Dzo kpo yi emenuwo dzi

Dzo kpo yi emenu bubu dzi

Dzo kpo yi emenuawo dzi

Yehowa Ɖasefowo

Eʋegbe

Internet Dzi Biblia | ŊƆŊLƆ KƆKƆEAWO—XEXE YEYE GƆMEƉEƉE

2 Yohanes 1:1-13

EMENYAWO ƑE TOTOƉEME

  • Gbedonamewo (1-3)

  • Minɔ zɔzɔm le nyateƒe la me (4-6)

  • Mikpɔ nyuie le ameblelawo ŋu (7-11)

  • Mele mɔ kpɔm be mava mia gbɔ; gbedonamewo (12, 13)

 Nye, ame tsitsi* lae le agbalẽ sia ŋlɔm ɖo ɖe aƒenɔ tiatia la kple viawo, ame siwo melɔ̃ vevie, eye menye nye ɖeɖe ko o, ke ame siwo katã va dze si nyateƒe la hã,  le nyateƒe si kpɔtɔ le mía me, si anɔ kpli mí tegbee la ta.  Amenuveve, nublanuikpɔkpɔ kple ŋutifafa si tso Mawu Fofo la, kple Yesu Kristo, Fofo la ƒe Vi la gbɔ la, anɔ kpli mí le nyateƒe kple lɔlɔ̃ me.  Dzi dzɔm ŋutɔ esi mekpɔ be viwò aɖewo le zɔzɔm le nyateƒe la me,+ abe ale si ko míexɔ sedede tso Fofo la gbɔ ene.  Eya ta fifia la, mele kuku ɖem na wò, aƒenɔ, be míalɔ̃ mía nɔewo. (Menye se yeye wònye ŋlɔm mele na wò o, ke boŋ esi le mía si tso gɔmedzedzea me ke la koe.)+  Eye lɔlɔ̃ lae nye be, míayi edzi azɔ le eƒe sededewo nu.+ Esiae nye sedede la, abe ale si miesee tso gɔmedzedzea me ene, be miayi edzi azɔ le lɔlɔ̃ me.  Elabena ameblela geɖewo do go yi xexea me,+ ame siwo meʋua Yesu Kristo me be eva le ŋutilã me o.+ Esiae nye ameblela la kple Kristo ƒe futɔ la.+  Mikpɔ mia ɖokui dzi nyuie be nu si míewɔ dɔ kpɔ la nagabu ɖe mi o, ke boŋ be miaxɔ fetu blibo la.+  Ame sia ame si ʋlina be yeayi ŋgɔ, gake melina ɖe Kristo la ƒe nufiafia me o la, mexɔ Mawu o.+ Ame si nɔa nufiafia sia me la, eyae nye ame si xɔ Fofo la kple Vi la siaa.+ 10  Ne ame aɖe va mia gbɔ eye metsɔ nufiafia sia vɛ o la, migaxɔe ɖe miaƒe aƒe me+ alo ado gbe nɛ kura o. 11  Elabena ame si do gbe nɛ la kpɔ gome kplii le eƒe dɔwɔwɔ vɔ̃ɖiawo me. 12  Togbɔ be nya geɖewo li maŋlɔ na mi hã la, nyemedi be mazã agbalẽ kple agbalẽŋlɔtsi atsɔ aŋlɔe o, ke mele mɔ kpɔm be mava mia gbɔ ahaƒo nu kpli mi ŋkume kple ŋkume, ale be miakpɔ dzidzɔ wòade edeƒe. 13  Nɔviwònyɔnu si nye ame tiatia la ƒe viwo do gbe na wò.

Etenuŋɔŋlɔ

Alo, “Nye, hamemetsitsi.”