Dzo kpo yi emenuwo dzi

Dzo kpo yi emenuawo dzi

1 Korintotɔwo 2:1-16

EMENYAWO ƑE TOTOƉEME

  • Paulo ƒe gbeƒãɖeɖe le Korinto (1-5)

  • Mawu ƒe nunya ƒo ɖe sia ɖe ta (6-10)

  • Gbɔgbɔmeme kple ŋutilãmeme (11-16)

2  Eya ta nɔviwo, esi meva mia gbɔ la, nyemetsɔ nya gã nya gãwo gbɔgblɔ+ alo nunya gã va le Mawu ƒe nya ɣaɣla kɔkɔe+ la gblɔm na mi o.  Elabena esi mele mia dome la, nyemebu ɖokuinye be menya nu bubu aɖeke o, negbe Yesu Kristo ko, eye be wohee ɖe ati ŋu.+  Eye meva mia gbɔ le gbɔdzɔgbɔdzɔ kple vɔvɔ̃ kpakple dzodzo nyanyanya geɖe me;  eye menye agbalẽnyalagãwo ƒe nya siwo wotsɔ ƒoa nya ɖe ame nu lae metsɔ ƒo nu alo tsɔ ɖe gbeƒãe o, ke boŋ gbɔgbɔ kple ŋusẽ ɖeɖe fiae wònye,+  ale be miaƒe xɔse la naganɔ te ɖe amewo ƒe nunya dzi o, ke boŋ ɖe Mawu ƒe ŋusẽ dzi.  Ke míeƒoa nu tso nunya ŋu le ame siwo tsi la dome,+ gake menye nuɖoanyi* sia ƒe nunya alo nuɖoanyi sia me dziɖula siwo nu ava yi la tɔ o.+  Ke boŋ Mawu ƒe nunya si woɖe fia le nya ɣaɣla kɔkɔe+ me, si nye nunya si le ɣaɣla, si Mawu ɖo ɖi do ŋgɔ hena míaƒe ŋutikɔkɔe hafi nuɖoanyiawo dze egɔme la, ŋue míele nu ƒom tsoe.  Nunya siae nuɖoanyi* sia me dziɖulawo dometɔ aɖeke menya o,+ elabena ne ɖe wonyae la, anye ne womehe ŋutikɔkɔe ƒe Aƒetɔ la ɖe ati ŋu o.  Ke abe ale si ko woŋlɔe ɖi ene la: “Nu siwo Mawu dzra ɖo ɖi na ame siwo lɔ̃nɛ la, ŋku mekpɔ wo kpɔ o, eye to mese wo kpɔ o, eye womeva ame ƒe dzi me hã kpɔ o.”+ 10  Elabena míawoe Mawu ɖee fia+ to eƒe gbɔgbɔ la dzi,+ elabena gbɔgbɔ la dzroa nuwo katã me kpɔ, edzroa keke Mawu ƒe nu goglowo ke hã me.+ 11  Amegbetɔ kae nya nu siwo le ame me, ne menye ame ƒe gbɔgbɔ si le eme la koe oa? Nenema kee ame aɖeke menya Mawu ƒe nuwo o, negbe Mawu ƒe gbɔgbɔ la koe. 12  Ke menye xexea ƒe gbɔgbɔe míexɔ o, ke boŋ gbɔgbɔ si tso Mawu gbɔ lae míexɔ,+ ne míanya nu siwo Mawu na mí dɔmenyotɔe la. 13  Nu siawoe míegblɔna hã, menye kple nunya si míesrɔ̃ tso amegbetɔwo gbɔ o,+ ke esi gbɔgbɔ la fia mí boŋ,+ esi míetsɔa gbɔgbɔmenyawo ɖea gbɔgbɔmenuwo me. 14  Ke ŋutilãmeme mexɔa Mawu ƒe gbɔgbɔ la ƒe nuwo o, elabena wonye bometsitsi le egbɔ; eye mate ŋu anya wo o, elabena gbɔgbɔ wotsɔna dzroa eme. 15  Ke gbɔgbɔmeme ya dzroa nuwo katã me kpɔ,+ ke ame aɖeke medzroa eya ŋutɔ me kpɔna o. 16  Elabena “ame kae va nya Yehowa* ƒe tamesusu ne wòafia nui?”+ Ke Kristo ƒe tamesusu ya le mía si.+