Dzo kpo yi emenuwo dzi

Dzo kpo yi emenu bubu dzi

Dzo kpo yi emenuawo dzi

Yehowa Ɖasefowo

Eʋegbe

Internet Dzi Biblia | ŊƆŊLƆ KƆKƆEAWO—XEXE YEYE GƆMEƉEƉE

Lododowo 11:1-31

EMENYAWO ƑE TOTOƉEME

  • Ame siwo nyaa afi si woƒe ŋutete se ɖo (2)

  • Xɔsegbela gblẽa ame bubuwo dome (9)

  • “Aɖaŋuɖola geɖewo dzie wotona kpɔa dzidzedze” (14)

  • Nu adze edzi na dɔmenyotɔ (25)

  • Ame si ɖoa dzi ɖe eƒe kesinɔnuwo ŋu (28)

11  Nudanu amebatɔ nye ŋunyɔ na Yehowa,Ke nudanu* si de pɛpɛpɛ la dzea eŋu.+   Ne ɖokuidodoɖedzi do mo ɖa la, ŋukpe hã dzea eyome godoo,+Ke ame siwo nyaa afi si woƒe ŋutete se ɖo la si mee nunya le.+   Nu dzɔdzɔe wɔlawo ƒe fɔmaɖimaɖie fiaa mɔ wo,+Ke ame mawɔnuteƒewo ƒe nu fitifiti wɔwɔe atsrɔ̃ wo.+   Viɖe aɖeke manɔ ame ƒe kesinɔnuwo* ŋu le dzikudogbe o,+Ke dzɔdzɔenyenyee aɖe ame tso ku me.+   Ame maɖifɔ ƒe dzɔdzɔenyenyee taa mɔ dzɔdzɔe nɛ,Ke ame vɔ̃ɖi ŋutɔ ƒe vɔ̃ɖinyenyee aƒui anyi.+   Nu dzɔdzɔe wɔlawo ƒe dzɔdzɔenyenyee aɖe wo,+Ke ame mawɔnuteƒewo ƒe dzodzrowoe dea wo asi.+   Ne ame vɔ̃ɖi ku la, eƒe mɔkpɔkpɔ nu yina;Eye ŋuɖoɖo ɖe eƒe ŋusẽ ŋu hã nu yina.+   Woɖea ame dzɔdzɔe tso xaxa me,Eye ame vɔ̃ɖi xɔna ɖe eteƒe.+   Xɔsegbela* tsɔa eƒe nu gblẽa ehavi dome,Ke sidzedzee wotsɔna ɖea ame dzɔdzɔewo.+ 10  Ame dzɔdzɔewo ƒe nu nyui wɔwɔ nana du kpɔa dzidzɔ,Ke ne ame vɔ̃ɖiwo nu yi la, aseye ɖina.+ 11  Nu dzɔdzɔe wɔlawo ƒe yayra doa du ƒe ŋkɔ ɖe dzi,+Ke ame vɔ̃ɖiwo ƒe nu nana wogbãnɛ ƒua anyi.+ 12  Ame si si tagbɔ mele o* la doa vlo ehavi,Ke nugɔmesela zia kpi.+ 13  Ameŋugblẽla nɔa tsatsam nɔa go ʋum nya ɣaɣla,+Ke ame si dzi woate ŋu aka ɖo* ɣlaa nya.* 14  Ne mɔfiafia nyui meli o la, dukɔ dzea anyi,Ke aɖaŋuɖola* geɖewo dzie wotona kpɔa dzidzedze.*+ 15  Ame si da megbe na ame tutɔ wòdo ga la, eme manyo nɛ o,+Ke ame si gbe asinana ɖe ɖoɖo dzi la anɔ dedie. 16  Nyɔnu si wɔ ame* la ƒe asi sua bubu dzi,+Ke ŋutsu ŋutasẽlawo ya kesinɔnu koe sua wo si. 17  Ame si nyoa dɔme* la le nyui wɔm na eya ŋutɔ ɖokui,*+Ke ŋutasẽla hea xaxa* vaa eya ŋutɔ ɖokui dzi.