Dzo kpo yi emenuwo dzi

Dzo kpo yi emenu bubu dzi

Dzo kpo yi emenuawo dzi

Yehowa Ɖasefowo

Eʋegbe

Internet Dzi Biblia | ŊƆŊLƆ KƆKƆEAWO—XEXE YEYE GƆMEƉEƉE (ƑE 1984 TƆ) Kpɔ esi me wogbugbɔ to le ƒe 2013 me

Efesotɔwo 3:1-21

3  Le esia ta nye Paulo, si nye Kristo Yesu ƒe gamenɔla le mi ame siwo nye dukɔwo me tɔwo ta . . .  ne vavãe miese Mawu ƒe amenuveve ƒe aƒedzikpɔkpɔdɔ si wotsɔ de asi nam le mia ta ŋu nya la,  be wona menya nya ɣaɣla kɔkɔe la to nyaɖeɖefia aɖe dzi, abe ale si meŋlɔ nu tso eŋu kpuie do ŋgɔ ene.  Le esia ta ne miexlẽ nu sia la, miate ŋu anya ale si mese Kristo la ƒe nya ɣaɣla kɔkɔe la gɔme.  Womena amegbetɔviwo nya nya ɣaɣla sia le dzidzime bubuwo me, abe ale si woto gbɔgbɔ la dzi ɖee fia eƒe apostolo kɔkɔeawo kple nyagblɔɖilawo fifia, ene o,  si nye be, dukɔwo me tɔwo nazu hati domenyilawo kple ŋutilã ɖeka ƒe ŋutinuwo, eye woakpɔ gome kpli mí le ŋugbedodo la me le ƒomedodo me kple Kristo Yesu to nya nyui la dzi.  Mezu esia ŋuti subɔla le Mawu ƒe amenuveve ƒe nunana faa, si wonam le eƒe ŋusẽ ƒe dɔwɔwɔ nu la nu.  Nye, ame si le sue wu ame kɔkɔewo katã ƒe suetɔ, ye wona amenuveve sia, be magblɔ Kristo la ƒe kesinɔnu gbogbo manyaxlẽawo ŋuti nya nyui la na dukɔwo,  eye be mana amewo nakpɔ ale si wole nya ɣaɣla kɔkɔe la ŋuti dɔ wɔm, esi woɣla ɖe Mawu, ame si wɔ nuwo katã la, me tso keke blemablema ke. 10  Wowɔ esia, bene woana dziɖuɖu kple ŋusẽtɔ siwo le dziƒonutowo me la nanya Mawu ƒe nunya, si dze le mɔ vovovoawo nu la, to hame la dzi, 11  le tameɖoɖo mavɔ, si wòɖo to Kristo la, si nye Yesu mía Aƒetɔ, dzi la nu, 12  ame si dzi míetona ƒoa nu dzinɔameƒotɔe alea, eye míekpɔa mɔnu kakaɖedzitɔe to míaƒe edzixɔxɔse me. 13  Esia tae mele biabiam tso mia si be, miagana ta le xaxa siawo, siwo me tom mele le mia ta la me o, elabena nu siawo nye bubu na mi. 14  Le esia ta medzea klo na Fofo la, 15  ame si gbɔ wòtso be ŋkɔ le ƒome sia ƒome, si le dziƒo kple anyigba dzi la si, 16  bene wòato ŋusẽ me ana miasẽ ŋu le ame si mienye le ememe la gome, le eƒe ŋutikɔkɔe ƒe agbɔsɔsɔ la nu, to eƒe gbɔgbɔ la dzi, 17  bene to miaƒe xɔse dzi la, miana Kristo la nanɔ anyi le miaƒe dziwo me le lɔlɔ̃ me; bene miali ke, eye woaɖo mi anyi sesĩe ɖe gɔmeɖoanyi la dzi, 18  bene mianya ale si miawɔ ase nyateƒe la ƒe kekeme kple didime kple kɔkɔme kple goglome gɔme tsitotsito le susu me kpe ɖe ame kɔkɔeawo katã ŋu, 19  eye be mianya Kristo la ƒe lɔlɔ̃, si de ŋgɔ wu sidzedze, bene blibonyenye si Mawu nana la, katã nayɔ mi fũu. 20  Ke ame si ate ŋu awɔ nu siwo míebiana alo nu siwo vaa susu me na mí la dzi wòaƒo wo ta sãsãsã le eƒe ŋusẽ, si le dɔ wɔm le mía me nu la, 21  eya tɔ nanye ŋutikɔkɔe to hame la kple Kristo Yesu dzi na dzidzimewo katã tso mavɔ me yi mavɔ me. Amen.

Etenuŋɔŋlɔ