Dzo kpo yi emenuwo dzi

Dzo kpo yi emenu bubu dzi

Dzo kpo yi emenuawo dzi

Yehowa Ɖasefowo

Eʋegbe

Internet Dzi Biblia | ŊƆŊLƆ KƆKƆEAWO—XEXE YEYE GƆMEƉEƉE (ƑE 1984 TƆ) Kpɔ esi me wogbugbɔ to le ƒe 2013 me

2 Tesalonikatɔwo 2:1-17

2  Ke hã, nɔviwo, le mía Aƒetɔ Yesu Kristo ƒe anyinɔnɔ kpakple mía nu ƒoƒoƒu ɖe egbɔ ŋuti la, míele kuku ɖem na mi,  be miagana woaʋuʋu mi kaba tso miaƒe tamesusu me o, eye miagana woatɔtɔ mi to nya siwo tso gbɔgbɔ me alo numenya aɖe alo agbalẽ aɖe, si adze abe mía gbɔ wòtso ene la dzi, be Yehowa ƒe ŋkeke la ɖo vɔ o.  Migana ame aɖeke nable mi le mɔ aɖeke nu o, elabena ŋkeke ma mava o, negbe ɖeko xɔsegbegbe la va gbã, eye woɖe sedzimawɔla, si nye tsɔtsrɔ̃vi, la fia hafi.  Tsitretsiɖeŋulae wònye, eye wòdoa eɖokui ɖe dzi ɖe ame sia ame si woyɔna be “mawu” alo nu si wosubɔna la ŋu, eye ale wònɔ anyi ɖe Mawu ƒe gbedoxɔ me, hele eɖokui fiam le dutoƒo be mawu yenye.  Ðe mieɖo ŋkui be, esime menɔ mia gbɔ la, melɔ̃a nya siawo gbɔgblɔ na mi oa?  Eye azɔ mienya mɔxenu la, bene woaɖee afia le ye ŋutɔ ƒe ɣeyiɣi la dzi.  Nyateƒee, sedzimawɔmawɔ sia ƒe nya ɣaɣla la le dɔ dzi xoxo; gake akpɔtɔ anye nya ɣaɣla, va se ɖe esime ame si nye mɔxenu fifia la dzo le mɔa dzi hafi.  Eye ekema woaɖe sedzimawɔla la ɖe go, ame si Aƒetɔ Yesu atsɔ eƒe numegbɔgbɔ aɖe ɖa, eye wòato eƒe anyinɔnɔ ƒe ɖeɖe fia la dzi ana wòazu nu gbɔlo.  Gake sedzimawɔla la ƒe anyinɔnɔ la to Satana ƒe dɔwɔwɔ dzi, le ŋusẽdɔwɔwɔ kple amebeble ƒe dzesiwo kple nukunuwo, 10  kpakple madzɔmadzɔnyenye ƒe beble ɖe sia ɖe me, wònye teƒeɖoɖo na ame siwo le tsɔtsrɔ̃m la, elabena womexɔ nyateƒe la ƒe lɔlɔ̃ la, ne woakpɔ ɖeɖe o. 11  Esia tae Mawu ɖe mɔ vodada kpɔ ŋusẽ ɖe wo dzi, bene woaxɔ aʋatsokaka la dzi ase, 12  bene woadrɔ̃ ʋɔnu wo katã le esi womexɔ nyateƒe la dzi se o, ke boŋ wokpɔ dzidzɔ ɖe madzɔmadzɔnyenye ŋu, la ta. 13  Ke hã, nɔviwo, mi nɔvi siwo Yehowa lɔ̃, agba le mía dzi be míada akpe na Mawu ɣesiaɣi ɖe mia ta, elabena Mawu tia mi tso gɔmedzedzea me ke hena ɖeɖekpɔkpɔ, to gbɔgbɔ la tsɔtsɔ kɔ mia ŋu kple miaƒe nyateƒe la dzi xɔxɔse me. 14  Nu sia tututu tae wòyɔ mi to nya nyui si míegblɔna la dzi, bene mía Aƒetɔ Yesu Kristo ƒe ŋutikɔkɔe la nasu mia si. 15  Eya ta nɔviwo, minɔ tsitre sesĩe, eye milé nu siwo míefia mi, eɖanye to numenya alo agbalẽ aɖe si tso mía gbɔ dzi o, la me ɖe asi. 16  Gawu la, mía Aƒetɔ Yesu Kristo ŋutɔ kple Mawu, mía Fofo, ame si lɔ̃ mí, eye wòna akɔfafa mavɔ kple mɔkpɔkpɔ nyui to amenuveve dzi la, 17  nafa akɔ na miaƒe dziwo, eye wòana mianɔ te sesĩe le dɔ kple nya nyui ɖe sia ɖe me.

Etenuŋɔŋlɔ