Dzo kpo yi emenuwo dzi

Dzo kpo yi emenu bubu dzi

Dzo kpo yi emenuawo dzi

Yehowa Ɖasefowo

Eʋegbe

Internet Dzi Biblia | ŊƆŊLƆ KƆKƆEAWO—XEXE YEYE GƆMEƉEƉE

Dɔwɔwɔwo 1:1-26

EMENYAWO ƑE TOTOƉEME

  • Woŋlɔe na Teofilo (1-5)

  • Mianye ɖasefowo va se ɖe anyigba ƒe seƒe ke (6-8)

  • Yesu dzo yi dziƒo (9-11)

  • Nusrɔ̃lawo ƒo ƒu ɖekae (12-14)

  • Wotia Matias ɖe Yuda teƒe (15-26)

1  Oo Teofilo, le agbalẽ gbãtɔ si meŋlɔ na wò me la, meƒo nu tso nu siwo katã Yesu wɔ kple nu siwo katã wòfia+  va se ɖe gbe si gbe wokɔe yi dzi,+ esime wòto gbɔgbɔ kɔkɔe dzi na mɔfiame apostolo siwo wòtia vɔ la ŋu.+  Le eƒe fukpekpe megbe la, eɖe eɖokui fia wo be yele agbe to kpeɖodzi geɖe siwo ŋu kakaɖedzi le la dzi.+ Wokpɔe le ŋkeke blaeneawo me, eye wòƒo nu na wo tso Mawu Fiaɖuƒe la ŋu.+  Esi wòkpe kpli wo la, ede se na wo be: “Migadzo le Yerusalem o,+ ke boŋ minɔ nu si ŋugbe Fofo la do,+ si ŋu nya miese tso gbɔnye la lalam;  elabena tsie Yohanes tsɔ nyrɔ amewo, ke le ŋkeke ʋɛ aɖewo megbe la, gbɔgbɔ kɔkɔe ye woatsɔ anyrɔ mi.”+  Eya ta esi wokpe ta la, wobiae be: “Aƒetɔ, ɖe nègbugbɔ le fiaɖuƒe la ɖom anyi na Israel le ɣeyiɣi sia mea?”+  Egblɔ na wo be: “Mehiã be mianya ɣeyiɣi alo azãgbe siwo Fofo la ɖo le eya ŋutɔ ƒe ŋusẽ nu la o.+  Ke boŋ miaxɔ ŋusẽ ne gbɔgbɔ kɔkɔe la va mia dzi,+ eye mianye nye ɖasefowo+ le Yerusalem+ kple Yudea blibo la katã kple Samaria,+ va se ɖe anyigba ƒe seƒe ke.+  Esi wògblɔ nya siawo vɔ, eye wole ekpɔm la, wokɔe yi dzi, eye alilikpo xe wo ŋkume.+ 10  Esi wokpɔtɔ nɔ dziŋgɔli me kpɔm gãa le ɣeyiɣi si me wòdzo yina la, kasia, ŋutsu evee nye esi le awu ɣiwo+ me va tɔ ɖe wo gbɔ 11  eye wobia wo be: “Galilea ŋutsuwo, nu ka tae mietɔ ɖi le dziƒo kpɔm? Yesu sia si woxɔ tso mia gbɔ yi dziƒo la, ava nenema ke abe ale si miekpɔe wòle dziƒo yim ene.” 12  Eye wotrɔ tso Amito la dzi yi Yerusalem.+ Amito la medidi tso Yerusalem gbɔ o, anɔ sabat ŋkeke ƒe azɔlizɔzɔ. 13  Esi woɖo dua me la, woyi dziƒoxɔ si me wonɔna la me. Ame siawoe nye Petro, Yohanes, Yakobo, Andrea, Filipo, Toma, Bartolomeo, Mateo, Yakobo si nye Alfeo vi, Simon veviedola la kple Yuda si nye Yakobo vi.+ 14  Ame siawo nɔ gbedodoɖa dzi kple tame ɖeka, wo kple nyɔnu aɖewo+ kpakple Yesu dada Maria kple Yesu nɔviŋutsuwo.+ 15  Le ŋkeke mawo me la, Petro tsi tsitre le nɔviawo dome, (ame siwo ƒo ƒu la katã anɔ ame alafa ɖeka blaeve,) eye wògblɔ be: 16  “Ŋutsuwo, nɔviwo, ele be ŋɔŋlɔ la me nya si gbɔgbɔ kɔkɔe la ʋã David wògblɔ ɖi tso Yuda,+ ame si fia Yesu yome mɔ+ ŋu la nava eme. 17  Elabena woxlẽe ɖe mía dome,+ eye wòkpɔ gome le subɔsubɔdɔ sia me. 18  (Nenem me sia tsɔ nu madzɔmadzɔ wɔwɔ ƒe fetu+ ƒle anyigba, eye esi wòge tsɔ ta va tu anyi la, eƒe ƒodo wó too, eye eƒe dɔmenuwo katã dudu ɖe anyi.+ 19  Ame siwo katã le Yerusalem la see, ale be wotsɔ ŋkɔ na anyigba ma le woƒe gbea me be Akeldama, si gɔmee nye “Ʋunyigba.”) 20  Elabena woŋlɔ ɖe Psalmowo me be: ‘Eƒe nɔƒe nazu aƒedo, eye ame aɖeke naganɔ eme o,’+ eye ‘Ame bubu naxɔ eƒe dzikpɔkpɔdɔ la.’+ 21  Eya ta ehiã be ŋutsu siwo dzea mía yome le ɣeyiɣi siwo katã me Aƒetɔ Yesu nɔ eƒe dɔwo wɔm* le mía dome, 22  tso esime Yohanes nyrɔe+ va se ɖe gbe si gbe woxɔe tso mía gbɔ yi dziƒo+ la, ŋutsu siawo dometɔ ɖeka nazu ɖasefo kpe ɖe mía ŋu le eƒe tsitretsitsi la ŋu.”+ 23  Eya ta wotɔ asi ame eve dzi. Woawoe nye Yosef si woyɔna be Barsaba, si wogayɔna be Yusto, kple Matias. 24  Eye wodo gbe ɖa gblɔ be: “Oo Yehowa,* wò ame si nya amewo katã ƒe dzi me,+ ɖe ame eve siawo dometɔ si nètia la fia, 25  be wòaxɔ ɖe subɔsubɔdɔ kple apostolonyenye sia, si gbɔ Yuda trɔ le helé eya ŋutɔ ƒe mɔ tsɔ la teƒe.”+ 26  Ale wodzidze nu ɖe wo dzi,+ eye nudzidze la dze Matias dzi, eye wobui kpe ɖe apostolo wuiɖekɛawo ŋu.

Etenuŋɔŋlɔ

Egɔmeɖeɖe tẽe, “nɔ yiyim nɔ gbɔgbɔm.”