Dzo kpo yi emenuwo dzi

Dzo kpo yi emenu bubu dzi

Dzo kpo yi emenuawo dzi

Yehowa Ɖasefowo

Eʋegbe

Internet Dzi Biblia | ŊƆŊLƆ KƆKƆEAWO—XEXE YEYE GƆMEƉEƉE

Hosea 12:1-14

EMENYAWO ƑE TOTOƉEME

  • Efrayim netrɔ va Yehowa gbɔ (1-14)

    • Yakob te kame kple Mawu (3)

    • Yakob fa avi be Mawu nave ye nu (4)

12  “Efrayim le ya ɖum,Eye wòtia ɣedzeƒeya yome ŋkeke blibo la katã. Edzia alakpadada kple ŋutasesẽ ɖe edzi. Wobla nu kple Asiria,+ eye wotsɔ ami yi Egipte.+   Yehowa le nya he ge kple Yuda;+Abia akɔnta Yakob ɖe eƒe zɔzɔme nu,Eye wòaɖo eteƒe nɛ ɖe eƒe nuwɔnawo nu.+   Elé nɔvia ƒe afɔkpodzi le dɔ me,+Eye wòtsɔ eƒe ŋusẽ te kame kple Mawu.+   Ete kame kple mawudɔla ʋuu ɖu edzi. Efa avi, eye wòƒo koko be woave ye nu.”+ Ekpɔe le Betel, eye wòƒo nu kpli mí le afi ma.+   Yehowa, aʋakɔwo ƒe Mawu,+Yehowae nye ŋkɔ si wotsɔ ɖoa ŋku edzii.+   “Eya ta trɔ ɖe wò Mawu ŋu,+Nɔ dɔmenyonyo kple nu dzɔdzɔe wɔwɔ dzi,+Eye kpɔ mɔ na wò Mawu ɣeawokatãɣi.   Ke alakpanudanu le asitsala si;Elɔ̃a amebaba.+   Efrayim le gbɔgblɔm be, ‘Nyateƒee, mezu kesinɔtɔ;+Kesinɔnuwo su asinye.+ Le nye dagbadagbawo katã me la, womakpɔ nu gbegblẽ alo nu vɔ̃ aɖeke o.’   Nyee nye Yehowa wò Mawu tso Egipte-nyigba+ dzi ke. Magana nànɔ agbadɔwo meAbe le ŋkekenyuiɖuɣi* ene. 10  Meƒo nu kple nyagblɔɖilawo,+Meɖe ŋutega geɖe fia wo,Eye medo lowo to nyagblɔɖilawo dzi. 11  Wowɔa ameflunu* le Gilead, +eye wowɔa alakpanuwo hã. Wotsɔ nyitsuwo sa vɔe le Gilgal,+Eye woƒe vɔsamlekpuiwo hã le abe kpe siwo woli kɔ ɖe agble me ene.+ 12  Yakob si yi Aram-nyigba*+ dzi;Israel+ subɔ le afi ma ɖe nyɔnu ta,+Eye nyɔnu tae wòdzɔ alẽwo ŋu ɖo.+ 13  Yehowa kplɔ Israel dzoe le Egipte+ to nyagblɔɖila aɖe dzi,Eye wòto nyagblɔɖila aɖe dzi dzɔ eŋu.+ 14  Efrayim do dziku nɛ vevie;+Eƒe ʋufɔɖiɖi anɔ eya ŋutɔ dzi,Eƒe Aƒetɔ la aɖo eteƒe nɛ ɖe eƒe vlodoame la nu.”+

Etenuŋɔŋlɔ

Agate ŋu afia, “azãɖuɣi.”
Alo, “vivimenu.”
Alo, “Siria.”