Dzo kpo yi emenuwo dzi

Dzo kpo yi emenu bubu dzi

Dzo kpo yi emenuawo dzi

Yehowa Ɖasefowo

Eʋegbe

Internet Dzi Biblia | ŊƆŊLƆ KƆKƆEAWO—XEXE YEYE GƆMEƉEƉE

Hiob 37:1-24

EMENYAWO ƑE TOTOƉEME

  • Dzɔdzɔmeŋusẽwo ɖea Mawu ƒe gãnyenye fiana (1-24)

    • Mawu ate ŋu aɖo asi amegbetɔ ƒe dɔwɔwɔwo dzi (7)

    • ‘Lé ŋku ɖe Mawu ƒe nukudɔwo ŋu’ (14)

    • Mawu gɔme sese gbɔ amegbetɔwo ƒe ŋutete ŋu (23)

    • Ame aɖeke megabu be yedze nunya o (24)

37  “Esia na nye dzi lã kpoEye wòle tsotsom kpokpokpo.   Miɖo to eƒe gbe ƒe gbeɖeɖeKple bublu si le dodom tso eƒe nu me la nyuie.   Enana wòɖina le dziƒo bliboa katã teEye eƒe dzikedzo+ dea anyigba ƒe mlɔenuwo.   Gbe ɖina sesĩe ɖe eyome;Eɖea gbe ŋusẽtɔe,+Eye ne eƒe gbe ɖi la, megaxea mɔ nɛ o.   Mawu ɖea gbe nukutɔe;+Ewɔa nu gã nu gã siwo gbɔ míaƒe gɔmesese ŋu.+   Elabena egblɔna na sno be, ‘Dza ɖe anyigba dzi,’+ Eye wògblɔna na tsidzadza gãwo be, ‘Ðuɖu kɔ ɖe anyi yoo.’+   Mawu ɖoa asi amewo katã ƒe dɔwo dzi,*Ne amegbetɔwo katã nadze si Eƒe dɔwɔwɔwo.   Gbemelãwo sina benaEye wonɔa woƒe bebeƒewo.   Ahom tuna tsoa eƒe xɔgã me,+Eye dzieheya kplɔa vuvɔ vanɛ.+ 10  Mawu ƒe gbɔgbɔ nana be tsiwo blana,+Eye tɔ gbanaawo blana zua tsikpe.+ 11  Ɛ̃, etsɔa tsi doa agba na alilikpo;Ekakaa eƒe dzikedzo+ ɖe alilikpowo me; 12  Wotrɔna ƒoa xlã godoo ɖe eƒe mɔfiafia nu;Wowɔa nu sia nu si ƒe se wòde na wo+ le anyigba bliboa dzi. 13  Eɖanye be wòatsɔ ahe to*+ loo, atsɔ ade tsi anyigbaa looAlo atsɔ aɖe amenuveve afia o, enana wòvaa eme.+ 14  Oo Hiob, lé to ɖe esia ŋu;Tɔ sẽe, ne nàlé ŋku ɖe Mawu ƒe nukudɔwo ŋu nyuie.+ 15  Ènya ale si Mawu fiaa mɔ* alilikpowoKple ale si wònana dzi kea dzo tsoa eƒe alilikpowo mea? 16  Ènya ale si alilikpo wɔna lina ɖe yamea?+ Esiawoe nye Ame si ƒe nunya de blibo la ƒe nukudɔwo.+ 17  Nu ka tae wò awuwo me xɔ dzo,Le ɣeyiɣi si me anyieheya na anyigba dzi fa?+ 18  Ðe nàte ŋu akpe ɖe eŋu miakeke dziŋgɔli*+Si sesẽ abe gahuhɔ̃e ene la mea? 19  Gblɔ nya si míayi aɖagblɔ nɛ la na mí;Míate ŋu akpɔ nya aɖeke agblɔ o, le esi míele viviti me ta. 20  Ðe woayi aɖagblɔ nɛ be medi be maƒo nua? Alo ɖe ame aɖe gblɔ nya aɖe si wòhiã be wòasea?+ 21  Womate ŋu akpɔ kekeli* gɔ̃ hã o,Togbɔ be ele keklẽm le yame hã,Va se ɖe esime ya ƒo va yi eye wòƒo alilikpoawo ɖa hafi. 22  Keklẽ si le abe sikatsyɔ̃ɖoɖo ene dzena le dziehe wokpɔna;Mawu ƒe gãnyenye+ wɔ nuku ŋutɔ. 23  Ŋusẽkatãtɔ la gɔme sese gbɔ míaƒe ŋutete ŋu;+Eƒe ŋusẽ tri akɔ,+Eye eléa ʋɔnu dzɔdzɔe dɔdrɔ̃+ kple dzɔdzɔenyenye blibo me ɖe asi ɣeawokatãɣi.+ 24  Eya ta ele be amegbetɔwo navɔ̃e.+ Elabena mevea ame siwo bua wo ɖokuiwo nunyalawoe* la nu o.”+

Etenuŋɔŋlɔ

Egɔmeɖeɖe tẽe, “ɖoa asi amegbetɔwo katã dzi.”
Egɔmeɖeɖe tẽe, “wòatsɔ ati ahe to.”
Alo, “ɖea gbe na.”
Alo, “aƒo dziŋgɔli gbadzɛ.”
Efia, ɣe ƒe keklẽ.
Egɔmeɖeɖe tẽe, “ame siwo dze aye le dzi me.”