Dzo kpo yi emenuwo dzi

Dzo kpo yi emenu bubu dzi

Dzo kpo yi emenuawo dzi

Yehowa Ɖasefowo

Eʋegbe

Internet Dzi Biblia | ŊƆŊLƆ KƆKƆEAWO—XEXE YEYE GƆMEƉEƉE

Amos 6:1-14

EMENYAWO ƑE TOTOƉEME

  • Baba na ame siwo kana ɖe wo ɖokuiwo dzi! (1-14)

    • Nyiɖubatiwo; wainkplu gãwo (4, 6)

6  “Baba na ame siwo kana ɖe wo ɖokuiwo dzi* le Zion,Baba na ame siwo susu be yewole dedie le Samaria-to la dzi,+Mi dukɔ veviwo ƒe ame ŋkutawo,Ame siwo gbɔ Israel ƒe aƒe la vana!   Miyi Kalne ne miakpɔ. Mitso afi ma miayi Hamat Gã,+Eye miayi Filistitɔwo ƒe Gat. Ðe wonyo wu fiaɖuƒe siawo,*Alo ɖe woƒe anyigba lolo wu mia tɔa?   Ðe miele ŋkeke vɔ̃ la ɖem ɖa le susu me+Eye miele ŋutasesẽ ƒe dziɖuɖu* hem vɛa?+   Womlɔa nyiɖubatiwo dzi,+ eye wodrana ɖe abawo dzi+Henɔa agbowo kple nyivi* damiwo ɖum le lãha la dome;+   Wonɔa ha kpam ɖe kasaŋkuwo ƒe ɖiɖi ŋu,+Eye wotoa haƒonuwo vɛ abe David ene;+   Wokua wain ɖe kplu gãwo me wòyɔnɛ banaa wonona,+Eye wosia ami nyuitɔwo. Eye vɔ̃ si dzɔ ɖe Yosef dzi la meka wo o.*+   Eya ta woanɔ ŋgɔ na aboyomewo ayi aboyo me,+Eye ame siwo dra ɖe abawo dzi la ƒe aglotutu vivivo la nu atso.   ‘Aƒetɔ Dziɖulagã Yehowa tà eɖokui*+ be:“Yakob ƒe dàda nyɔ ŋu nam,+Melé fu eƒe mɔ́ sesẽwo,+Eye matsɔ du la kple emenuwo ade asi,”’+ Yehowa, aʋakɔwo ƒe Mawu ye gblɔe.  “‘“Eye ne ame ewo kpɔtɔ ɖe aƒe aɖe me la, woawo hã woaku. 10  Ƒometɔ aɖe ava fɔ wo ahatɔ dzo wo ɖekaɖeka. Alɔ woƒe ƒuawo ado goe le aƒea me, eye ne ame aɖe le xɔgã me la, abiae be, ‘Ðe ame aɖe gale gbɔwòa?’ Eye wòaɖo eŋu nɛ be, ‘Ame aɖeke meli o!’ Ekema agblɔ be, ‘Zi ɖoɖoe! Elabena menye Yehowa ƒe ŋkɔ yɔɣie nye esia o.’” 11  Elabena Yehowa le se dem+Eye wòagbã xɔ gãwoKple xɔ suewo gudugudu.+ 12  Ðe sɔ ate ŋu aƒu du le agakpe dzia?Alo ɖe woana nyi naŋlɔ nu le edzia? Elabena mietrɔ nya dzɔdzɔe wòzu aɖigbe,Kple dzɔdzɔenyenye ƒe kutsetse wòle abe atsa* ene.+ 13  Miedzɔa dzi ɖe nu maɖinuwo ŋu,Eye miegblɔna be, “Ðe menye míawo ŋutɔwo ƒe ŋutetee na ŋusẽ ɖo mía ŋu oa?”*+ 14  Eya ta Israel ƒe aƒe, maɖo dukɔ aɖe ɖe mia ŋu,’+ Yehowa, aʋakɔwo ƒe Mawu ye gblɔe,‘Eye woate mi ɖe anyi tso Lebo-Hamat*+ va se ɖe Araba-tɔʋu* la nu.’”

Etenuŋɔŋlɔ

Alo, “ɖe dzi ɖi bɔkɔɔ.”
Ðewohĩ Yuda kple Israel ƒe fiaɖuƒewoe wowɔnɛ.
Egɔmeɖeɖe tẽe, “ƒe zikpui.”
Alo, “nyitsui.”
Egɔmeɖeɖe tẽe, “mede dɔ lãme na wo o.”
Alo, “eƒe luʋɔ.”
Alo, “veve.”
Egɔmeɖeɖe tẽe, “na míeto dzo ɖe ta oa?”
Alo, “Hamat ƒe dodonu.”