmesela dzi+Wu bometsila ƒoƒo zi alafa.+ 11  Ame vɔ̃ɖi tɔ koe nye aglãdzedze,Eya ta dɔla tagbɔsesẽtɔe wodɔna ɖe eŋu.+ 12  Enyo be woado go sisiblisi si ŋu woɖe viwo leWu be woado go bometsila le eƒe movidzɔdzɔ me.+ 13  Ame si tsɔa vɔ̃ ɖoa nyui teƒe la,Vɔ̃ mate ɖa le eƒe aƒe me o.+ 14  Dzregɔmetoto le abe ale si woŋɔa tɔʋui* ene;Eya ta dzudzɔ hafi wòava zu dzre.+ 15  Ame si tsoa afia na ame vɔ̃ɖi be etɔ dzɔ, kple ame si bua fɔ ame dzɔdzɔe la,+Ŋunyɔ wo ame evea siaa wonye na Yehowa. 16  Vi kae wòaɖe ne nu si bometsila ate ŋu atsɔ aƒle nunya le esiEvɔ dzi nyanu mele esi o?*+ 17  Xɔlɔ̃ vavã lɔ̃a ame ɣeawokatãɣi+Eye ame nɔvi wònye wodzi ɖe xaxagbe ŋu.+ 18  Ame si nunya mele tagbɔ na o* la naa asi ɖe nya dzi helɔ̃naBe yeanɔ ŋgɔ na ye havi ada megbe nɛ.+ 19  Ame si lɔ̃a dzrewɔwɔ la, elɔ̃a dzidada.+ Ame sia ame si ɖea eƒe agbomɔnu wòkɔkɔna la, ele eya ŋutɔ ƒe gbegblẽ dim.+ 20  Ame si ƒe dzi metoa mɔ ɖeka o la, nu madze edzi nɛ o,*+Eye ame si beble le nu me na la adze vɔ̃ me. 21  Ame si dzi bometsila la, axa nu;Eye vi tsibome fofo mekpɔa dzidzɔ o.+ 22  Dzi kpɔdzidzɔ nye atike nyui,*+Ke gbɔgbɔ si dzi nu te ɖo vevie la nana ŋusẽ vɔna le ame ŋu.*+ 23  Ame vɔ̃ɖi xɔa zãnu le adzame,*Be yeaglɔ̃ mɔ na nya dzɔdzɔe.+ 24  Nunya le nugɔmesela ƒe ŋkuta,Ke bometsila ƒe ŋkuwo tsana yia keke anyigba ƒe mlɔenu ke.+ 25  Vi tsibome nyea nuxaxa na fofoa,Kple dzivee* na dadaa.+ 26  Tohehe* na ame dzɔdzɔe menyo o,Eye bubumewo ƒoƒo mesɔ o. 27  Nunyala kpɔa eƒe nuƒoƒo dzi,+Eye nugɔmesela gbɔa dzi ɖi blewu.*+ 28  Woabu bometsila kura gɔ̃ hã nunyalae nenye be ezi ɖoɖoe,Eye ame si léa eƒe nu la, woabui nugɔmeselae.

Etenuŋɔŋlɔ

Alo, “dziɖeɖi.”
Egɔmeɖeɖe tẽe, “aƒe si me yɔ fũu kple vɔsawo.”
Alo, “wo dzilawo.”
Alo, “Nya si le eteƒe.”
Alo, “bubume; amegã.”
Alo, “kpe si hea amenuveve vanɛ.”
Egɔmeɖeɖe tẽe, “woʋua mɔ na tsii.”
Alo, “Evɔ nunya mele tagbɔ nɛ o?”
Alo, “ame si si dzi nyanu mele o.”
Egɔmeɖeɖe tẽe, “eme manyo nɛ o.”
Alo, “gbedanu nyui.”
Alo, “nana ƒuwo ƒuna kplakplakpla.”
Egɔmeɖeɖe tẽe, “Ame vɔ̃ɖi xɔa zãnu tso akɔnu.”
Alo, “vevesese.”
Alo, “Fedodo.”
Egɔmeɖeɖe tẽe, “nugɔmesela sie gbɔgbɔ fatu le.”