Dzo kpo yi emenuwo dzi

Dzo kpo yi emenu bubu dzi

Dzo kpo yi emenuawo dzi

Yehowa Ɖasefowo

Eʋegbe

Internet Dzi Biblia | ŊƆŊLƆ KƆKƆEAWO—XEXE YEYE GƆMEƉEƉE (ƑE 1984 TƆ) Kpɔ esi me wogbugbɔ to le ƒe 2013 me

Mateo 3:1-17

3  Le ŋkeke mawo me la, Yohanes Amenyrɔɖetsimela va nɔ gbeƒã ɖem le Yudea gbedadaƒo,  nɔ gbɔgblɔm be: “Mitrɔ dzi me, elabena dziƒofiaɖuƒe la gogo.”  Le nyateƒe me la, ame sia ŋu nyae wogblɔ ɖi to Yesaya nyagblɔɖila la dzi be: “Se ɖa! Ame aɖe le ɣli dom le gbedadaƒo be, ‘Midzra Yehowa ƒe mɔ dzi ɖo! Mina eƒe mɔwo nadzɔ.’”  Ke Yohanes sia do kposɔfuwu, eye lãgbalẽlidziblanu le eƒe ali; eƒe nuɖuɖu hãe nye ʋetsuviwo kple gbemenyitsi.  Tete Yerusalem kple Yudea blibo la katã kpakple Yordan nuto blibo la me tɔwo katã va egbɔ,  eye wònyrɔ wo ɖe Yordan Tɔsisia me, eye wonɔ woƒe nu vɔ̃wo me ʋum.  Esi eƒe ŋku kli Farisitɔwo kple Zadukitɔwo dometɔ geɖewo wogbɔna nyɔnyrɔxɔxɔa gbɔ la, egblɔ na wo be: “Mi dzakpatawo ƒe dzidzimeviwo, ame kae ɖo aɖaŋu na mi be miasi le dziku si gbɔna la nu?  Ekema mitse ku si aɖee afia be mietrɔ dzi me;  Eye migasusu le mia ɖokui me be, ‘Abraham ye nye mía fofo’ o. Elabena mele egblɔm na mi be, Mawu ate ŋu ana viwo nado tso kpe siawo me na Abraham. 10  Wotsɔ fía la ɖo atiawo ƒe ke dzi xoxo; eya ta ati sia ati si metsea ku nyui o la, woalãe, eye woatsɔe aƒu gbe ɖe dzo me. 11  Nye la, metsɔ tsi le mia nyrɔm le miaƒe dzimetɔtrɔ ta; gake ame si le megbenye gbɔna la tri akɔ wum, ame si ƒe afɔkpawo nyemedze aɖe o. Ame ma atsɔ gbɔgbɔ kɔkɔe kple dzo anyrɔ mi. 12  Elé eƒe lugbɔnu ɖe asi, eye akplɔ eƒe lugbɔƒe keŋkeŋ, eye wòaƒo eƒe lu la nu ƒu ɖe nudzraɖoƒe, ke tsroa ya la, atɔ dzoe, eye womate ŋu atsii o.” 13  Azɔ Yesu tso Galilea va Yohanes gbɔ le Yordan nu, bene wòanyrɔ ye. 14  Gake Yohanes dze agbagba be yeaxe mɔ nɛ, gblɔ be: “Nyee wòhiã be nànyrɔ, eye wò boŋ nègbɔna gbɔnyea?” 15  Ke Yesu ɖo eŋu nɛ be: “Lɔ̃ ɖe edzi nam fifia, elabena mɔ ma dzie míato awɔ nu siwo katã le dzɔdzɔe.” Azɔ edzudzɔ mɔxexe nɛ. 16  Ke esi wonyrɔ Yesu vɔ la, efɔ tso tsia te enumake, eye kpɔ ɖa! Dziƒowo nu ʋu, eye wòkpɔ Mawu ƒe gbɔgbɔ la wònɔ ɖiɖim ɖe edzi abe ahɔnɛ ene. 17  Kpɔ ɖa! Gbe aɖe hã ɖi tso dziƒowo gblɔ be: “Ame siae nye Vinye, si gbɔ nyemelɔ̃a nu le o, si ŋu mekpɔ ŋudzedze ɖo.”

Etenuŋɔŋlɔ