Dzo kpo yi emenuwo dzi

Dzo kpo yi emenuawo dzi

2 Mose 33:1-23

EMENYAWO ƑE TOTOƉEME

  • Mawu ƒe mokanamenyawo (1-6)

  • Takpegbadɔ la le asaɖa la godo (7-11)

  • Mose bia be yeakpɔ Yehowa ƒe ŋutikɔkɔe (12-23)

33  Yehowa gagblɔ na Mose be: “Kplɔ ame siwo nèkplɔ tso Egipte-nyigba dzi la miayi anyigba si ŋu meka atam ɖo na Abraham, Isak kple Yakob be, ‘Wò dzidzimeviwo matsɔe ana’+ la dzi.  Madɔ mawudɔla aɖe ɖe ŋgɔwò,+ eye manya Kanaantɔwo, Amoritɔwo, Hititɔwo, Perizitɔwo, Hivitɔwo kple Yebusitɔwo ɖa.+  Miyi anyigba si dzi notsi kple anyitsi le sisim le la dzi.+ Gake nyemanɔ mia dome ayi o, elabena dukɔ kɔlialiatɔ mienye,+ be magatsrɔ̃ mi ɖa keŋkeŋ le mɔa dzi o.”+  Esi dukɔ la se nya vɔ̃ sia la, wode asi konyifafa me, eye wo dometɔ aɖeke meɖo atsyɔ̃ o.  Yehowa gagblɔ na Mose be: “Gblɔ na Israel-viwo be, ‘Dukɔ sẽdzime* mienye.+ Mate ŋu age ɖe mia dome atsrɔ̃ mi ɖa keŋkeŋ le aɖabaƒoƒo ɖeka me.+ Eya ta miɖe miaƒe atsyɔ̃ɖonuwo ɖi, ne makpɔ nu si mawɔ mi.’”  Eya ta Israel-viwo ɖe woƒe atsyɔ̃ɖonuwo ɖi tso ɣemaɣi le Horeb To la gbɔ.  Azɔ Mose yi ɖatu eƒe agbadɔ ɖe asaɖa la godo, le adzɔge tso asaɖa la gbɔ, eye wòyɔe be takpegbadɔ. Ne ame aɖe di be yeabia nu Yehowa la,+ edona yia takpegbadɔ si le asaɖaa godo la gbɔ.  Ne Mose yina agbadɔa me la, dukɔ blibo la katã tsona, eye wo dometɔ ɖe sia ɖe tɔna ɖe eƒe agbadɔ nu, eye wonɔa Mose yome kpɔm va se ɖe esime wòge ɖe agbadɔ la me.  Ne Mose nya ge ɖe agbadɔa me teti ko la, alilikpo dodo+ la ɖiɖina va nɔa agbadɔ la nu, eye Mawu ƒoa nu kple Mose.+ 10  Ne dukɔ la kpɔ alilikpo dodo la ɖiɖi va tɔ ɖe agbadɔa nu la, dukɔ blibo la katã tsona hedea ta agu, ame sia ame le eƒe agbadɔ nu. 11  Yehowa ƒoa nu kple Mose ŋkume kple ŋkume,+ abe ale si ko ame ƒoa nu kple ehavi ene. Ne etrɔ yina asaɖaa me la, eƒe subɔvi Yosua,+ Nun vi, si nye eƒe kpeɖeŋutɔ+ la, ya medzona le agbadɔ la me o. 12  Eye Mose gblɔ na Yehowa be: “Ègblɔ nam be, ‘Kplɔ dukɔ sia miayi,’ gake mèna menya ame si nèɖe kpe ɖe ŋunye la o. Ègblɔ hã be, ‘Menya wò kple wò ŋkɔ,* eye meve nuwò hã.’ 13  Meɖe kuku, ne ève nunye la, ekema na manya wò mɔwo,+ ale be manya wò, ne nàyi edzi ave nunye. Eye ɖo ŋui be wò amewoe dukɔ sia nye.”+ 14  Eya ta egblɔ be: “Nye ŋutɔ mayi kpli wò,+ eye mana gbɔdzɔe wò.”+ 15  Mose ɖo eŋu be: “Ne wò ŋutɔ màyi kpli mí o la, ekema mègana míaho le afi sia o. 16  Ne mèyi kpli mí o ɖe,+ aleke woawɔ anya be ève nunye, eye be ève nye kple wò dukɔ la nu? Ðe menye esiae ana nye kple wò dukɔ la míato vovo tso dukɔ bubu ɖe sia ɖe si le anyigba dzi la gbɔ oa?”+ 17  Yehowa gagblɔ na Mose be: “Mawɔ nya sia si gblɔm nèle la hã dzi, elabena meve nuwò, eye menya wò kple wò ŋkɔ.” 18  Eye Mose gblɔ be: “Meɖe kuku, na makpɔ wò ŋutikɔkɔe.” 19  Gake egblɔ be: “Mana nàkpɔ nye nyuiwɔwɔ katã teƒe, eye maɖe gbeƒã nye ŋkɔ Yehowa le ŋgɔwò;+ mave ame si nu medi be mave la nu, eye makpɔ nublanui na ame si medi be makpɔ nublanui na la.”+ 20  Eye wògblɔ kpee be: “Màte ŋu akpɔ nye ŋkume o, elabena ame aɖeke mate ŋu akpɔm aganɔ agbe o.” 21  Yehowa gagblɔ be: “Kpɔ ɖa, teƒe aɖe le gbɔnye afii; va tɔ ɖe agakpe la dzi. 22  Ne nye ŋutikɔkɔe tso eme va yina la, maɣla wò ɖe agado la me, eye matsɔ nye asi atsyɔ dziwò va se ɖe esime metso eme va yi. 23  Emegbe maɖe nye asi ɖa, eye àkpɔ yonyeme. Ke nye ŋkume ya, màte ŋu akpɔe o.”+

Etenuŋɔŋlɔ

Egɔmeɖeɖe tẽe, “kɔlialiatɔwo.”
Alo, “Metia wò.”