Dzo kpo yi emenuwo dzi

Dzo kpo yi emenu bubu dzi

Dzo kpo yi emenuawo dzi

Yehowa Ɖasefowo

Eʋegbe

Internet Dzi Biblia | ŊƆŊLƆ KƆKƆEAWO—XEXE YEYE GƆMEƉEƉE (ƑE 1984 TƆ) Kpɔ esi me wogbugbɔ to le ƒe 2013 me

Hebritɔwo 1:1-14

1  Mawu, ame si ƒo nu zi geɖe na mía tɔgbuiwo le blema to nyagblɔɖilawo dzi le mɔ vovovowo nu la,  ƒo nu na mí le ŋkeke siawo ƒe nuwuwu to Vi aɖe, si wòɖo nuwo katã ƒe domenyila, eye wòto eyama dzi wɔ nuɖoanyiawo, la dzi.  Eyae nye eƒe ŋutikɔkɔe ƒe ɖeɖe fia kple eƒe amenyenye ƒe nɔnɔme ŋutɔŋutɔ, eye wòléa nuwo katã ɖe te to eƒe nya ƒe ŋusẽ dzi; eye esi wòkɔ mía ŋu tso míaƒe nu vɔ̃wo me vɔ la, ebɔbɔ nɔ anyi ɖe Bubutɔ Gã la ƒe nuɖusi me le nɔƒe kɔkɔwo.  Ale wòva zu gã wu mawudɔlawo, elabena enyi ŋkɔ si nyo wu wo tɔ sãsãsã la dome.  Le kpɔɖeŋu me, mawudɔlawo dometɔ kae wògblɔ na kpɔ be: “Vinyee nènye; egbe la, nye la mezu fofowò”? Eye be: “Nye ŋutɔ mazu fofoa, eye eya hã azu vinye”?  Gake egblɔ le ɣeyiɣi si me wòagakplɔ eƒe Ŋgɔgbevi la ava anyigba dzi ŋu be: “Mawu ƒe dɔlawo katã nabɔbɔ nɛ.”  Egblɔ le mawudɔlawo hã ŋu be: “Eye wòwɔ eƒe dɔlawo gbɔgbɔwo kple eƒe dutoƒo subɔlawo dzo ƒe aɖe.”  Gake egblɔ le Via ya ŋu be: “Mawue nye wò fiazikpui tso mavɔ me yi mavɔ me, eye wò fiaɖuƒe ƒe fiatikplɔ nye nu dzɔdzɔe wɔwɔ ƒe fiatikplɔ.  Èlɔ̃ dzɔdzɔenyenye, eye nèlé fu sedzimawɔmawɔ. Esia tae Mawu, wò Mawu, si dzidzɔmi na wò wu hatiwòwo.” 10  Eye wògagblɔ be: “Oo, Aƒetɔ, wòe ɖo anyigba gɔme anyi le gɔmedzedzea me, eye dziƒowo nye wò asinudɔwɔwɔwo. 11  Wo nu ayi, gake wò ya ayi edzi anɔ anyi ɖaa; eye wo katã woatsi ado xoxo abe awudziwui ene, 12  eye àŋlɔ wo abe awu ene, abe awudziwui ene; eye woaɖɔ li wo, gake wò ya nenema ko nèle, eye wò ƒewo mavɔ gbeɖe o.” 13  Gake mawudɔlawo dometɔ ka ŋue wògblɔ le kpɔ be: “Bɔbɔ nɔ anyi ɖe nye nuɖusi me, va se ɖe esime matsɔ wò futɔwo awɔ wò afɔɖodzinu”? 14  Alo menye gbɔgbɔwoe wo katã wonye hena dutoƒo subɔsubɔdɔ wɔwɔ, eye wodɔa wo ɖa be woawɔ subɔsubɔdɔ na ame siwo anyi ɖeɖekpɔkpɔ dome oa?

Etenuŋɔŋlɔ