Dzo kpo yi emenuwo dzi

Dzo kpo yi emenu bubu dzi

Dzo kpo yi emenuawo dzi

Yehowa Ɖasefowo

Eʋegbe

Internet Dzi Biblia | ŊƆŊLƆ KƆKƆEAWO—XEXE YEYE GƆMEƉEƉE (ƑE 1984 TƆ) Kpɔ esi me wogbugbɔ to le ƒe 2013 me

2 Timoteo 3:1-17

3  Ke nya esia be, le ŋkeke mamlɛawo me la, ɣeyiɣi sesẽ siwo me nɔnɔ sesẽ la ava.  Elabena amewo anye ɖokuilɔ̃lawo, galɔ̃lawo, adegbeƒolawo, ɖokuidoɖedzilawo, busunyagblɔlawo, ame maɖoto dzilawo, ame madakpewo, ame mawɔnuteƒewo,  ame siwo melɔ̃a ame ƒe nya o, ame siwo melɔ̃na ɖe nya aɖeke dzi o, ameŋugblẽlawo, ame siwo meɖua wo ɖokuiwo dzi o, ame wɔadãwo, ame siwo melɔ̃a nu nyui o,  yomemɔfialawo, ame magbɔdziɖiwo, ame siwo doa wo ɖokuiwo ɖe dzi glodzoo, ame siwo lɔ̃a dzidzɔkpɔkpɔ le esi teƒe be woalɔ̃ Mawu,  ame siwo si ɖokuitsɔtsɔ na Mawu ƒe nɔnɔme le, gake womenɔa agbe ɖe eƒe ŋusẽ nu o; te ɖokuiwò ɖa tso ame siawo gbɔ.  Elabena ame aɖewo dona tso ame siawo dome, eye wobena dzaa gena ɖe aƒewo me heɖea aboyo nyɔnu gbɔdzɔgbɔdzɔtɔ siwo yɔ fũu kple nu vɔ̃ wɔwɔ, eye nudzodzro ƒomevi geɖewo kplɔa wo la.  eye wonɔa nusɔsrɔ̃ dzi ɣesiaɣi, evɔ womete ŋu kena ɖe nyateƒe ƒe sidzedze vavãtɔ la ŋu gbeɖe o.  Ke abe ale si Yane kple Yambre tsi tsitre ɖe Mose ŋu ene la, nenema kee ame siawo hã yia edzi tsia tsitre ɖe nyateƒe la ŋu, ame siwo gblẽ keŋkeŋ le susu me, eye womekpɔ ŋudzedze ɖe wo ŋu le xɔse la me o.  Ke hã, womagawɔ ŋgɔyiyi aɖeke o, elabena woƒe aɖaʋadzedze la adze ƒãa na amewo katã, abe ale si ko ame eve mawo ƒe aɖaʋadzedze dze ene. 10  Ke wò la, èdze nye nufiafia, nye agbenɔnɔ, nye tameɖoɖo, nye xɔse, nye dzigbɔgbɔ blewu, nye lɔlɔ̃, nye dzidodo, 11  nye yometitiwo, nye fukpekpewo, nu siwo ƒomevi dzɔ ɖe dzinye le Antioxia, le Ikonio, le Listra, yometiti siwo ƒomevi me meto, la yome pɛpɛpɛ; ke hã, Aƒetɔ la ɖem tso wo katã me. 12  Le nyateƒe me la, ame siwo katã dina be yewoanɔ agbe le ɖokuitsɔtsɔ na Mawu nu le Kristo Yesu me la, woati woawo hã yome. 13  Gake ame vɔ̃ɖiwo kple ameblelawo anɔ vɔ̃ɖivɔ̃ɖim ɖe edzi, woanɔ amewo kplɔm anɔ tatram, eye woanɔ woawo hã kplɔm anɔ tatram. 14  Ke wò la, yi edzi nànɔ nu siwo nèsrɔ̃, eye nèkpɔ kakaɖedzi le wo ŋu hexɔ wo dzi se la me, elabena ènya ame siwo gbɔ nèsrɔ̃ wo tsoe, 15  eye be tso vidzĩ me kee nènya ŋɔŋlɔ kɔkɔeawo, siwo ate ŋu ana nàzu nunyala hena ɖeɖekpɔkpɔ to Kristo Yesu dzi xɔxɔse me. 16  Ŋɔŋlɔ blibo la tso Mawu ƒe gbɔgbɔ me, eye wònyo na nufiafia, na nyagbename, na ɖɔɖɔɖo, na amehehe le dzɔdzɔenyenye me, 17  bene Mawu ƒe ame la nadze bliboe, eye wòanɔ dzadzraɖoɖi keŋkeŋ na dɔ nyui sia dɔ nyui wɔwɔ.

Etenuŋɔŋlɔ