Hiob 38:1-41

  • Yehowa ɖee fia be amegbetɔwo meɖi naneke o (1-41)

    • ‘Afi kae nènɔ esime wowɔ anyigba la?’ (4-6)

    • Mawu viwo do dzidzɔɣli (7)

    • Nyabiase siwo ku ɖe dzɔdzɔmenuwo ŋu (8-32)

    • ‘Dziƒo ƒe sewo’ (33)

38  Eye Yehowa ɖo eŋu na Hiob le ahom me be:+   “Ame kae nye esia si le nu tsyɔm nye adaŋudede dziHele nu ƒom numanyamanyatɔe?+   Meɖe kuku, tso nàbla ali dzi abe ŋutsu ene;Ne mabia nya wò nàɖo eŋu nam.   Afi kae nènɔ esime meɖo anyigba la gɔme anyi?+ Ne ènyae la, ekema gblɔe nam.   Ame kae ɖo eƒe dzidzemewo, ènyaea?Alo ame kae da dzidzeka nɛ?   Nu ka mee woƒo eƒe anyinɔwo ɖo,Alo ame kae ɖo eƒe dzogoedzikpe,+   Esime ŋukeɣletiviwo+ gli kple dzidzɔ,Eye Mawu viwo*+ katã do dzidzɔɣli?   Ame kae do ʋɔ ɖe atsiaƒu nu+Esi wòdo tso vidzidɔ me,   Esime metsyɔ alilikpo nɛ,Eye mexatsa blukɔ ɖe eŋu abe avɔ ene, 10  Esime meɖo seƒe nɛEye mede gametiwo kple ʋɔtruwo enu,+ 11  Eye megblɔ be, ‘Afi sia ko nàva se ɖo, màgbɔ eŋu o;Afi siae wò tsotsoe kpakawo ase ɖo’?+ 12  Èɖe* gbe na ŋu be wòake kpɔ,Alo èfia agudzedze eƒe nɔƒee kpɔ,+ 13  Ne wòalé anyigbatogawoAʋuʋui be ame vɔ̃ɖiwo nahlẽ ɖa le edzia?+ 14  Eƒe nɔnɔme trɔna abe tsu si to nutrenu te ene,Eye edzinuwo dzena nyuie abe nu si woɖe ɖe avɔ dzi ene. 15  Ke woxɔ ame vɔ̃ɖiwo ƒe kekeli le wo si,Eye woŋe woƒe alɔ si wodo ɖe dzi la. 16  Ðe nède atsiaƒu dzɔƒewo kpɔa,Alo ɖe nèɖi tsa yi tsi ƒe gogloƒewo kpɔa?+ 17  Ðe woɖe ku ƒe agbowo+ fia wò kpɔa,Alo ɖe nèkpɔ viviti tsiɖitsiɖi*+ ƒe agbowo kpɔa? 18  Èse ale si gbegbe anyigba la kekee gɔmea?+ Ne ènya nu siawo katã la, gblɔe mase. 19  Kekeli gbɔ mɔ ɖe?+ Afi kae nye viviti nɔƒe, 20  Ne nàkplɔ wo ayi woƒe anyigba dzi,Eye nànya woƒe aƒe me mɔ? 21  Ðe wodzi wò ɣemaɣi be nàyi esia nya geLe esi nètsi xɔ ƒe* geɖe taa? 22  Ðe nède sno ƒe nudzraɖoƒewo kpɔa,+Alo ɖe nèkpɔ kpetsi ƒe nudzraɖoƒewo kpɔ,+ 23  Esiwo medzra ɖo ɖi ɖe xaxaɣi,Aʋaŋkeke kple aʋakpegbe ŋua?+ 24  Mɔ ka dzie kekeli* tona klẽna,Eye afi kae ɣedzeƒeya tona ƒona ɖe anyigba dzi?+ 25  Ame kae ɖe toƒe na tsiɖɔɖɔ,Eye wòɖe mɔ na dzikedzo kple dziɖegbe,+ 26  Ne wòana tsi nadza ɖe teƒe si ame aɖeke mele o,Ðe gbedzi, afi si amegbetɔ aɖeke mele o,+ 27  Ne wòadzra teƒe siwo zu gbegbe la ɖo nyuie,Eye wòana gbe namie?+ 28  Ðe fofo le tsidzadza sia,+Alo ame kae dzi ahũdzadza?+ 29  Ame ka ƒe dɔ mee tsikpe do tso,Eye dziƒoketsiwo ya ɖe, ame kae dzi wo+ 30  Esime tsiwo ŋkume sẽ abe kpe ene,Eye tsi goglo la ŋgɔ bla zu tsikpe?+ 31  Ðe nàte ŋu asa Kima ɣletivihatsotso* ƒe kawo,Alo atu Kesil ɣletivihatsotso* ƒe kawoa?+ 32  Ðe nàte ŋu akplɔ ɣletivihatsotso* adoe le eƒe ɣeyiɣi dziAlo afia mɔ Ayis ɣletivihatsotso* la kple viawoa? 33  Ðe nènya dziƒo ƒe sewoa,+Alo ɖe nàte ŋu ana eƒe ŋusẽ naɖu anyigba dzia? 34  Ðe nàte ŋu akɔ gbe dzi ado ɣli na alilikpoNe wòana tsi natsyɔ dziwòa?+ 35  Ðe nàte ŋu adɔ dzikedzowoa? Ale be woava gblɔ na wò be, ‘Míawoe nye esia!’ 36  Ame kae tsɔ nunya de alilikpowo* me,+Alo ame kae na gɔmesese yamenu wɔnukuwo?*+ 37  Ame ka sie nunya le be wòaxlẽ alilikpowo,Alo ame kae ate ŋu atrɔ dziƒotsizewo abu anyi+ 38  Ale be kewɔ nazu bafifiEye anyikɔwo nalé ɖe wo nɔewo ŋu? 39  Ðe nàte ŋu ada ade alé nu na dzata,Alo afa dɔwuame nu na dzataviwo+ 40  Ne wotsyɔ akɔ ɖe bebeƒewoAlo de xa ɖe wo nɔƒewoa? 41  Ame kae dia nuɖuɖu na akpaviã,+Ne viawo le xɔxlɔ̃m na Mawu be wòaxɔ na yewo,Eye wole tsatsam le esi naneke meli woaɖu o ta?

Etenuŋɔŋlɔ

Enye Hebrigbe me nyagbɔgblɔ si fia mawudɔlawo.
Egɔmeɖeɖe tẽe, “Tso esime wodzi wò kpaa, èɖe.”
Alo, “ku ƒe vɔvɔli.”
Egɔmeɖeɖe tẽe, “ŋkeke.”
Agate ŋu afia, “dzikedzo.”
Anye ɣletivihatsotso siae woyɔna le Eʋegbe me be Atifieŋu.
Anye ɣletivihatsotso siae woyɔna le Eʋegbe me be Avu Kple Avutɔ.
Hebrigbe, “Mazzarohth.”
Ðewohĩ enye ɣletivihatsotso si ɖi Sisiblisi. Anye ɣletivihatsotso siae woyɔna le Eʋegbe me be Koklovinɔ.
Agate ŋu afia, “amegbetɔ.”
Agate ŋu afia, “de gɔmesese susua me.”