Dzo kpo yi emenuwo dzi

Dzo kpo yi emenu bubu dzi

Dzo kpo yi emenuawo dzi

Yehowa Ɖasefowo

Eʋegbe

Internet Dzi Biblia | ŊƆŊLƆ KƆKƆEAWO—XEXE YEYE GƆMEƉEƉE

1 Timoteo 5:1-25

EMENYAWO ƑE TOTOƉEME

  • Ale si woawɔ nu ɖe ame tsitsiwo kple ɖeviwo ŋu (1, 2)

  • Kpekpeɖeŋunana ahosiwo (3-16)

    • Ame ŋutɔ ƒe aƒemetɔwo dzi kpɔkpɔ (8)

  • Mibu hamemetsitsi siwo wɔa woƒe dzikpɔkpɔdɔa nyuie la (17-25)

    • ‘No wain vi aɖe le wò dɔgbo ta’ (23)

5  Mègahe nya ɖe ame tsitsi ŋu o.+ Ke boŋ xlɔ̃ nui abe fofo ene, ɖekakpuiwo abe nɔviŋutsuwo ene,  nyɔnu tsitsiwo abe dadawo ene, ɖetugbuiwo abe nɔvinyɔnuwo ene le dzadzɛnyenye blibo me.  Bu ahosi siwo nye ahosi ŋutɔŋutɔwo* la ŋu.+  Ke ne viwo alo mamayɔviwo le ahosi aɖe si la, na ame siawo nasrɔ̃ ale si woawɔ nu si dzea Mawu ŋu le woawo ŋutɔwo ƒe aƒe me gbã,+ eye woaɖo eteƒe na wo dzilawo, wo tɔgbuiwo kple wo mamawo ale si dze,+ elabena esia sɔ le Mawu ŋkume.+  Ke nyɔnu si nye ahosi ŋutɔŋutɔ, eye naneke mele esi o la, tsɔa eƒe mɔkpɔkpɔ ɖoa Mawu dzi,+ eye wònɔa kokoƒoƒowo kple gbedodoɖawo dzi zã kple keli.+  Ke ahosi si tsɔa eɖokui dea asi na ŋutilã ƒe dzodzro la, togbɔ be ele agbe hã enye ame kuku.  Eya ta yi edzi nànɔ mɔfiame siawo nam, ale be woanye mokakamanɔŋutɔwo.  Le nyateƒe me la, ne ame aɖe mekpɔa eya ŋutɔ tɔwo ƒe nu hiahiãwo gbɔ o, vevietɔ eya ŋutɔ ƒe aƒemetɔwo ƒe nu hiahiãwo gbɔ o la, egbe xɔse la, eye wòvɔ̃ɖi wu dzimaxɔsetɔ.+  Ahosi si woatia la naxɔ tso ƒe blaade heyi, ame si nye ŋutsu ɖeka srɔ̃, 10  ame si ŋu woɖi ɖase le le eƒe dɔwɔwɔ nyuiwo ta,+ ne ehe viawo nyuie,+ ne ewɔa amedzro,+ ne eklɔa afɔ na ame kɔkɔewo,+ ne ena kpekpeɖeŋu ame siwo ɖo xaxa me,+ ne ekpɔa gome le dɔ nyui sia dɔ nyui wɔwɔ me. 11  Ke mègatia ahosi siwo metsi o, elabena ne woƒe gbɔdɔdɔ ƒe dzodzrowo va zu mɔxeɖenu na woƒe subɔsubɔdɔ wɔwɔ na Kristo la, wodina be yewoaɖe srɔ̃. 12  Woava drɔ̃ ʋɔnu wo le esi wogbe nu le woƒe xɔse gbãtɔ gbɔ* ta. 13  Eye wogbea dɔwɔwɔ hã, nɔa tsatsam tso aƒe me yi aƒe me; ɛ̃, menye ɖeko wogbea dɔwɔwɔ o, ke wonɔa ame ŋu nya hã gblɔm, eye wonɔa nu dem amewo ƒe nyawo me+ henɔa nya siwo mele be woagblɔ o la gblɔm. 14  Eya ta medi be ahosi siwo metsi o la naɖe srɔ̃,+ adzi vi,+ akpɔ aƒe dzi, ale be woagana mɔ tsitretsiɖeŋula la wòakpɔ nya vlo aɖeke agblɔ tso mía ŋu o. 15  Le nyateƒe me la, wo dometɔ aɖewo trɔ dze Satana yome hã xoxo. 16  Ne nyɔnu xɔsetɔ aɖe ƒe ƒometɔ aɖe nye ahosi la, nena kpekpeɖeŋui, ne wòaganye agba na hame la o. Ekema hamea ate ŋu akpe ɖe ame siwo nye ahosi ŋutɔŋutɔwo* ŋu.+ 17  Hamemetsitsi siwo wɔa woƒe dzikpɔkpɔdɔa nyuie la+ dze na bubu teƒe eve,+ vevietɔ wo dometɔ siwo doa vevie nu le nuƒoƒo kple nufiafia me.+ 18  Elabena ŋɔŋlɔ la gblɔ be, “Mègabla nu na nyitsu ne ele nuku tugum o,”+ eye be, “Dɔwɔla dze na eƒe fetu.”+ 19  Ne wotso ame tsitsi* aɖe nu la, mègaxɔe o, negbe le ɖaseɖila eve alo etɔ̃ ƒe nya nu ko.+ 20  Ka mo+ na ame siwo tsɔ nu vɔ̃ wɔwɔ ɖo dɔe+ la le amewo katã ŋkume, ne ame mamlɛawo nakpɔe ne woavɔ̃. 21  Mele eɖom dziwò le Mawu kple Kristo Yesu kpakple mawudɔla tiatiawo ŋkume be, nàlé mɔfiame siawo me ɖe asi nazãbubu kple ameŋkumekpɔkpɔ aɖeke manɔmee.+ 22  Mègatsɔ dzitsitsi ada asi ɖe ame aɖeke dzi gbeɖe o;+ eye mègakpɔ gome le ame bubuwo ƒe nu vɔ̃wo me o; lé ɖokuiwò dzadzɛ. 23  Mèganɔ tsi ɖeɖe ko nom o,* ke boŋ no wain vi aɖe le wò dɔgbo kple wò lãmegbegblẽ enuenu la ta. 24  Ame aɖewo ƒe nu vɔ̃wo dzena gaglã, si nana wodrɔ̃a ʋɔnu wo enumake, ke ame aɖewo hã tɔ va dzena emegbe.+ 25  Nenema kee dɔwɔwɔ nyuiwo hã dzena gaglã,+ ke esiwo medze o la, mate ŋu anɔ ɣaɣla ɖaa o.+

Etenuŋɔŋlɔ

Alo, “ahosi siwo ɖo hiã me evɔ ame aɖeke meli akpɔ wo dzi o.”
Alo, “woda woƒe ŋugbedodo gbãtɔ dzi.”
Alo, “ahosi siwo ɖo hiã me evɔ ame aɖeke meli akpɔ wo dzi o.”
Alo, “hamemetsitsi.”
Alo, “Mèganɔ tsi nom azɔ o.”