Dzo kpo yi emenuwo dzi

Dzo kpo yi emenu bubu dzi

Dzo kpo yi emenuawo dzi

Yehowa Ɖasefowo

Eʋegbe

Internet Dzi Biblia | ŊƆŊLƆ KƆKƆEAWO—XEXE YEYE GƆMEƉEƉE

Ezekiel 2:1-10

EMENYAWO ƑE TOTOƉEME

  • Woɖo Ezekiel nyagblɔɖilae (1-10)

    • ‘Wosee o, womeɖasee o’ (5)

    • Wotsɔ agbalẽ xatsaxatsa si me konyifafawo le la fiae (9, 10)

2  Eye wògblɔ nam be: “Amegbetɔvi,* tso ɖe wò afɔwo dzi, ne maƒo nu kpli wò.”+  Esi wòƒo nu kplim la, gbɔgbɔ ɖo menye hena metso ɖe nye afɔwo dzi,+ ne mate ŋu ase Ame si le nu ƒom kplim la ƒe nyawo.  Eye wògblɔ nam be: “Amegbetɔvi, mele dɔwòm ɖe Israel-viwo gbɔ,+ ɖe dukɔ dzeaglã si dze aglã ɖe ŋunye la gbɔ.+ Wo kple wo tɔgbuiwo da vo ɖe ŋunye va se ɖe egbeŋkeke sia dzi.+  Mele dɔwòm ɖe vi dzeaglã* siwo sẽ dzi me gbɔ,+ ne nàgblɔ na wo be, ‘Ale Aƒetɔ Dziɖulagã Yehowa gblɔe nye esi.’  Wosee o, womeɖasee o, woanyae be nyagblɔɖila aɖe nɔ yewo dome kpɔ,+ elabena ƒome dzeaglã wonye.+  “Ke wò amegbetɔvi, mègavɔ̃ wo o,+ eye woƒe nyawo megadzi ŋɔ na wò o, togbɔ be aŋɔkawo kple ŋùwo ƒo xlã wò*+ eye nèle dziɖegbewo* dome hã. Woƒe nyawo megadzi ŋɔ na wò o,+ eye woƒe mo megaɖi vɔvɔ̃ na wò o,+ elabena ƒome dzeaglã wonye.  Gblɔ nye nyawo na wo, wosee o, womeɖasee o, elabena aglãdzelawoe wonye.+  “Ke wò amegbetɔvi, se nya si gblɔm mele na wò. Mègadze aglã abe ƒome dzeaglã sia ene o. Ke nu nàɖu nu si tsɔm mele na wò la.”+  Esi meɖo ŋku anyi la, mekpɔ wodo asi aɖe ɖe gbɔnye,+ eye mekpɔ agbalẽ xatsaxatsa aɖe si dzi woŋlɔ nu ɖo la le asi la me.+ 10  Esi wòkekee ɖe ŋkunyeme la, woŋlɔ nu ɖe eme kple egodo.+ Woŋlɔ konyifahawo, nuxaxawo kple avifafawo ɖe edzi.+

Etenuŋɔŋlɔ

“Amegbetɔvi”; nya sia si dze zi 93 le Ezekiel ƒe agbalẽa me la ƒe gbãtɔe nye esia.
Alo, “vi siwo mo kplala li na.”
Agate ŋu afia, “togbɔ be dzimesẽlawoe wonye, eye wole abe nu siwo le tɔwòm ene.”
Alo, “aganɛ, akekle.”