Dzo kpo yi emenuwo dzi

Dzo kpo yi emenu bubu dzi

Dzo kpo yi emenuawo dzi

Yehowa Ɖasefowo

Eʋegbe

Internet Dzi Biblia | ŊƆŊLƆ KƆKƆEAWO—XEXE YEYE GƆMEƉEƉE (ƑE 1984 TƆ) Kpɔ esi me wogbugbɔ to le ƒe 2013 me

Galatiatɔwo 6:1-18

6  Nɔviwo, ne ame aɖe ɖe afɔ baɖa aɖe hafi va nya kura gɔ̃ hã la, mi ame siwo dze le gbɔgbɔ me la, midze agbagba miaɖɔ nenem me ma ɖo le tufafa ƒe gbɔgbɔ me, eye nɔ ŋku lém ɖe ɖokuiwò ŋu, bene woagate wò ŋutɔ hã kpɔ o.  Miyi edzi miatsɔ mia nɔewo ƒe agbawo, ale miawɔ Kristo la ƒe se la dzi bliboe.  Elabena ne ame aɖe susuna be yenye nane, evɔ menye naneke o la, eɖokui blem wòle.  Ke boŋ ame sia ame nado nu si ye ŋutɔ ƒe dɔwɔwɔ nye la kpɔ, ekema akpɔ susu si ta wòatso aseye le eya ŋutɔ ɖokui ɖeɖe ŋu, ke menye le eɖokui tsɔtsɔ asɔ kple ame bubu me o.  Elabena ame sia ame atsɔ ye ŋutɔ ƒe agbanɔamedzi.  Gawu la, ame sia ame si wofia nya lae la, nana ame si fiae la nakpɔ gome kplii le nu nyuiwo katã me.  Migana woakplɔ mi atrae o: Mawu menye ame si ŋu woaɖu fewu le o. Elabena nu sia nu si ƒãm ame le la, nu sia kee wòaŋe;  elabena ame si le nu ƒãm hena eƒe ŋutilã la, aŋe gbegblẽ tso eƒe ŋutilã me, gake ame si le nu ƒãm hena gbɔgbɔa la, aŋe agbe mavɔ tso gbɔgbɔ la me.  Eya ta migana míadzudzɔ nu si nyo la wɔwɔ o, elabena ne ɖeɖi mete mía ŋu o la, míaŋe nu le ɣeyiɣi ɖoɖi la dzi. 10  Eya ta zi ale si ɣeyiɣi si sɔ na esia wɔwɔ li la, mina míawɔ nyui na amewo katã, gake vevietɔ la, míawɔe na ame siwo do ƒome kpli mí le xɔse la me. 11  Kpɔ ɖa, metsɔ nye ŋutɔ nye asi ŋlɔ nu ɖo ɖe mi kple ŋɔŋlɔdzesi gãgã siawo. 12  Ame siwo katã dina be yewoadze amewo ŋu le ŋutilã me la, woawoe nye ame siwo le agbagba dzem be yewoazi mia dzi miatso aʋa, bene woagati wo yome le Kristo la, si nye Yesu, ƒe fuwɔameti la ta o. 13  Elabena ame siwo wole aʋa tsom na la ŋutɔ gɔ̃ hã mele Se la dzi wɔm o, gake wodi be miatso aʋa, bene mɔnukpɔkpɔ nasu wo si woaƒo adegbe le miaƒe ŋutilã me. 14  Negadzɔ gbeɖe be maƒo adegbe o, negbe le mía Aƒetɔ Yesu Kristo ƒe fuwɔameti la ŋuti ko, ame si dzi woto he xexea ɖe ati ŋu nam, eye wohe nye hã ɖe ati ŋu na xexea. 15  Elabena aʋatsotso menye naneke o, eye aʋamatsomatso hã menye naneke o, ke boŋ nuwɔwɔ yeye lae nye nua. 16  Eye ame siwo katã azɔ le agbenɔnɔ ƒe ɖoɖo sia nu la, ŋutifafa kple nublanuikpɔkpɔ nanɔ wo dzi, ɛ̃, nanɔ Mawu ƒe Israel la dzi. 17  Tso fifia dzi la, ame aɖeke negaɖe fu nam azɔ o, elabena Yesu ƒe kluvi si menye la ƒe dzesidewo le nye ŋutilã ŋu. 18  Mía Aƒetɔ Yesu Kristo ƒe amenuveve nanɔ anyi kple gbɔgbɔ si mieɖena fiana la, nɔviwo. Amen.

Etenuŋɔŋlɔ