Habakuk 1:1-17

  • Nyagblɔɖila la yɔ Yehowa be wòakpe ɖe ye ŋu (1-4)

    • “Oo Yehowa, va se ɖe ɣekaɣi?” (2)

    • “Nu ka tae nèle ameteteɖeanyi teƒe kpɔm?” (3)

  • Mawu azã Kaldeatɔwo atsɔ adrɔ̃ ʋɔnui (5-11)

  • Nyagblɔɖila la ɖe kuku na Yehowa (12-17)

    • ‘Nye Mawu, mèkuna o’ (12)

    • ‘Èdza ale gbegbe be màte ŋu anɔ nu gbegblẽ wɔwɔ kpɔm o’ (13)

1  Nya si woɖe fia nyagblɔɖila Habakuk* le ŋutega me:   ‘Oo Yehowa, va se ɖe ɣekaɣi manɔ ɣlidodo dzi be nàxɔ nam, gake nàgbe esese?+ Va se ɖe ɣekaɣi manɔ yɔwòm be nàxɔ nam le ŋutasesẽ ta, evɔ nàgbe nudede eme?*+   Nu ka tae nèna mele nu vlo wɔwɔ teƒe kpɔm? Eye nu ka tae nèle ameteteɖeanyi teƒe kpɔm? Nu ka tae tsɔtsrɔ̃ kple ŋutasesẽ le ŋkunyeme? Eye nu ka tae dzrewɔwɔ kple avuwɔwɔ bɔ?’   Eya ta se la me gbɔdzɔ,Eye wogbe nu dzɔdzɔe wɔwɔ kura. Elabena ame vɔ̃ɖi ɖe to ɖe ame dzɔdzɔe,Esia ta nu dzɔdzɔe trɔ gbo.+   “Miɖe ŋku ɖe dukɔwo dome, miakpɔ nu! Miaƒe nu neku mianɔ nu kpɔm gãa;Elabena nane le dzɔdzɔ ge le miaƒe ŋkekeawo me,Eye ne wogblɔe na mi hã la, miele edzi xɔ ge ase o.+   Elabena kpɔ ɖa, manyɔ Kaldeatɔwo,+Dukɔ sẽŋuta si tsia klokloklo. Wozɔna toa anyigba ƒe gbadzaƒewoBe woaxɔ nɔƒe siwo menye wo tɔ o la.+   Ŋɔdzi kple vɔvɔ̃ le wo ŋu. Woawo ŋutɔwoe wɔa sewo eye wodia gãnyenye na wo ɖokui.+   Woƒe sɔwo ƒua du wu lãklẽ,Eye wonyrana wu amegãxi le zã me.+ Woƒe sɔ siwo yia aʋa la le du dzi kplikplikpli gbɔna;Woƒe sɔwo tso didiƒe ʋĩi gbɔna. Wole du dzi abe ale si hɔ̃ dea agba anyi va ƒoa nui ene.+   Wo katã wova ɖe ŋutasesẽ ŋu.+ Wotsɔ woƒe mo tu ŋgɔ tẽe gbɔna abe ɣedzeƒeya sesẽ ene,+Eye wolɔa aboyomewo abe ke ene. 10  Woɖea alɔme le fiawo ŋu,Eye wokoa amegãwo.+ Mɔ́ sesẽ ɖe sia ɖe ɖia kokoe na wo;+Woƒua kpo ɖe eŋu hexɔnɛ. 11  Emegbe wohona dzona abe ya si ƒo va yi la ene,Gake woaɖi fɔ,+Elabena wogblɔna be yewoƒe mawu gbɔe yewoƒe ŋusẽ tso.”*+ 12  Oo Yehowa, ɖe mèli tso gbe aɖe gbe ke oa?+ Oo nye Mawu, nye Kɔkɔetɔ, mèkuna o.*+ Oo Yehowa, wòe ɖo wo be woadrɔ̃ ʋɔnu;Nye Agakpe,+ wòe ɖo wo be woahe to.*+ 13  Wò ŋkuwo dza ale gbegbe be màte ŋu anɔ nu gbegblẽ wɔwɔ kpɔm o,Eye màte ŋu anɔ vɔ̃ɖinyenye teƒe kpɔm o.+ Nu ka tae nèle nu fitifiti wɔlawo kpɔm,+Eye nèzia kpi ne ame vɔ̃ɖi mi ame si le dzɔdzɔe wui la?+ 14  Nu ka tae nèwɔ amegbetɔ abe ƒumelãwo,Abe atsiaƒumenu gbagbe siwo nu dziɖula aɖeke mele o la ene? 15  Etsɔa* ƒu hea nu siawo katã ɖe go. Etsɔa eƒe ɖɔ ɖea wo,Eye wòlɔa wo kɔna ɖe eƒe aguɖɔe me. Esia tae wòkpɔa dzidzɔ hetsoa aseye ɖo.+ 16  Esia tae wòsaa vɔ na eƒe ɖɔ,Eye wòsaa vɔ* na eƒe asabu ɖo;Elabena woawoe na eƒe nuɖuɖu da ami,Eye nunyiame le eƒe nuɖuɖu me. 17  Ðe wòanɔ ɖɔdada dzia?* Ðe wòanɔ dukɔwo wuwu dzi ɖaa nublanuimakpɔmakpɔea?+

Etenuŋɔŋlɔ

Ðewohĩ egɔmee nye, “Kukuɖeameŋu Vevie.”
Alo, “nàgbe xɔxɔ nam?”
Agate ŋu afia, “yewoƒe mawue nye yewoƒe ŋusẽ.”
Agate ŋu afia, “míele kuku ge o.”
Alo, “woaka mo.”
Efia, Kaldeatɔ futɔ la.
Alo, “wòdoa dzudzɔ ʋeʋĩ.”
Agate ŋu afia, “wòanɔ eƒe yi ɖeɖe dzia?”