Dzo kpo yi emenuwo dzi

Dzo kpo yi emenu bubu dzi

Dzo kpo yi emenuawo dzi

Yehowa Ɖasefowo

Eʋegbe

Internet Dzi Biblia | ŊƆŊLƆ KƆKƆEAWO—XEXE YEYE GƆMEƉEƉE

Ezra 4:1-24

EMENYAWO ƑE TOTOƉEME

  • Tsitretsitsi ɖe gbedoxɔa gbugbɔgatudɔa ŋu (1-6)

  • Futɔwo tsɔ nutsotso yi na fia Artasasta (7-16)

  • Artasasta ƒe ŋuɖoɖo (17-22)

  • Wotɔ te gbedoxɔa tutu (23-24)

4  Esi Yuda kple Benyamin ƒe ketɔwo+ se be aboyome siwo trɔ gbɔ+ la le gbedoxɔ tum na Yehowa, Israel ƒe Mawu la,  enumake wote ɖe Zerubabel kple tatɔ siwo le wo fofowo ƒe aƒekɔawo nu ŋu gblɔ na wo be: “Mina míatui kpli mi; elabena míawo hã míesubɔa mia Mawu la*+ abe miawo ke ene, eye eyae míesaa vɔ na tso keke Asiria-fia Esar-Hadon,+ ame si kplɔ mí va afi sia la,+ ŋɔli ke.”  Gake Zerubabel kple Yesua kpakple Israel ƒe tatɔ susɔeawo siwo le wo fofowo ƒe aƒekɔawo nu gblɔ na wo be: “Miate ŋu akpɔ gome kpli mí le xɔtutu na mía Mawu la me o,+ ke boŋ míawo ɖeɖe míatu xɔ na Yehowa, Israel ƒe Mawu la, abe ale si Persia-fia Kores de se na mí ene.”+  Eye anyigba la dzi tɔwo ɖe dzi le Yuda dukɔ la ƒo,* eye wodo vɔvɔ̃ na wo le xɔ la tutu me.+  Woda aɖaŋuɖolawo ɖe wo ŋu be woagblẽ woƒe ɖoɖowo me+ le Persia-fia Kores ƒe ŋkekeawo katã me, va se ɖe Persia-fia Dario+ ƒe fiaɖuɣi.  Le Ahasweros ƒe fiaɖuɖu ƒe gɔmedzedze la, woŋlɔ agbalẽ tsɔ tso Yuda kple Yerusalem nɔlawo nu.  Le Persia-fia Artasasta ŋɔli la, Bislam, Mitredat, Tabeel kple eƒe hadɔwɔla susɔeawo ŋlɔ agbalẽ na fia Artasasta; eye woɖe agbalẽ la gɔme ɖe Aramgbe+ me hetsɔ Aram ŋɔŋlɔdzesiwo ŋlɔe.*  * Dziɖuɖumegãwo ƒe tatɔ Rehum kple agbalẽŋlɔla Simsai ŋlɔ agbalẽ tsɔ tso Yerusalem nu ɖo ɖe fia Artasasta ale:  (Dziɖuɖumegãwo ƒe tatɔ Rehum kple agbalẽŋlɔla Simsai kpakple woƒe hadɔwɔla susɔeawo, siwo nye ʋɔnudrɔ̃lawo kple nutodziɖula siwo ƒe ɖoƒe ɖiɖi wu, agbalẽŋlɔlawo, Erektɔwo,+ Babilontɔwo, ame siwo le Susa,+ siwo nye Elamtɔwo,+ 10  kple dukɔ siwo katã bubutɔ gã Asenapar ɖe aboyoe hena wole Samaria duwo+ me la dometɔ susɔeawo kpakple ame siwo susɔ ɖe nuto si le Tɔsisia godo* me la gbɔe wòtso, azɔ 11  agbalẽ si woɖo ɖee la me nyawoe nye esi.) “Na fia Artasasta, tso wò subɔvi siwo le nuto si le Tɔsisia godo gbɔ: Azɔ 12  fia la nanyae be, Yudatɔ siwo tso gbɔwò va mía gbɔ le afi sia la va ɖo Yerusalem. Wogbugbɔ le du dzeaglã vɔ̃ɖi la tsom, wole gliawo nu wum,+ eye wole gɔmeɖoanyiawo ɖɔm ɖo. 13  Azɔ fia la nanyae be ne wogbugbɔ du sia tso eye wowu eƒe gliawo nu la, ekema woagbe adzɔ, nudzɔdzɔ,+ alo mɔtaho nana, eye ana fiawo ƒe gakpɔkpɔ dzi naɖe kpɔtɔ. 