Dzo kpo yi emenuwo dzi

Dzo kpo yi emenuawo dzi

Nyaɖeɖefia 15:1-8

EMENYAWO ƑE TOTOƉEME

  • Mawudɔla adre siwo si fuwɔame adreawo le (1-8)

    • Mose kple alẽvi la ƒe ha (3, 4)

15  Megakpɔ dzesi gã bubu aɖe le dziƒo si wɔ nuku ale gbegbe: eyae nye mawudɔla adre+ siwo si fuwɔame adreawo le. Fuwɔame siawoe nye mamlɛtɔwo, elabena woawo dzie woato ahe Mawu ƒe dɔmedzoe la ava nuwuwu.+  Eye mekpɔ nane si ɖi ahuhɔ̃etsiaƒu,+ si wotsɔ dzo tsaka, kple ame siwo ɖu lã wɔadã la kple eƒe legba+ la kpakple xexlẽdzesi si tsi tsitre ɖi na eƒe ŋkɔ+ la dzi,+ wole tsitre ɖe ahuhɔ̃etsiaƒu la gbɔ, eye Mawu ƒe saŋkuwo le wo si.  Eye wole Mose,+ Mawu ƒe kluvi la, ƒe ha kple Alẽvi+ la ƒe ha dzim le gbɔgblɔm be: “Yehowa* Mawu, Ŋusẽkatãtɔ,+ wò dɔwɔwɔwo lolo eye wowɔ nuku loo!+ Fia mavɔmavɔtɔ,+ wò mɔwo+ le dzɔdzɔe, eye wonye nyateƒe.  Yehowa,* ame kae mavɔ̃ wò o, eye ame kae makafu wò ŋkɔ la o?+ Elabena wò ɖeɖe koe nye nuteƒewɔla!+ Elabena dukɔwo katã ava de ta agu ɖe ŋkuwòme, le esi woɖe wò ɖoɖo dzɔdzɔeawo ɖe go ta.”  Le nu sia megbe la, mekpɔ woʋu ɖaseɖigbadɔ+ la ƒe kɔkɔeƒe la le dziƒo,+  eye mawudɔla adre siwo si fuwɔame+ adreawo le la do tso kɔkɔeƒe la, eye wodo aklalawu dzadzɛ si le dzo dam, eye wotsɔ sikanudziblanuwo bla akɔta.  Eye nu gbagbe eneawo dometɔ ɖeka tsɔ sikakplu adre siwo Mawu, ame si le agbe tso mavɔ me yi mavɔ me, ƒe dɔmedzoe+ yɔ taŋ la na mawudɔla adreawo.  Eye dzudzɔ yɔ kɔkɔeƒe la taŋ, le Mawu ƒe ŋutikɔkɔe+ kple eƒe ŋusẽ la ta, eye ame aɖeke mete ŋu ge ɖe kɔkɔeƒe la o va se ɖe esime mawudɔla adreawo ƒe fuwɔame+ adreawo wu enu.

Etenuŋɔŋlɔ