Dzo kpo yi emenuwo dzi

Dzo kpo yi emenuawo dzi

Dɔwɔwɔwo 6:1-15

EMENYAWO ƑE TOTOƉEME

  • Wotia ŋutsu adre be woama nuɖuɖu (1-7)

  • Wotso Stefano nu be egblɔ busunya (8-15)

6  Ke le ŋkeke mawo me esi nusrɔ̃lawo nɔ agbɔ sɔm ɖe edzi la, Yudatɔ Helagbe dolawo nɔ liʋiliʋĩ lĩm le Yudatɔ Hebrigbe dolawo ŋu, elabena wogblẽa woƒe ahosiwo ɖi le gbe sia gbe nuɖuɖu la mama me.+  Eya ta Ame Wuieveawo yɔ nusrɔ̃lawo va ƒo ƒu hegblɔ na wo be: “Masɔ be míagblẽ Mawu ƒe nya la ɖi anɔ nuɖuɖu mam le kplɔ̃ ŋu o.+  Eya ta nɔviwo, mitia ŋutsu adre tso mia dome, ame siwo dzi woate ŋu aka ɖo,*+ siwo gbɔgbɔ kple nunya yɔ fũu,+ ne míatsɔ aɖo dɔ vevi sia nu;+  ke míawo la, míalé fɔ ɖe gbedodoɖa kple mawunya la fiafia ŋu.”  Nya si wogblɔ la dze ameha bliboa ŋu, eye wotia Stefano, ame si si xɔse sẽŋu le eye gbɔgbɔ kɔkɔe la yɔe fũu, kple Filipo,+ Prokoro, Nikano, Timon, Parmena kpakple Nikolao si tso Antiokia, ame si trɔ dzi me zu Yudatɔ.  Wokplɔ wo va apostoloawo ŋkume, eye esi wodo gbe ɖa vɔ la, woda woƒe asiwo ɖe wo dzi.+  Ale Mawu ƒe nya la yi edzi nɔ ta kekem,+ eye nusrɔ̃lawo ƒe xexlẽme nɔ dzidzim ɖe edzi ŋutɔ+ le Yerusalem; eye nunɔla gbogbo aɖewo hã va zu xɔsetɔwo.+  Ke Stefano, ame si nu Mawu ve eye wòna ŋusẽ geɖe la, nɔ nukunu kple dzesi gãwo wɔm le ameawo dome.  Ke ŋutsu siwo nye Ablɔɖexɔlawo Ƒe Ƒuƒoƒe la me tɔ aɖewo kple Kirenetɔwo, Aleksandriatɔwo, kpakple ame siwo tso Kilikia kple Asia la, dometɔ aɖewo tso be yewoahe nya kple Stefano. 10  Gake womete ŋu nɔ te ɖe nunya kple gbɔgbɔ si wòtsɔ le nu ƒomee la nu o.+ 11  Eya ta wode nya ŋutsu aɖewo nu le adzame be woagblɔ be: “Míesee wòle busunyawo gblɔm ɖe Mose kple Mawu ŋu.” 12  Eye wode zi ameha la kple amegãwo kpakple agbalẽfialawo me, ale wova do ɖe edzi le vo me, lée sesẽe hekplɔe yi Sanhedrin la. 13  Eye wokplɔ aʋatsoɖasefowo vɛ, ame siwo va gblɔ be: “Ame sia medzudzɔ nuƒoƒo tsi tre ɖe kɔkɔeƒe sia kple Se la ŋu o. 14  Le kpɔɖeŋu me, míesee wògblɔ be Yesu Nazaretetɔ la agbã teƒe sia, eye wòatrɔ kɔnu siwo Mose tsɔ de asi na mí la.” 15  Esi ame siwo katã bɔbɔ nɔ Sanhedrin la fɔ ŋku ɖe edzi gãa la, wokpɔe be eƒe mo le abe mawudɔla ƒe mo ene.

Etenuŋɔŋlɔ

Alo, “ame siwo ŋu woɖi ɖase nyui le.”