Dzo kpo yi emenuwo dzi

Dzo kpo yi emenuawo dzi

2 Petro 3:1-18

EMENYAWO ƑE TOTOƉEME

  • Fewuɖulawo aŋe aɖaba aƒu tsɔtsrɔ̃ si gbɔna la dzi (1-7)

  • Yehowa mele wɔwɔm blewu o (8-10)

  • Mibu ame siwo ƒomevi wòle be mianye ŋu (11-16)

    • Dziƒo yeye kple anyigba yeye (13)

  • Minɔ ŋudzɔ be woagakplɔ mi atrae o (17, 18)

3  Lɔlɔ̃tɔwo, esiae nye agbalẽ evelia si ŋlɔm mele ɖo ɖe mi fifia, si me metsɔ ŋkuɖodzinya siawo le miaƒe nuŋububu nyuie ŋutetewo nyɔm, abe ale si mewɔe le agbalẽ gbãtɔa me ene,+  be miaɖo ŋku nya siwo nyagblɔɖila kɔkɔeawo gblɔ do ŋgɔ, kpakple Aƒetɔ kple Ðela la ƒe se si wòde to miaƒe apostolowo dzi la dzi.  Gbã la, minyae be le ŋkeke mamlɛawo me la, fewuɖulawo ava kple woƒe fewuɖuɖu, eye woawɔ nu le woawo ŋutɔwo ƒe nudzodzrowo nu+  ahanɔ gbɔgblɔm be: “Afi ka eƒe anyinɔɣi sia si ŋugbe wodo la le?+ Kpɔ ɖa, tso ŋkeke si mía tɔgbuiwo dɔ alɔ̃ le ku me la, nuwo katã le edzi yim abe ale si ko wole tso nuwɔwɔ ƒe gɔmedzedze ene.”+  Elabena woɖoe koŋ gbe nyateƒenya sia be, tso blema ke la dziƒowo li, eye anyigba hã do tso tsi me heli ke sesĩe eye wòle tsi titina, le Mawu ƒe nya la nu;+  eye nu siawo dzie woto tsrɔ̃ xexe si nɔ anyi ɣemaɣi esime tsi ɖee.+  Ke wotsɔ nya ma ke dzra dziƒo kple anyigba si li fifia la ɖo ɖi na dzo, eye woda wo ɖi na ame mavɔ̃mawuwo ƒe ʋɔnudɔdrɔ̃ kple tsɔtsrɔ̃ ŋkeke la.+  Ke lɔlɔ̃tɔwo, migana miaƒe susu nadzo le nya sia dzi o, be ŋkeke ɖeka le Yehowa* gbɔ abe ƒe akpe ɖeka ene, eye ƒe akpe ɖeka abe ŋkeke ɖeka ene.+  Yehowa* mele wɔwɔm blewu le eƒe ŋugbedodo la ŋu+ abe ale si ame aɖewo se blewuwɔwɔ gɔme ene o, ke boŋ egbɔa dzi ɖi na mi, elabena medi be ame aɖeke natsrɔ̃ o, ke boŋ edi be mɔnukpɔkpɔ nasu amewo katã si woatrɔ dzi me.+ 10  Gake Yehowa* ƒe ŋkeke+ la ava abe fiafitɔ+ ene, si me dziƒowo nu ava yi+ kple gbeɖiɖi sesẽ, ke wo me nu, siwo xɔ dzo gbãgbãgbã la alólo, eye woaklo nu le anyigba kple eme dɔwɔwɔwo dzi.+ 11  Esi woalólo nu siawo katã alea ta la, mibu ame siwo ƒomevi wòle be mianye le agbe kɔkɔe nɔnɔ kple ɖokuitsɔtsɔ na Mawu me ŋu, 12  esi miele lalam eye miaƒe susu le Yehowa* ƒe ŋkeke+ la ƒe vava* ŋu vevie, esime woatsrɔ̃ dziƒowo+ le dzo me, eye wo me nuwo alólo le dzoxɔxɔ gbãgbãgbã me. 13  Ke míele dziƒo yeye kple anyigba yeye, siwo me dzɔdzɔenyenye anɔ la,+ lalam le eƒe ŋugbedodo la nu.+ 14  Eya ta lɔlɔ̃tɔwo, esi miele nu siawo lalam ŋuti la, miwɔ miaƒe ŋutete ɖe sia ɖe be wòakpɔ mi mlɔeba ɖimaƒomaƒoe, mokakamanɔŋui, le ŋutifafa me.+ 15  Eye mibu mía Aƒetɔ ƒe dzigbɔɖi la be enye xɔxɔ, abe ale si mía nɔvi lɔlɔ̃tɔ Paulo hã ŋlɔ na mi le nunya si wonɛ la nu ene,+ 16  esi wòƒoa nu tso nu siawo ŋu le eƒe agbalẽwo katã me. Ke nanewo gɔme sese sesẽ le wo me, siwo ame masrɔ̃nuwo kple ame malikewo le gbo trɔmee, abe ale si wowɔa Ŋɔŋlɔawo ƒe akpa bubuawo ke ene hena woawo ŋutɔwo ƒe tsɔtsrɔ̃. 17  Eya ta nɔvi lɔlɔ̃tɔwo, esi mienya nu siawo do ŋgɔ ta la, minɔ ŋudzɔ, be sedzimawɔlawo ƒe vodada nagakplɔ mi atrae kpe ɖe wo ŋu o, ale be miage tso teƒe si mieli ke ɖo la o.+ 18  Ao, ke boŋ miyi edzi miatsi le mía Aƒetɔ kple mía Ðela Yesu Kristo ƒe amenuveve kple sidzedze la me. Eya tɔ nanye ŋutikɔkɔe tso fifia yi mavɔmavɔ me. Amen.

Etenuŋɔŋlɔ

Egɔmeɖeɖe tẽe, “anyinɔɣi.”