Dzo kpo yi emenuwo dzi

Dzo kpo yi emenuawo dzi

1 Tesalonikatɔwo 5:1-28

EMENYAWO ƑE TOTOƉEME

  • Yehowa ƒe ŋkeke la ƒe vava (1-5)

    • “Ŋutifafa kple dedienɔnɔ!” (3)

  • Minɔ ŋudzɔ, minɔ mo xexi (6-11)

  • Nuxlɔ̃amewo (12-24)

  • Gbedoname mamlɛawo (25-28)

5  Ke le ɣeyiɣiwo kple azãgbewo ŋu la, nɔviwo, mehiã be míaŋlɔ naneke na mi tso wo ŋu o.  Elabena miawo ŋutɔwo mienyae nyuie be, Yehowa* ƒe ŋkeke la+ gbɔna abe ale si tututu fiafitɔ vana le zã me ene.+  Ne wole gbɔgblɔm be, “Ŋutifafa kple dedienɔnɔ!” la, ekema tsɔtsrɔ̃ kpata ava wo dzi kpoyi,+ abe ale si fuɖuame va lilia funɔ ene, eye womate ŋu asi le enu le mɔ aɖeke nu o.  Ke miawo la, nɔviwo, miele viviti me o, ale be ŋkeke la nagaɖi ɖe mi abe ale si ŋkeke ɖina ɖe fiafitɔwo ene o,  elabena mi katã mienye kekeli viwo kple ŋkeke viwo.+ Míenye zã alo viviti tɔ o.+  Eya ta migana míanɔ alɔ̃ dɔm abe ame susɔeawo ke ene o,+ ke boŋ mina míanɔ ŋudzɔ,+ eye míanɔ mo xexi.+  Elabena ame siwo dɔa alɔ̃ la, zã me koŋ ye wodɔa alɔ̃, eye ame siwo mua aha la, zã mee womua aha.+  Ke mí ame siwo nye ŋkeke viwo la, mina míanɔ mo xexi, eye míado xɔse kple lɔlɔ̃ ƒe akɔtakpoxɔnu la, eye míaɖɔ xɔxɔ ƒe mɔkpɔkpɔ la abe gakuku ene;+  elabena Mawu metia mí na dziku o, ke na ɖeɖekpɔkpɔ boŋ+ to mía Aƒetɔ Yesu Kristo dzi. 10  Eku ɖe mía ta,+ ale be míeɖale ŋu loo alo le alɔ̃ dɔm o,* míanɔ agbe kpakplii.+ 11  Eya ta miyi edzi mianɔ dzi dem ƒo* na mia nɔewo, eye mianɔ mia nɔewo tum ɖo,+ abe ale si ko miele ewɔm vavã hã ene. 12  Nɔviwo, míele kuku ɖem na mi be miade bubu ame siwo le dɔ wɔm vevie le mia dome, eye wole mia dzi kpɔm le Aƒetɔ la me hele nu xlɔ̃m mi la ŋu; 13  eye be miade bubu geɖe ŋutɔ wo ŋu le lɔlɔ̃ me, le woƒe dɔwɔwɔ ta.+ Minɔ anyi kple mia nɔewo le ŋutifafa me.+ 14  Gawu la, nɔviwo, míele nu xlɔ̃m mi be, migbe nya na ame siwo le zɔzɔm sakasaka+ la vevie, mifa akɔ na ame siwo lé blanui,* mikpe ɖe gbɔdzɔgbɔdzɔtɔwo ŋu, migbɔ dzi ɖi na amewo katã.+ 15  Midze agbagba be miagaɖo vɔ̃ vɔ̃ teƒe na ame aɖeke o,+ ke boŋ midi nyui na mia nɔewo kple amewo katã ɣesiaɣi.+ 16  Dzi nadzɔ mi ɖaa.+ 17  Minɔ gbedodoɖa dzi ɣeawokatãɣi.+ 18  Mida akpe ɖe nu sia nu ta.+ Esiae nye Mawu ƒe lɔlɔ̃nu na mi le Kristo Yesu me. 19  Migatsi gbɔgbɔ la ƒe dzo la o.+ 20  Migado vlo nyagblɔɖiwo o.+ 21  Mido nuwo katã kpɔ;+ milé ɖe nu si nyo la ŋu. 22  Mitsri nu vɔ̃ɖi ɖe sia ɖe ƒomevi.+ 23  Ŋutifafa Mawu la ŋutɔ nakɔ mia ŋu keŋkeŋ. Eye nɔviwo, neva eme be woakpɔ miaƒe gbɔgbɔ kple luʋɔ* kpakple ŋutilã, si le blibo le go sia go me la ta dedie mokaka manɔŋui le mía Aƒetɔ Yesu Kristo ƒe anyinɔɣi la.+ 24  Nuteƒewɔlae ame si le mia yɔm la nye, eye awɔe hã. 25  Nɔviwo, miyi edzi mianɔ gbe dom ɖa ɖe mía ta.+ 26  Mitsɔ nugbugbɔ kɔkɔe do gbe na nɔviawo katã. 27  Mele nu xlɔ̃m mi vevie le Aƒetɔ la me be, miaxlẽ agbalẽ sia na nɔviawo katã.+ 28  Mía Aƒetɔ Yesu Kristo ƒe amenuveve nanɔ kpli mi.

Etenuŋɔŋlɔ

Alo, “dɔ alɔ̃ le ku me o.”
Alo, “mianɔ akɔ fam.”
Alo, “ame siwo ƒo dzi ɖe le.” Egɔmeɖeɖe tẽe, “luʋɔ ʋɛtɔwo.”