Ezra 7:1-28

  • Ezra trɔ gbɔ va Yerusalem (1-10)

  • Agbalẽ si Fia Artasasta tsɔ na Ezra (11-26)

  • Ezra kafu Yehowa (27, 28)

7  Le nu siawo megbe, le Persia-fia Artasasta+ ƒe fiaɖuɣi la, Ezra*+ trɔ gbɔ. Enye Seraya+ vi, Azariya vi, Hilkiya+ vi,  Salum vi, Zadok vi, Ahitub vi,  Amariya vi, Azariya+ vi, Merayot vi,  Zerahiya vi, Uzi vi, Buki vi,  Abisua vi, Finehas+ vi, Eleazar+ vi, nunɔlawo ƒe tatɔ Aron+ ƒe vi.  Ezra sia trɔ gbɔ tso Babilon. Enye Mose ƒe Se+ si Yehowa, Israel ƒe Mawu la tsɔ na la gbugbɔŋlɔla* bibi aɖe. Fia la lɔ̃ ɖe nu siwo katã wòbia dzi nɛ, elabena Yehowa eƒe Mawu ƒe asi le edzi.  Eya ta Israel-viwo dometɔ aɖewo, nunɔlawo, Lewi viwo,+ hadzilawo,+ agbonudzɔlawo+ kple gbedoxɔmesubɔlawo*+ dometɔ aɖewo yi Yerusalem le Fia Artasasta ƒe ƒe adrelia me.  Eye Ezra va ɖo Yerusalem le ɣleti atɔ̃lia me, le fia la ƒe ƒe adrelia me.  Elabena eya ŋutɔ ɖoe be yewoaho le Babilon le ɣleti gbãtɔ ƒe ŋkeke gbãtɔ dzi, eye le ɣleti atɔ̃lia ƒe ŋkeke gbãtɔ dzi la, eva ɖo Yerusalem, le eƒe Mawu ƒe asi nyui si le edzi la ta.+ 10  Elabena Ezra dzra eƒe dzi ɖo,* ne wòadzro Yehowa ƒe Se la me ahawɔ edzi,+ eye wòafia ɖoɖowo kple ʋɔnudɔdrɔ̃ ŋuti mɔfiamewo le Israel.+ 11  Agbalẽ si Fia Artasasta tsɔ na nunɔla Ezra si nye nugbugbɔŋlɔla,* ame si nye Yehowa ƒe sedede kple ɖoɖo siwo wòtsɔ na Israel la srɔ̃la* bibi la, me nyawoe nye esi: 12  * “Artasasta,+ fiawo ƒe fia, le nya sia ŋlɔm na nunɔla Ezra, si nye dziƒowo ƒe Mawu la ƒe Se la gbugbɔŋlɔla:* Wò ŋutifafa nede blibo. Azɔ 13  mede se be, Israel dukɔ si kpɔtɔ le nye dziɖuƒe la kple woƒe nunɔlawo kpakple Lewi viwo dometɔ ɖe sia ɖe si lɔ̃ be yeayi Yerusalem kpli wò la, neyi faa.+ 14  Elabena fia la kple eƒe adaŋudela adreawoe le dɔwòm be nàyi aɖaku nu me akpɔ be wole wɔwɔm ɖe wò Mawu ƒe Se si le asiwò la dzi le Yuda kple Yerusalem hã, 15  eye nàtsɔ klosalo kple sika si fia la kple eƒe adaŋudelawo lɔ̃ faa na Israel ƒe Mawu, ame si ƒe nɔƒe le Yerusalem, la ayii, 16  hekpe ɖe klosalo kpakple sika siwo katã nèxɔ* le Babilon nutowo* katã me, kple nu siwo dukɔ la kple nunɔlawo, ame siwo na nu faa ɖe woƒe Mawu ƒe aƒe si le Yerusalem ŋu la, ŋuti.+ 17  Eye nàtsɔ ga sia aƒle nyitsuwo,+ agbowo,+ alẽviwo+ kple wo ŋuti nuɖuvɔsawo+ kpakple wo ŋuti nunovɔsawo,+ eye nàtsɔ wo asa vɔ le wò Mawu ƒe aƒe la me vɔsamlekpui si le Yerusalem la dzi. 18  “Eye nu sia nu si nyo wò kple nɔviwòwo ŋu miebe miatsɔ klosalo kple sika susɔea awɔe la, miwɔe le mia Mawu la ƒe lɔlɔ̃nu nu. 19  Eye nu siwo katã wotsɔ na wò ɖe wò Mawu ƒe aƒe la ŋuti subɔsubɔdɔa ŋu la, tsɔ wo na le Mawu ŋkume le Yerusalem.