Dzo kpo yi emenuwo dzi

Dzo kpo yi emenuawo dzi

2 Petro 1:1-21

EMENYAWO ƑE TOTOƉEME

  • Gbedonamewo (1)

  • Miali ke miaƒe yɔyɔ la (2-15)

    • Nɔnɔme nyui tsɔtsɔ kpe ɖe miaƒe xɔse ŋu (5-9)

  • Nyagblɔɖinya si ŋu kakaɖedzi geɖe le (16-21)

1  Simon Petro, Yesu Kristo ƒe kluvi kple apostolo, le esia ŋlɔm ɖo ɖe ame siwo si xɔse, si xɔ asi abe mía tɔ ke ene, la su to mía Mawu kple mía Ðela Yesu Kristo ƒe dzɔdzɔenyenye me:  Amenuveve kple ŋutifafa nasɔ gbɔ ɖe edzi na mi to Mawu kple Yesu mía Aƒetɔ la ŋuti sidzedze vavãtɔ+ me,  elabena Mawu ƒe ŋusẽ tsɔ nu siwo katã kpena ɖe mía ŋu míenɔa agbe hetsɔa mía ɖokui naa Mawu la ke mí to Ame si tsɔ ŋutikɔkɔe kple nɔnɔme nyui yɔ mí+ la ŋuti sidzedze vavãtɔ dzi.  To nu siawo dzi la, etsɔ ŋugbedodo xɔasi gãtɔwo ke mí,+ ale be to wo dzi la, mawumenɔnɔmewo nasu mia si,+ esi miesi le xexea ƒe nɔnɔme gbegblẽ si dzodzro vɔ̃wo hena vɛ la gbɔ.  Le susu sia tututu ta la, miku kutri vevie+ miatsɔ nɔnɔme nyui+ akpe ɖe miaƒe xɔse ŋu, nenema ke sidzedze nekpe ɖe miaƒe nɔnɔme nyui ŋu,+  ɖokuidziɖuɖu nekpe ɖe miaƒe sidzedze ŋu, dzidodo nekpe ɖe miaƒe ɖokuidziɖuɖu ŋu,+ ɖokuitsɔtsɔ na Mawu nekpe ɖe miaƒe dzidodo ŋu,+  nɔvilɔlɔ̃ nekpe ɖe miaƒe ɖokuitsɔtsɔ na Mawu ŋu, lɔlɔ̃ nekpe ɖe miaƒe nɔvilɔlɔ̃ ŋu.+  Elabena ne nu siawo le mia me, eye wogba go la, mawɔe be mianye gbɔdzɔgbɔdzɔtɔwo loo alo ame matsekuwo+ le mía Aƒetɔ Yesu Kristo ŋuti sidzedze vavãtɔ la me o.  Elabena ne nu siawo mele ame aɖe me o la, ezu ŋkuagbãtɔ, ame si mia eƒe ŋkuwo be yeagakpɔ kekeli la o,+ eye wòzu ame si ŋlɔ ale si woklɔ eƒe tsã nu vɔ̃wo ɖa le eŋui la be.+ 10  Eya ta nɔviwo, miwɔ miaƒe ŋutete ɖe sia ɖe be miali ke mia yɔyɔ+ kple mia tiatia la sesĩe, elabena ne miewɔa esiawo la, miado kpo nu gbeɖe o.+ 11  Ale le nyateƒe me la, woayra mi geɖe miayi ɖe mía Aƒetɔ kple Ðela Yesu Kristo+ ƒe Fiaɖuƒe mavɔ+ la me. 12  Esia ta meɖoe be manɔ ŋku ɖom nu siawo dzi na mi ɣesiaɣi, togbɔ be mienya wo, eye mieli ke sesĩe le nyateƒe si su mia si fifia me hã. 13  Ke mekpɔe be enyo be zi ale si mekpɔtɔ le agbadɔ*+ sia me la, matsɔ ŋkuɖodzinyawo anɔ mia nyɔm,+ 14  esi menyae be magadidi hafi woaɖe nye agbadɔ la ɖa o, abe ale si mía Aƒetɔ Yesu Kristo hã ɖee fiam ene.+ 15  Mawɔ nye ŋutete ɖe sia ɖe ɣesiaɣi, ale be le nye dzodzo megbe la, mianɔ ŋku ɖom nu siawo dzi na mia ɖokuiwo. 16  Menye gli siwo wokpa kple aɖaŋu dzie míetu mía Aƒetɔ Yesu Kristo ƒe ŋusẽ kple anyinɔɣi la ŋu nya si míegblɔ na mi la ɖo o, ao, ke boŋ esi míawo ŋutɔwo míekpɔ eƒe gãnyenye kple atsyɔ̃ teƒe tae míegblɔe ɖo.+ 17  Elabena exɔ bubu kple ŋutikɔkɔe tso Mawu, Fofo la, gbɔ esime wòse nya siawo le ŋutikɔkɔe gã la me be: “Ame siae nye Vinye, si gbɔ nyemelɔ̃a nu le o, si dze nye ŋutɔ ŋunye.”+ 18  Ɛ̃, nya siawoe míese tso dziƒo esi míele to kɔkɔe la dzi kplii. 19  Eya ta kakaɖedzi geɖe wu va le nyagblɔɖinya la ŋu na mí, eye miewɔe nyuie be mieléa ŋku ɖe eŋu abe akaɖi+ si le keklẽm le viviti me ene (va se ɖe esime agu dze, eye ŋukeɣletivi+ nadze) le miaƒe dziwo me. 20  Elabena mienya esia gbã be, Ŋɔŋlɔ la me nyagblɔɖi aɖeke metso ame ŋutɔ ƒe susu* me o. 21  Elabena nyagblɔɖi aɖeke metso ame ƒe lɔlɔ̃nu me ɣeaɖekeɣi kpɔ o,+ ke boŋ gbɔgbɔ kɔkɔe ye ʋã amewo wogblɔ Mawu ƒe nyawo ɖi.+

Etenuŋɔŋlɔ

Efia, eƒe amegbetɔŋutilã.
Alo, “numeɖeɖe.”