Dzo kpo yi emenuwo dzi

Dzo kpo yi emenu bubu dzi

Dzo kpo yi emenuawo dzi

Yehowa Ɖasefowo

Eʋegbe

Internet Dzi Biblia | ŊƆŊLƆ KƆKƆEAWO—XEXE YEYE GƆMEƉEƉE

2 Kronika 33:1-25

EMENYAWO ƑE TOTOƉEME

  • Yuda-fia Manase (1-9)

  • Manase trɔ tso eƒe mɔ vɔ̃wo dzi (10-17)

  • Manase ku (18-20)

  • Yuda-fia Amon (21-25)

33  Manase+ xɔ ƒe wuieve esime wòzu fia, eye wòɖu fia ƒe blaatɔ̃ vɔ atɔ̃ le Yerusalem.+  Ewɔ nu si nye vɔ̃ le Yehowa ŋkume, edze dukɔ siwo Yehowa nya le Israel-viwo ŋgɔ la ƒe ŋunyɔnuwo yome.+  Egbugbɔ nuxeƒe siwo fofoa Hizkiya gbã la tu,+ eɖi vɔsamlekpuiwo na Baalwo, ewɔ Aserawo,* eye wòde ta agu na dziƒonuwo* katã hesubɔ wo.+  Eɖi vɔsamlekpuiwo ɖe Yehowa ƒe aƒe,+ si ŋu Yehowa gblɔ le be, “Nye ŋkɔ anɔ Yerusalem tegbee” la me.+  Eɖi vɔsamlekpuiwo na dziƒonuwo katã, le Yehowa ƒe aƒe la ƒe xɔxɔnu eveawo.+  Ena eya ŋutɔ viawo to dzo me+ le Hinom Vi Ƒe Bali la me;+ eye wòwɔ akunya+ heka afa, esa dzo, eye wòɖo ŋɔliyɔlawo kple nukalawo.+ Ewɔ nu vɔ̃ɖi geɖe le Yehowa ŋkume tsɔ do dziku nɛ.  Etsɔ legba si wòwɔ la da ɖe Mawu vavã ƒe aƒe la me,+ aƒe si ŋu Mawu gblɔ le na David kple via Salomo be: “Aƒe sia me kple Yerusalem, si metia le Israel-toawo katã dome, ye matsɔ nye ŋkɔ aɖo tegbee.+  Eye nyemagaɖe Israel ƒe afɔ ɖa le anyigba si metsɔ na wo tɔgbuiwo la dzi o, nenye be wolé Sewo, ɖoɖowo kple ʋɔnudrɔ̃ɖoɖo siwo katã mena wo to Mose dzi, me ɖe asi pɛpɛpɛ ko.”  Manase ble Yuda kple Yerusalem nɔlawo wowɔ nu vɔ̃ɖi wu dukɔ siwo Yehowa tsrɔ̃ ɖa gbidii le Israel-viwo ŋgɔ.+ 10  Eye Yehowa yi edzi nɔ nu ƒom na Manase kple eƒe dukɔ la, ke wometsɔ ɖeke le eme o.+ 11  Eya ta Yehowa na Asiria-fia ƒe aʋakplɔlawo va dze wo dzi, eye wode ga Manase hee do goe* eye wode akɔblikunyowu evee hekplɔe yi Babilon. 12  Esi wòɖo xaxa me la, eƒo koko na Yehowa eƒe Mawu la be wòave ye nu, eye wòbɔbɔ eɖokui ɖe anyi vevie le tɔgbuiawo ƒe Mawu la ŋkume. 13  Edo gbe ɖa nɛ, ale be wòse eƒe kukuɖeɖe kple koko si wòƒo be wòave ye nu la, eye wògakplɔe va Yerusalem hegbugbɔ fianyenye la nɛ.+ Eye Manase va nyae be Yehowae nye Mawu vavã la.+ 14  Le esia megbe la, eɖo gli egodotɔ ɖe David Ƒe Du+ la ŋu, le bali la me, tso Gihon+ ƒe ɣetoɖoƒe gome va se ɖe keke Tɔmelãgbo+ la nu ke, etso afi ma va to du la ŋu va do ɖe Ofel,+ eye gli la kɔ ŋutɔ. Azɔ hã, eɖo aʋakplɔlawo ɖe du sesẽwo katã me le Yuda. 15  Eɖe dutamawuawo kple legba la ɖa le Yehowa ƒe aƒe+ la me hekpe ɖe vɔsamlekpui siwo katã wòɖi ɖe Yehowa ƒe aƒe+ ƒe to la dzi kple Yerusalem la ŋuti, eye wòna wotsɔ wo ƒu gbe ɖe dua godo. 16  Azɔ hã, edzra Yehowa ƒe vɔsamlekpui la ɖo,+ eye wòde asi ŋutifafavɔwo+ kple akpedavɔwo+ sasa me le edzi, eye wògblɔ na Yuda be woasubɔ Yehowa, Israel ƒe Mawu la. 17  Ke hã, dukɔ la gasaa vɔ le nuxeƒewo kokoko; gake Yehowa woƒe Mawu lae wosanɛ na. 18  Manase ŋutinya susɔeawo kple gbe si wòdo ɖa na eƒe Mawu, kple ŋutegakpɔla siwo nɔ nu ƒom nɛ le Yehowa, Israel ƒe Mawu la ƒe ŋkɔ me la ƒe nyawo la, woŋlɔ wo ɖe Israel-fiawo ƒe ŋutinyagbalẽ me. 19  Eye eƒe gbedodoɖa+ kple ale si woɖo eƒe kukuɖeɖea ŋu nɛ, eƒe nu vɔ̃wo katã kple eƒe nuteƒemawɔmawɔ+ kple afi siwo wòtu nuxeƒewo ɖo hetsɔ Aserawo*+ kple legbawo ɖo, hafi va bɔbɔ eɖokui la, woŋlɔ wo ɖe eƒe ŋutegakpɔlawo ƒe ŋutinyawo me. 20  Eye wotsɔ Manase mlɔ tɔgbuiawo gbɔ, woɖii ɖe eƒe me; eye via Amon zu fia ɖe eteƒe.+ 21  Amon+ xɔ ƒe blaeve vɔ eve esime wòzu fia, eye wòɖu fia ƒe eve le Yerusalem.+ 22  Ewɔ nu si nye vɔ̃ le Yehowa ŋkume, abe ale si tututu fofoa Manase wɔ ene;+ eye Amon sa vɔ na legba siwo katã fofoa Manase wɔ,+ eye wòsubɔ wo. 23  Gake mebɔbɔ eɖokui le Yehowa ŋkume+ abe ale si fofoa Manase bɔbɔ eɖokui ene o;+ ke boŋ Amon dzi eƒe nu vɔ̃wo ɖe edzi. 24  Mlɔeba eŋumewo ɖo nugbe ɖe eŋu,+ eye wowui le eya ŋutɔ ƒe me. 25  Gake dukɔ la me tɔwo wu ame siwo katã ɖo nugbe ɖe Fia Amon+ ŋu, eye wotsɔ via Yosiya+ ɖo fiae ɖe eteƒe.

Etenuŋɔŋlɔ

Alo, “dziƒoʋakɔwo.”
Agate ŋu afia, “tso agato me.”