Dzo kpo yi emenuwo dzi

Dzo kpo yi emenu bubu dzi

Dzo kpo yi emenuawo dzi

Yehowa Ɖasefowo

Eʋegbe

Internet Dzi Biblia | ŊƆŊLƆ KƆKƆEAWO—XEXE YEYE GƆMEƉEƉE

Hiob 42:1-17

EMENYAWO ƑE TOTOƉEME

  • Hiob ƒe nyaŋuɖoɖo na Yehowa (1-6)

  • Wobu fɔ Hiob xɔlɔ̃ etɔ̃awo (7-9)

  • Yehowa gbugbɔ ɖo Hiob te (10-17)

    • Hiob viŋutsuwo kple vianyɔnuwo (13-15)

42  Eye Hiob ɖo eŋu na Yehowa be:   “Azɔ menyae be àte ŋu awɔ nu sia nuEye naneke meli nàɖo, si màte ŋu awɔ o.+   Ègblɔ be, ‘Ame kae nye esia si le nu tsyɔm nye adaŋudede dzi numanyamanyatɔe?’+ Nyateƒee, meƒo nu, esi nyemese nuwo gɔme o,Elabena wonye nu siwo wɔ nuku ale gbegbe, siwo nyemenya o.+   Ègblɔ be, ‘Meɖe kuku, ɖo to, ne maƒo nu. Mabia nya wò nàɖo eŋu nam.’+   Wogblɔ nya le ŋuwò mese,Ke azɔ la, nye ŋkuwo kpɔ wò.   Esia tae melɔ̃ ɖe edzi be nyemegblɔe nyuie o,*+Eye metrɔ dzi me le ke kple afi me.”+  Esi Yehowa gblɔ nya siawo na Hiob vɔ la, Yehowa gblɔ na Temantɔ Elifaz be: “Medo dziku ɖe wò kple xɔ̃wò eveawo ŋu vevie,+ elabena miegblɔ nyateƒea tso ŋunye+ abe ale si nye subɔla Hiob wɔe ene o.  Eya ta milé nyitsu adre kple agbo adre miayi nye subɔla Hiob gbɔ, ne miasa numevɔ ɖe mia ɖokuiwo ta. Eye nye subɔla Hiob nado gbe ɖa ɖe mia ta.+ Eya ƒe kukuɖeɖee mase* hafi nyemaɖo eteƒe na mi ɖe miaƒe bometsitsi la nu o, elabena mieto nyateƒe le ŋunye abe ale si nye subɔla Hiob wɔe ene o.”  Eya ta Temantɔ Elifaz, Suatɔ Bildad, kple Naamatɔ Zofar yi ɖawɔ abe ale si tututu Yehowa gblɔ na wo ene. Eye Yehowa se Hiob ƒe gbedodoɖa. 10  Esi Hiob do gbe ɖa ɖe exɔlɔ̃awo ta vɔ la,+ Yehowa ɖe Hiob ƒe xaxawo ɖa+ eye wòna Hiob gazu kesinɔtɔ.* Yehowa ɖo nu siwo katã nɔ esi tsã la teƒe nɛ zi gbɔ zi eve.+ 11  Eye nɔviaŋutsuwo kple nɔvianyɔnuwo katã kpakple eƒe ame nyanyɛwo katã+ va egbɔ heɖu nu kplii le eƒe aƒe me. Wodo baba nɛ hefa akɔ nɛ le vɔ̃ siwo katã ŋu Yehowa ɖe mɔ ɖo wova edzi la ta. Eye wo dometɔ ɖe sia ɖe na ga kple sikasigɛe. 12  Ale Yehowa yra Hiob le eƒe agbenɔƒe mamlɛawo me wu ale si wònɔ le gɔmedzedzea,+ ale be alẽ akpe wuiene, kposɔ akpe ade, nyi eveve teƒe akpe ɖeka kple tedzinɔ akpe ɖeka va su Hiob si.+ 13  Wogadzi viŋutsu adre kple vinyɔnu etɔ̃ nɛ.+ 14  Ena ŋkɔ nyɔnuvi gbãtɔ be Yemima, evelia be Kezia, etɔ̃lia be Keren-Hapuk. 15  Womekpɔ nyɔnu dzetugbe aɖeke le anyigba la katã dzi kpɔ abe Hiob vinyɔnuawo ene o, eye wo fofo na domenyinu wo ɖe wo nɔviŋutsuwo dome. 16  Le nu siawo megbe la, Hiob ganɔ agbe ƒe alafa ɖeka blaene, eye wòkpɔ viawo kple tɔgbuiyɔviawo va se ɖe dzidzime enelia dzi. 17  Hiob tsi, eye agbenɔnɔ ɖi kɔ nɛ* hafi wòku.

Etenuŋɔŋlɔ

Alo, “megbe nye nyawo.”
Egɔmeɖeɖe tẽe, “Eya ko ƒe mo makpɔ.”
Egɔmeɖeɖe tẽe, “Yehowa ɖe Hiob tso eƒe kluvinyenye me.”
Egɔmeɖeɖe tẽe, “eƒe agbemeŋkekewo sɔ gbɔ.”