+ 18  Ame vɔ̃ɖi xɔa beblefetu,+Ke ame si ƒãa dzɔdzɔenyenye la xɔa fetu vavã.+ 19  Ame si léa nu dzɔdzɔe wɔwɔ me ɖe asi la le agbemɔ dzi,+Ke ame si tia nu vɔ̃ɖi wɔwɔ yome la le kumɔ dzi. 20  Ame siwo ƒe dzi metoa mɔ ɖeka o la ƒe nu nyɔa ŋu na Yehowa,+Ke ame siwo ƒe zɔzɔme ŋu fɔɖiɖi mele o la ƒe nu nyoa eŋu.+ 21  Ka ɖe nya sia dzi be:* Womagbe tohehe na ame vɔ̃ɖi o,+Ke ame dzɔdzɔewo ƒe viwo ya ado le eme. 22  Nyɔnu dzetugbe si gbea susu ŋu dɔ wɔwɔ,Le abe ha si sikaŋɔtigɛ le ŋɔti na ene. 23  Ame dzɔdzɔewo ƒe dzimedidi hea nyui vanɛ,+Ke ame vɔ̃ɖiwo ƒe mɔkpɔkpɔ hea dziku vanɛ. 24  Ame aɖe naa nu faa,* ke egadzina ɖe edzi nɛ;+Ame aɖe hã vea nu ale gbegbe, ke ahe ko wòdana.+ 25  Eme anyo na dɔmenyotɔ,*+Eye ame si naa amewo ƒe dzi dzea eme la, woana eya hã ƒe dzi nadze eme.+ 26  Ame si miaa asi ɖe bli dzi la, amewo ado ɖiŋu nɛ,Ke ame si tsɔe na woƒle la, woayrae. 27  Ame si le nyui yome tim la, eƒe nu anyo ame ŋu,+Ke ame si le vɔ̃ dim la, vɔ̃ ava edzi godoo.+ 28  Ame si le dzi ɖom ɖe eƒe kesinɔnuwo ŋu la adze anyi,+Ke ame dzɔdzɔewo awɔ vlɔvlɔvlɔ abe aŋgba ene.+ 29  Ame si he vɔ̃* va eƒe aƒe dzi la, ya anye eƒe domenyinu,+Eye bometsila anye subɔla na ame si si dzi nyanu le. 30  Ame dzɔdzɔe ƒe kutsetse nye agbeti,+Eye ame si ɖea luʋɔwo* la, nunyalae.+ 31  Kpɔ ɖa, ne woɖoa eteƒe na ame dzɔdzɔe le anyigba dzi la,Ke ɖe womaɖo ame vɔ̃ɖi kple nu vɔ̃ wɔla ya ƒe nuwɔna teƒe na wo oa?+

Etenuŋɔŋlɔ

Alo, “nudakpe.”
Alo, “nu veviwo.”
Alo, “Mawumavɔ̃la.”
Alo, “ame si si dzi nyanu mele o.”
Egɔmeɖeɖe tẽe, “ame si me nuteƒewɔwɔ ƒe gbɔgbɔ le.”
Egɔmeɖeɖe tẽe, “tsyɔa nu nya dzi.”
Alo, “adaŋudela.”
Alo, “ɖeɖe.”
Alo, “Nyɔnu si ƒe nu nyoa ame ŋu.”
Alo, “Ame si lɔ̃a ame vavã.”
Alo, “eya ŋutɔ ƒe luʋɔ.”
Alo, “ŋukpe.”
Egɔmeɖeɖe tẽe, “Na asim.”
Egɔmeɖeɖe tẽe, “Ame aɖe kakaa nu.”
Alo, “luʋɔ nyodɔme.”
Alo, “ŋukpe.”