Dzo kpo yi emenuwo dzi

Dzo kpo yi emenu bubu dzi

Dzo kpo yi emenuawo dzi

Yehowa Ɖasefowo

Eʋegbe

Internet Dzi Biblia | ŊƆŊLƆ KƆKƆEAWO—XEXE YEYE GƆMEƉEƉE

Nyaɖeɖefia 6:1-17

EMENYAWO ƑE TOTOƉEME

  • Alẽvi la ɖe nutrenu ade gbãtɔawo ɖa (1-17)

    • Aʋadziɖula le sɔ ɣi dzi (1, 2)

    • Sɔ hɛ̃ dola la ɖe ŋutifafa ɖa (3, 4)

    • Sɔ yibɔ dola he dɔwuame vɛ (5, 6)

    • Sɔ si fu kpii dola ŋkɔe nye Ku (7, 8)

    • Ame siwo wowu la le vɔsamlekpuia te (9-11)

    • Anyigbaʋuʋu gãwo (12-17)

6  Esi mekpɔ Alẽvi+ la wòɖe nutrenu adreawo+ dometɔ ɖeka ɖa la, mese nu gbagbe eneawo+ dometɔ ɖeka gblɔ kple gbe si le abe dziɖegbe ene be: “Va!”  Eye kpɔ ɖa, mekpɔ sɔ ɣi aɖe,+ eye ame si bɔbɔ nɔ edzi la lé dati ɖe asi, eye wotsɔ fiakuku nɛ,+ eye wòdo go yi ɖale aʋa dzi ɖum be yeawu yeƒe aʋadziɖuɖu la nu.+  Esi wòɖe nutrenu evelia ɖa la, mese nu gbagbe evelia+ gblɔ be: “Va!”  Eye sɔ bubu aɖe do, ebiã hɛ̃, eye woɖe mɔ na ame si bɔbɔ nɔ edzi la be wòaɖe ŋutifafa ɖa le anyigba dzi, ne amewo nawu wo nɔewo, eye wotsɔ yi gã aɖe nɛ.+  Esi wòɖe nutrenu+ etɔ̃lia ɖa la, mese nu gbagbe etɔ̃lia+ gblɔ be: “Va!” Eye kpɔ ɖa, mekpɔ sɔ yibɔ aɖe, eye ame si bɔbɔ nɔ edzi la lé nudanu ɖe asi.  Mese gbe aɖe abe nu gbagbe eneawo domee wòɖi le ene gblɔ be: “Lu kuart ɖeka naxɔ denario+ ɖeka, eye ƒo kuart etɔ̃ naxɔ denario ɖeka; eye mègawɔ vɔ̃ aɖeke ami kple wain o.”+  Esi wòɖe nutrenu enelia ɖa la, mese nu gbagbe+ enelia ƒe gbe wògblɔ be: “Va!”  Eye kpɔ ɖa, mekpɔ sɔ aɖe si fu kpii, eye ame si bɔbɔ nɔ edzi la ŋkɔe nye Ku. Eye Tsiẽƒe* le eyome tututu. Eye wona ŋusẽ wo ɖe anyigba ƒe akpa enelia dzi, be woatsɔ yi legbe, dɔwuame,+ dɔvɔ̃ wuame kple anyigbadzilã wɔadãwo awu amewoe.+  Esi wòɖe nutrenu atɔ̃lia ɖa la, mekpɔ ame siwo wowu le Mawu ƒe nya la kple ɖase+ si woɖina ta la ƒe luʋɔwo*+ le vɔsamlekpui+ la te. 10  Eye wodo ɣli kple gbe gã aɖe le gbɔgblɔm be: “Aƒetɔ Dziɖulagã, kɔkɔetɔ kple nyateƒetɔ,+ ɣekaɣie nàdrɔ̃ ʋɔnu anyigbadzinɔlawo ahabia hlɔ̃ wo ɖe míaƒe ʋu ta?”+ 11  Eye wona awu ʋlaya ɣi wo dometɔ ɖe sia ɖe;+ eye wogblɔ na wo be woalala vie, va se ɖe esime wo hati kluviwo kple wo nɔvi siwo wu ge woala abe ale si wowu woawo hã ene la ƒe xexlẽme nade.+ 12  Eye esi wòɖe nutrenu adelia ɖa la, anyigba ʋuʋu sesĩe, eye ɣe trɔ zu yibɔ abe akpanya si wolɔ̃ kple lãfu* yibɔ ene, eye ɣleti bliboa trɔ zu abe ʋu ene,+ 13  eye dziƒoɣletiviwo dudu ɖe anyigba, abe ale si gbotsetse gbogbowo duduna le gboti dzi ne ya sesẽ aɖe ɖo eme ene. 14  Eye dziƒo bú abe agbalẽ aɖe si woŋlɔ́ ene,+ eye woɖe to sia to kple ƒukpo sia ƒukpo ɖa le wo teƒe.+ 15  Eye anyigbadzifiawo, dziɖuɖumegãwo, aʋafiagãwo, kesinɔtɔwo, ŋusẽtɔwo, kluviwo kple ablɔɖemewo katã ɣla wo ɖokuiwo ɖe agadowo me kple towo ƒe agakpewo dome.+ 16  Eye wole gbɔgblɔm na toawo kple agakpeawo be: “Mimu dze mía dzi,+ eye miɣla mí tso Ame si bɔbɔ nɔ fiazikpuia+ dzi la ŋkume, kple Alẽvi+ la ƒe dziku la nu, 17  elabena woƒe dzikuŋkeke gã la ɖo,+ eye ame kae ate ŋu anɔ te ɖe enu?”+

Etenuŋɔŋlɔ

Alo, “Hades,” si nye ameƒomea ƒe yɔdo. Kpɔ Nya Tɔxɛwo Gɔmeɖeƒea.
Edze ƒãa be esia fia ame siwo ƒe ʋu wokɔ ɖe vɔsamlekpuia dzi. Kpɔ Nya Tɔxɛwo Gɔmeɖeƒea.
Anye gbɔ̃fu ye wowɔnɛ le afi sia.