Dzo kpo yi emenuwo dzi

Dzo kpo yi emenuawo dzi

Hiob 23:1-17

EMENYAWO ƑE TOTOƉEME

  • Hiob ƒe nyaŋuɖoɖo (1-17)

    • Edi be yeatsɔ yeƒe nya aɖo Mawu ŋkume (1-7)

    • Egblɔ be yemate ŋu ake ɖe Mawu ŋu o (8, 9)

    • “Melé ɖe eƒe mɔwo ŋu, eye nyemedze ɖe aga o” (11)

23  Hiob ɖo eŋu be:   “Egbe hã mato nyatoƒoe;*+Ŋusẽ vɔ le ŋunye le nye hũɖeɖe ta.   Oo, ne ɖe menya afi si makpɔ Mawu le ɖe!+ Anye ne mayi keke enɔƒe ke.+   Matsɔ nye nya aɖo eŋkumeEye mana nye nu me nayɔ fũu kple ɖokuitaʋlinyawo;   Makpɔ ale si wòaɖo eŋu namNe mase nya si wòagblɔ nam.   Ðe wòatsɔ eƒe ŋusẽ triakɔ la awɔ avu kplima? Ao ɖe! Aɖo tom godoo.+   Ekema ame dzɔdzɔe aɖɔ wo kplii dome ɖo,Eye nye Ʋɔnudrɔ̃la agblɔ be tɔnye dzɔ, ne nyaa natɔ ɖe afi ma.   Gake ne meyi ɣedzeƒe la, mele afi ma o;Ne megatrɔ gbɔ hã, nyemele ekpɔm o.   Ne ele dɔ wɔm le miame la, nyemate ŋu akpɔe o;Ne edze ɖe ɖusime hã, nyemakpɔe o. 10  Ke hã enya nye mɔwo nyuie.+ Ne edom kpɔ vɔ la, ŋunye adza abe sika nyuitɔ ene.+ 11  Nye afɔ to eƒe toƒewo tututu;Melé ɖe eƒe mɔwo ŋu, eye nyemedze ɖe aga o.+ 12  Nyemetrɔ ɖa le se siwo do tso enu la gbɔ o. Medzra eƒe numenyawo ɖo+ nyuie wu ale si wodi tso asinye. 13  Ne eɖo nane be yeawɔ la, ame kae ate ŋu axe mɔ nɛ?+ Nu si dzroe* wòbe yeawɔ la, ewɔnɛ.+ 14  Elabena awɔ nu siwo katã wòɖo ɖe ŋunye la ade goe,Eye nu siawo tɔgbi bɔ ɖe esi. 15  Esia tae metɔtɔ le eya amea ta;Ne mebu eya amea ŋu la, megavɔ̃nɛ ɖe edzi. 16  Mawu na dzi ɖe le ƒonye,Eye Ŋusẽkatãtɔ la na vɔvɔ̃ ɖom. 17  Gake viviti la mena ɖoɖoe zi le nunye haɖe o,Nenema kee nye blukɔ si tsyɔ mo nam la hã.

Etenuŋɔŋlɔ

Alo, “Egbe hã nye nyahehe nye aglãdzedze.”
Egɔmeɖeɖe tẽe, “Nu si dzro eƒe luʋɔ.”