Nyaɖeɖefia 20:1-15

  • Wobla Satana ƒe 1,000 (1-3)

  • Fiaɖuɖu kple Kristo ƒe akpe ɖeka (4-6)

  • Woaɖe Satana le gaxɔa me eye woatsrɔ̃e (7-10)

  • Wodrɔ̃ ʋɔnu kukuawo le Fiazikpui ɣi la ŋgɔ (11-15)

20  Eye mekpɔ mawudɔla aɖe wòle ɖiɖim tso dziƒo, eye aʋlimesafui+ kple kɔsɔkɔsɔ gã aɖe le esi.  Elé ʋɔ driba,+ si nye da xoxo+ la, si nye Abosam+ kple Satana,+ eye wòblae ƒe akpe ɖeka.  Etsɔe ƒu gbe ɖe aʋli la me,+ eye wòtu nu ɖe enu hetre enu be wòagaflu dukɔwo azɔ o va se ɖe esime ƒe akpe ɖeka la wu enu hafi. Le nu sia megbe la, woaɖe asi le eŋu ɣeyiɣi vi aɖe.+  Eye mekpɔ fiazikpuiwo, eye wona ŋusẽ ame siwo bɔbɔ nɔ wo dzi la be woadrɔ̃ ʋɔnu. Ɛ̃, mekpɔ ame siwo wowu* le ɖaseɖiɖi le Yesu ŋu kple nuƒoƒo tso Mawu ŋu ta la ƒe luʋɔwo,* kple ame siwo mede ta agu na lã wɔadã la alo eƒe legba la o, eye womexɔ dzesi la ɖe woƒe ŋgonu kple woƒe asi ŋu o.+ Wogbɔ agbe, eye woɖu fia kple Kristo+ la ƒe akpe ɖeka.  (Ame kuku+ mamlɛawo megbɔ agbe o va se ɖe esime ƒe akpe ɖeka la wu enu hafi.) Esiae nye tsitretsitsi gbãtɔ la.+  Dzidzɔtɔ kple kɔkɔetɔe nye ame si kpɔ gome le tsitretsitsi gbãtɔ+ la me; ku evelia+ mekpɔ ŋusẽ+ ɖe ame siawo dzi o, ke boŋ woanye Mawu kple Kristo ƒe nunɔlawo,+ eye woaɖu fia kplii ƒe akpe ɖeka.+  Ke ne ƒe akpe ɖeka la wu enu ko la, woaɖe Satana le gaxɔa me,  eye wòayi aɖaflu dukɔ siwo le anyigba la ƒe dzogoe eneawo dzi, siwo nye Gog kple Magog, be wòaƒo wo nu ƒu hena aʋawɔwɔ. Ame siawo ƒe xexlẽme le abe ƒutake ene.  Wokaka ɖe anyigba blibo la dzi, eye woƒo xlã ame kɔkɔewo ƒe asaɖa kple du lɔlɔ̃a. Ke dzo tso dziƒo va fiã wo.+ 10  Eye wotsɔ Abosam si le wo blem la ƒu gbe ɖe dzota, si me dzokpe le bibim le la me, afi si lã wɔadã+ la kple aʋatsonyagblɔɖila la siaa le xoxo;+ eye woawɔ fu wo* zã kple keli tegbetegbee. 11  Eye mekpɔ fiazikpui ɣi gã aɖe kple Ame si bɔbɔ nɔ edzi.+ Anyigba kple dziƒo sí le eŋkume,+ eye womekpɔ teƒe aɖeke na wo o. 12  Eye mekpɔ ame kukuwo, ame tsɛwo kple ame ŋkutawo siaa, le tsitre ɖe fiazikpui la ŋgɔ, eye woʋu agbalẽwo. Eye woʋu agbalẽ bubu aɖe; eyae nye agbegbalẽ+ la. Eye wodrɔ̃ ʋɔnu ame kukuawo ɖe nu siwo woŋlɔ ɖe agbalẽawo me le woƒe dɔwɔwɔwo ŋuti la nu.+ 13  Eye atsiaƒu ɖe ame kuku siwo le eme la na, eye ku kple Tsiẽƒe* ɖe ame kuku siwo le wo me la na, eye wodrɔ̃ ʋɔnu wo dometɔ ɖe sia ɖe ɖe eƒe dɔwɔwɔwo nu.+ 14  Eye wotsɔ ku kple Tsiẽƒe* ƒu gbe ɖe dzota la me.+ Dzota+ sia le tsitre ɖi na ku evelia.+ 15  Azɔ hã, wotsɔ ame sia ame si ƒe ŋkɔ womekpɔ le agbegbalẽa+ me o la ƒu gbe ɖe dzota la me.+

Etenuŋɔŋlɔ

Egɔmeɖeɖe tẽe, “wotsɔ fía wu.”
Kpɔ Nya Tɔxɛwo Gɔmeɖeƒea kple Nyɖ 6:9 ƒe etenuŋɔŋlɔ.
Alo, “woade wo gaxɔ me.”
Alo, “Hades,” si nye ameƒomea ƒe yɔdo. Kpɔ Nya Tɔxɛwo Gɔmeɖeƒea.
Alo, “Hades,” si nye ameƒomea ƒe yɔdo. Kpɔ Nya Tɔxɛwo Gɔmeɖeƒea.