Dzo kpo yi emenuwo dzi

Dzo kpo yi emenu bubu dzi

Dzo kpo yi emenuawo dzi

Yehowa Ɖasefowo

Eʋegbe

Internet Dzi Biblia | ŊƆŊLƆ KƆKƆEAWO—XEXE YEYE GƆMEƉEƉE (ƑE 1984 TƆ) Kpɔ esi me wogbugbɔ to le ƒe 2013 me

2 Korintotɔwo 9:1-15

9  Ke mekpɔe be mehiã be maŋlɔ nu aɖo ɖe mi le ame kɔkɔewo ŋuti subɔsubɔdɔ la ŋu hafi o,  elabena menya ale si miele klalo, si ta mele adegbe ƒom le mia ŋu na Makedoniatɔwo, be ƒe ɖekae nye esia si Axaya le klalo xoxo, eye miaƒe veviedodo de dzo wo dometɔ akpa gãtɔ me.  Gake mele nɔviawo dɔm ɖa, bene adegbe si míeƒona le mia ŋu la nagazu dzodzro le go sia me o, ke boŋ be mianɔ klalo ŋutɔŋutɔ, abe ale si melɔ̃a gbɔgblɔ be mianɔ klaloe ene.  Ne menye nenema o la, ne mía kple Makedoniatɔwo míava ɖo, evɔ woakpɔe be miele klalo o la, ŋu akpe mí le mɔ aɖe nu—nyemedi be magblɔ be mi o—le kakaɖedzi sia si le mía si la ta.  Eya ta mebui be, ehiã be made dzi ƒo na nɔviawo be woado ŋgɔ ava mia gbɔ, be woadzra nu gbogbo siwo ŋugbe miedo xoxo la ɖo, bene esia nasɔ gbe abe dɔmenyonunana ene, ke menye abe nu si woxɔ akpasesẽtɔe ene o.  Gake le nu sia gome la, ame si ƒãa nu le nuveve me la, aŋe nu le nuveve me; ame si ƒãa nu wòsɔa gbɔ la, aŋe nu wòasɔ gbɔ hã.  Ame sia ame newɔ abe ale si wòɖo le eƒe dzi me ene, menye kple veve alo dzizizi o, elabena ame si naa nu kple dzidzɔ lae Mawu lɔ̃na.  Gawu la, Mawu ate ŋu ana eƒe amenuveve la nasɔ gbɔ na mi, bene esi nu siwo katã le mia si dzea mia ŋu bliboe la, miakpɔ nu geɖewo hena dɔ nyui sia dɔ nyui wɔwɔ.  (Abe ale si woŋlɔe ɖi ene be: “Ema nu na ame geɖewo dɔmenyotɔe, ena nu ame dahewo, eƒe dzɔdzɔenyenye li tegbee.” 10  Ke ame si naa nuku nuƒãla kple abolo hena ɖuɖu la ana nuku si mieƒãna la mi, eye wòana wòasɔ gbɔ ɖe edzi, eye wòana dzɔdzɔenyenye ƒe kutsetse nasɔ gbɔ ɖe edzi.) 11  Le nu sia nu me la, wonana miezua kesinɔtɔwo hena dɔmenyo ɖe sia ɖe ƒomevi wɔwɔ, si toa mía dzi wɔnɛ be wodaa akpe na Mawu; 12  elabena kpekpeɖeŋunana ƒe dutoƒo subɔsubɔdɔ sia menye nu geɖewo nana ame kɔkɔewo le woƒe nu hiahiãwo nu ko o, ke be wòana woada akpe geɖe na Mawu hã. 13  To kpeɖodzi si subɔsubɔdɔ sia nana dzi la, wodoa Mawu ɖe dzi, elabena miebɔbɔna ɖe Kristo la ŋuti nya nyui la te, abe ale si miegblɔnɛ le dutoƒo be yewobɔbɔna ɖe ete ene, eye le esi mienaa nu geɖewo dɔmenyotɔe ɖo ɖe woa kple amewo katã la ta; 14  eye wole kokoƒoƒo dzi ɖe mia ta, eye miele wo dzrom vevie, le Mawu ƒe amenuveve geɖe si wòna mi la ta. 15  Woada akpe na Mawu le eƒe nunana faa sia si wu gbɔgblɔ la ta.

Etenuŋɔŋlɔ