14  Ke esi wònye fiasã me dzee míeɖuna,* eye medze be míanɔ ekpɔm nu nagblẽ le fia ƒe viɖekpɔƒe ŋu alea o tae míedɔ ame ne míana fia la nanya, 15  ne woadzro tɔgbuiwo ƒe nuŋlɔɖigbalẽwo me.+ Àkpɔe le nuŋlɔɖigbalẽawo me be du sia nye du dzeaglã, si nana nu gblẽna le fiawo kple nutowo* ŋu, eye ame siwo dea aglãdzedze ɖe dziɖuɖu ŋu ƒe dzi ƒo la le eme tso gbe aɖe gbe ke. Esia tae wotsrɔ̃ du sia ɖo.+ 16  Míedi be míana fia nanyae be, ne wogbugbɔ du sia tso hewu eƒe gliwo nu la, ekema màgakpɔ ŋusẽ ɖe nuto si le Tɔsisia godo la dzi o.”*+ 17  Fia la ɖo du ɖe dziɖuɖumegãwo ƒe tatɔ Rehum kple agbalẽŋlɔla Simsai kpakple woƒe hadɔwɔla susɔe siwo le Samaria kple nuto siwo susɔ ɖe Tɔsisia godo be: “Medo gbe na mi! Azɔ 18  woxlẽ agbalẽ si mieɖo ɖe mí la le ŋkunyeme eme kɔ nyuie.* 19  Eya ta mede se be woaku nyaa me, eye wokpɔe be du la nye du si tsia tsitre ɖe fiawo ŋu tso gbe aɖe gbe ke, eye wònye du si me wodzea aglã hewɔa ʋunyaʋunya le.+ 20  Fia sesẽwo nɔ Yerusalem nu, woɖu nuto siwo katã le Tɔsisia godo dzi, eye woxe adzɔ kple nudzɔdzɔ kpakple mɔtaho na wo. 21  Azɔ mide se, ne ŋutsu siawo nadzudzɔ dɔa wɔwɔ, ale be woagagbugbɔ du ma atso o, va se ɖe esime meɖe gbe hafi. 22  Mikpɔ nyuie be miatsɔ nya sia vevie, ne nu nagagblẽ le fia ƒe viɖekpɔƒe ŋu ɖe edzi o.”+ 23  Ke esi woxlẽ agbalẽ si tso Fia Artasasta gbɔ la me nyawo le Rehum kple agbalẽŋlɔla Simsai kpakple woƒe hadɔwɔlawo ŋkume la, wowɔ kaba yi ɖe Yudatɔwo gbɔ le Yerusalem, eye wotɔ te wo sesẽe. 24  Ɣemaɣie Mawu ƒe xɔ si nɔ Yerusalem la ƒe dɔ la tɔ; eye dɔ la tsi akpo dzi va se ɖe Persia-fia Dario+ ƒe fiaɖuɖu ƒe ƒe evelia me.

Etenuŋɔŋlɔ

Egɔmeɖeɖe tẽe, “míele mia Mawu la dim.”
Egɔmeɖeɖe tẽe, “do alɔgblɔdɔ Yuda dukɔ la.”
Agate ŋu afia, “woŋlɔe ɖe Aramgbe me eye woɖe egɔme.”
Aramgbe mee woŋlɔ Ezra 4:8 va se ɖe 6:18 ɖo gbã.
Alo, “Frat-tɔsisi la godo.”
Alo, “fiasã mee míexɔa míaƒe fetu le.”
Alo, “dziɖuƒewo.”
Egɔmeɖeɖe tẽe, “màgakpɔ gome le nuto si le Tɔsisi la godo me o.”
Agate ŋu afia, “woɖe egɔme hexlẽe.”