Dzo kpo yi emenuwo dzi

Dzo kpo yi emenuawo dzi

Nyaɖeɖefia 7:1-17

EMENYAWO ƑE TOTOƉEME

  • Mawudɔla ene lé tsɔtsrɔ̃ ƒe yawo ɖe asi (1-3)

  • Wotre ame 144,000 nu (4-8)

  • Ameha gã aɖe si le awu ʋlaya ɣiwo me (9-17)

7  Le esia megbe la, mekpɔ mawudɔla ene wole tsitre ɖe anyigba ƒe dzogoe eneawo dzi, eye wolé anyigba ƒe ya eneawo ɖe asi goŋgoŋ, ale be ya aɖeke nagaƒo ɖe anyigba dzi alo ɖe atsiaƒu dzi alo ɖe ati aɖeke dzi o.  Eye mekpɔ mawudɔla bubu aɖe wòdo tso ɣedzeƒe le dzi yim, eye Mawu gbagbe la ƒe nutrenu aɖe le esi; eye wòdo ɣli kple gbe gã aɖe ɖo ɖe mawudɔla ene siwo wona ŋusẽ be woawɔ vɔ̃ anyigba kple atsiaƒu la,  le gbɔgblɔm be: “Migawɔ vɔ̃ anyigba alo atsiaƒu alo atiawo o, va se ɖe esime míetre+ mía Mawu ƒe kluviwo ƒe ŋgonu vɔ hafi.”+  Eye mese ame siwo nu wotre la ƒe xexlẽme, wotre ame akpe alafa ɖeka blaene vɔ ene+ nu le Israel-viwo ƒe toawo katã me:+  Le Yuda-toa me la, wotre ame akpe wuieve nu;le Ruben-toa me la, wotre ame akpe wuieve nu;le Gad-toa me la, wotre ame akpe wuieve nu;  le Aser-toa me la, wotre ame akpe wuieve nu;le Naftali-toa me la, wotre ame akpe wuieve nu;le Manase-toa+ me la, wotre ame akpe wuieve nu;  le Simeon-toa me la, wotre ame akpe wuieve nu;le Lewi-toa me la, wotre ame akpe wuieve nu;le Isakar-toa me la, wotre ame akpe wuieve nu;  le Zebulon-toa me la, wotre ame akpe wuieve nu;le Yosef-toa me la, wotre ame akpe wuieve nu;le Benyamin-toa me la, wotre ame akpe wuieve nu.  Le nu sia megbe la mekpɔ, eye kpɔ ɖa, ameha gã aɖe si ame aɖeke mete ŋu xlẽ o la, tso dukɔ sia dukɔ, to sia to, ame ƒomeviwo katã kple gbegbɔgblɔ sia gbegbɔgblɔ me,+ le tsitre ɖe fiazikpui la ŋgɔ kple Alẽvi la ŋkume, wodo awu ʋlaya ɣiwo,+ eye wolé deʋayawo ɖe asi.+ 10  Eye wole ɣli dom kple gbe gã aɖe le gbɔgblɔm be: “Míaƒe xɔname tso mía Mawu, ame si bɔbɔ nɔ fiazikpui+ la dzi kple Alẽvi la gbɔ.”+ 11  Eye mawudɔlawo katã le tsitre ƒo xlã fiazikpui la kple ametsitsiawo+ kpakple nu gbagbe eneawo, eye wotsyɔ mo anyi ɖe fiazikpui la ŋgɔ hede ta agu na Mawu, 12  le gbɔgblɔm be: “Amen! Mía Mawu la tɔ nanye kafukafu, ŋutikɔkɔe, nunya, akpedada, bubu, ŋusẽ kple ŋutete tso mavɔ me yi mavɔ me.+ Amen.” 13  Eye ametsitsiawo dometɔ ɖeka biam be: “Ame kawoe nye esiawo le awu ʋlaya ɣiwo me,+ eye afi kae wotso?” 14  Enumake meɖo eŋu nɛ be: “Nye aƒetɔ, wòe nyae.” Eye wògblɔ nam be: “Ame siawoe nye ame siwo do go tso xaxa gã+ la me, eye wonya woƒe awu ʋlayawo, eye wowɔ wo ɣie le Alẽvi la ƒe ʋu la me.+ 15  Esia tae wole Mawu ƒe fiazikpuia ŋgɔ ɖo, eye wole subɔsubɔdɔ kɔkɔe wɔm nɛ zã kple keli le eƒe gbedoxɔ la me; eye Ame si bɔbɔ nɔ fiazikpuia+ dzi la akeke eƒe agbadɔ la ɖe wo dzi.+ 16  Dɔ magawu wo azɔ o, eye tsikɔ hã magawu wo azɔ o, ɣe kple ŋdɔkutsu magaɖu wo o,+ 17  elabena Alẽvi+ si le fiazikpuia gbɔ la, akplɔ wo,+ eye wòafia mɔ wo ayi agbetsidzidziwo gbɔ.+ Eye Mawu atutu aɖatsi sia aɖatsi ɖa le woƒe ŋkume.”+

Etenuŋɔŋlɔ