Dzo kpo yi emenuwo dzi

Dzo kpo yi emenu bubu dzi

Dzo kpo yi emenuawo dzi

Yehowa Ɖasefowo

Eʋegbe

Internet Dzi Biblia | ŊƆŊLƆ KƆKƆEAWO—XEXE YEYE GƆMEƉEƉE (ƑE 1984 TƆ) Kpɔ esi me wogbugbɔ to le ƒe 2013 me

3 Yohanes 1:1-14

 Nye, hamemetsitsi la, le nya sia ŋlɔm na Gayo lɔlɔ̃tɔ, si melɔ̃ vevie.  Lɔlɔ̃tɔ, medoa gbe ɖa be le nu sia nu me la, eme nanyo na wò, eye nànɔ lãmesẽ me, abe ale si nu le edzi dzem na wò luʋɔ ene.  Elabena mekpɔ dzidzɔ ŋutɔ esi nɔviwo va heɖi ɖase tso nyateƒe si me nèlé ɖe asi ŋu, abe ale si nèyi edzi le zɔzɔm le nyateƒe la me ene.  Nu bubu aɖeke meli si ta mada akpe ɖo wu nu siawo o, be manɔ sesem be vinyewo yi edzi le zɔzɔm le nyateƒe la me.  Lɔlɔ̃tɔ, èle nu wɔm nyateƒetɔe le nu sia nu si nèwɔna na nɔviawo me, evɔ mènya ame siawo hafi o,  ame siwo ɖi ɖase le wò lɔlɔ̃ ŋu le hame la ŋkume. Meɖe kuku, do mɔ ame siawo le mɔ si dze Mawu ŋu la nu ne wole dzodzom.  Elabena eƒe ŋkɔ tae wodo yi ɖo, eye womexɔ naneke tso dukɔwo me tɔwo si o.  Eya ta agba le mía dzi be míaxɔ ame siawo tɔgbi nyuie, bene míazu hadɔwɔlawo le nyateƒe la me.  Meŋlɔ nya aɖe na hamea, gake Diotrefo, si dina be yeanɔ nɔƒe gbãtɔ le wo dome la, mexɔa naneke si tso mía gbɔ la bubutɔe o. 10  Esia tae ne meva la, mana woaɖo ŋku dɔ siwo wòyi edzi le wɔwɔm, si nye nya gbegblẽwo gbɔgblɔ tso mía ŋu, la dzi. Eye esi nu siawo mesu eme nɛ o ta la, eya ŋutɔ mexɔa nɔviawo bubutɔe o, eye ame siwo le didim be yewoaxɔ wo la, edzea agbagba be yeaxe mɔ na wo eye be yeanya wo ɖa le hamea me. 11  Lɔlɔ̃tɔ, mègakpɔ nu vɔ̃ɖi wɔwɔ nàsrɔ̃ o, ke nu nyui boŋ. Ame si wɔa nu nyui la, etso Mawu me. Ame si wɔa nu vɔ̃ɖi la, mekpɔ Mawu o. 12  Wo katã woɖi ɖase tso Demetrio ŋu, eye nyateƒea ŋutɔ hã ɖee fia. Le nyateƒe me la, míawo hã míele ɖase ɖim, eye ènyae be ɖase si míeɖina la nye nyateƒe. 13  Nya geɖewo nɔ asinye maŋlɔ na wò hafi, gake nyemedi be mayi edzi atsɔ nuŋlɔtsi kple nuŋlɔti ayi nuŋɔŋlɔa dzi o. 14  Gake mele mɔ kpɔm be makpɔ wò kaba, eye míaƒo nu ŋkume kple ŋkume. Ŋutifafa nanɔ anyi kpli wò. Xɔlɔ̃awo do gbe na wò. Tsɔ nye gbedonamewo na xɔlɔ̃awo ɖekaɖeka.

Etenuŋɔŋlɔ