+ 20  Eye nu bubu siwo hiã le wò Mawu ƒe xɔ la ŋu, si wòle na wò be nàna la, tsɔ wo le fia ƒe kesinɔnudzraɖoƒe la ana.+ 21  “Nye Fia Artasasta, mede se na kesinɔnuwo dzi kpɔla siwo katã le nuto si le Tɔsisia* godo be, nu sia nu si nunɔla Ezra,+ dziƒowo ƒe Mawu la ƒe Se la gbugbɔŋlɔla* la abia mi la, miwɔe nɛ kaba, 22  va se ɖe klosalo talento* alafa ɖeka, lu kɔr* alafa ɖeka, wain+ baf* alafa ɖeka kple ami+ baf alafa ɖeka dzi kpakple dze+ ale si nu wodi. 23  Woawɔ nu sia nu si ƒe se dziƒowo ƒe Mawu la de ɖe dziƒowo ƒe Mawu la ƒe aƒea ŋu la veviedodotɔe,+ ne dɔmedzoe nagava fia ƒe dziɖuƒe la kple viawo dzi o.+ 24  Eye minyae be, mele be miaxɔ adzɔ, nudzɔdzɔ+ alo mɔtaho tso nunɔlawo kple Lewi viwo, hadzilawo,+ agbonudzɔlawo, gbedoxɔmesubɔlawo,*+ kple Mawu ƒe xɔ sia ŋu dɔwɔlawo dometɔ aɖeke si o. 25  “Eye wò Ezra, ɖo nyadrɔ̃lawo kple ʋɔnudrɔ̃lawo le wò Mawu ƒe nunya si le asiwò la nu, ne woadrɔ̃ ʋɔnu dukɔ blibo si le nuto si le Tɔsisia godo, ame siwo katã nya wò Mawu ƒe seawo; eye ame sia ame si menya wo o la, mifia woe.+ 26  Eye ame sia ame si mawɔ wò Mawu ƒe Se kple fia ƒe se dzi o la, woadrɔ̃ ʋɔnui kaba, eɖanye be woawui loo anyae ɖa loo ado fe nɛ loo alo adee gaxɔ me o.” 27  Woakafu Yehowa, mía tɔgbuiwo ƒe Mawu la, ame si tsɔ nu sia de dzi me na fia la, ne wòaɖo atsyɔ̃ na Yehowa ƒe xɔ si le Yerusalem!+ 28  Eye wòve nunye le fia+ la kple eƒe adaŋudelawo+ kple fia la ƒe amegã ŋusẽtɔwo katã ŋkume. Eya ta dzi ɖo ƒonye* elabena Yehowa nye Mawu ƒe asi le dzinye, eye meƒo ame ŋkutawo* nu ƒu tso Israel, ne woayi kplim.

Etenuŋɔŋlɔ

Egɔmee nye, “Kpekpeɖeŋu.”
Alo, “agbalẽfiala.”
Alo, “Netinimwo.” Egɔmeɖeɖe tẽe, “Ame siwo wotsɔ na.”
Alo, “ɖoe le eƒe dzi me.”
Alo, “agbalẽfiala.”
Alo, “nyawo gbugbɔŋlɔla.”
Aramgbe mee woŋlɔ Ezr 7:12 va se ɖe 7:26 ɖo gbã.
Alo, “agbalẽfiala.”
Egɔmeɖeɖe tẽe, “nèkpɔ.”
Alo, “dziɖuƒewo.”
Alo, “Frat-tɔsisi la godo.”
Alo, “agbalẽfiala.”
Talento ɖeka le gram 34.2. Kpɔ Megbenyawo B14.
Kɔr ɖeka le lita 220. Kpɔ Megbenyawo B14.
Baf ɖeka le lita 22. Kpɔ Megbenyawo B14.
Alo, “Netinimwo.” Egɔmeɖeɖe tẽe, “Ame siwo wotsɔ na.”
Alo, “medo ŋusẽ ɖokuinye.”
Egɔmeɖeɖe tẽe, “tatɔwo.”