Dzo kpo yi emenuwo dzi

Dzo kpo yi emenu bubu dzi

Dzo kpo yi emenuawo dzi

Yehowa Ɖasefowo

Eʋegbe

Internet Dzi Biblia | ŊƆŊLƆ KƆKƆEAWO—XEXE YEYE GƆMEƉEƉE (ƑE 1984 TƆ) Kpɔ esi me wogbugbɔ to le ƒe 2013 me

2 Korintotɔwo 5:1-21

5  Elabena míenya be ne wokaka míaƒe anyigba dzi xɔ, si nye agbadɔ sia, kura gɔ̃ hã la, xɔtutu si tso Mawu gbɔ la anɔ mía si, xɔ si wometsɔ asi tu o, si li tegbee le dziƒowo.  Elabena le nyateƒe me la, míeŋena le xɔ sia me, eye míele didim vevie be míado esi nye mía tɔ, si tso dziƒo la,  ale be ne míeva doe ŋutɔŋutɔ la, womakpɔ mí be míele amama o.  Le nyateƒe me la, mí ame siwo le agbadɔ sia me la míeŋena, eye agba le mía kpem; elabena míele didim be míaɖee ada ɖi o, ke boŋ be míado ekemɛa, bene agbe nami nu si kuna la.  Ke Mawue nye ame si dzra mí ɖo na nu sia, eye eyae na nu si ava va, si nye gbɔgbɔ la, ƒe kpeɖodzi sue aɖe mí.  Eya ta dzideƒo geɖe le mía si ɣesiaɣi, eye míenya be, zi ale si míaƒe aƒe kpɔtɔ le ŋutilã me la, míele Aƒetɔ la gbɔ o,  elabena xɔse mee míele zɔzɔm le, ke menye le nukpɔkpɔ me o.  Ke boŋ dzideƒo geɖe le mía si, eye edzroa mí boŋ, be míadzo le ŋutilã la me aɖanɔ Aƒetɔ la gbɔ.  Eya ta míeɖoa tame kplikpaa hã be, míele egbɔ alo míeɖale egbɔ o, míaƒe nu nadze eŋu. 10  Elabena ele be woana ame si ƒomevi mí katã míenye la nadze le Kristo la ƒe ʋɔnudrɔ̃zikpui la ŋgɔ, bene ame sia ame naxɔ nu si wòdze na, ɖe nu siwo wòwɔ le ŋutilã me la nu, le nu siwo wòwɔ la nu, eɖanye nyui alo vɔ̃ o. 11  Eya ta esi míenya Aƒetɔ la ƒe vɔvɔ̃ ta la, míeyia edzi fiaa nu ame bubuwo be woatrɔ woƒe susu, gake Mawu nya ame si míenye. Ke hã, mexɔe se be miaƒe dzitsinyawo kpe ɖe mia ŋu mienya ame siwo ƒomevi míenye. 12  Míegale mía ɖokui kafum na mi ake o, ke boŋ míele nu si ta miaƒo adegbe le mía ŋuti ɖo la nam mi, bene miate ŋu aɖo nya ŋu na ame siwo ƒoa adegbe le gotagome dzedzeme ŋuti, ke menye le dzi la ŋuti o. 13  Elabena ne míaƒe susu tɔtɔ la, Mawu tae; ne míele ŋute le susu me la, mia tae. 14  Elabena lɔlɔ̃ si le Kristo la si ƒonɛ ɖe mía nu, elabena aleae míekpɔe enye esi: be ame ɖeka ku ɖe wo katã ta; eye ale wo katã ku; 15  eye wòku ɖe wo katã ta, bene ame siwo le agbe la naganɔ agbe na wo ɖokuiwo azɔ o, ke na ame si ku ɖe wo ta, eye wofɔe ɖe tsitre la boŋ. 16  Eya ta tso fifia dzi la, míeganya ame aɖeke le ŋutilã nu o. Ne míenya Kristo le ŋutilã nu tsã hã la, míeganyae nenema azɔ o. 17  Eya ta ne ame aɖe le ƒomedodo me kple Kristo la, enye nuwɔwɔ yeye; nu xoxowo nu va yi, kpɔ ɖa! Nu yeyewo va li. 18  Gake nuwo katã tso Mawu gbɔ, eya ame si dzra mía kplii dome ɖo to Kristo dzi, eye wòtsɔ ame nɔewo dome dzadzraɖo ƒe subɔsubɔdɔ la de asi na mí, 19  si nye be Mawu to Kristo dzi nɔ woa kple xexe aɖe dome dzram ɖo, eye megabua woƒe vodadawo na wo o, eye wòtsɔ ame nɔewo dome dzadzraɖo ƒe nya la de asi na mí. 20  Eya ta míenye ame dɔdɔwo le Kristo teƒe, abe ɖe Mawu to mía dzi le kuku ɖem vevie ene. Abe Kristo teƒe nɔlawo ene la, míeɖea kuku be: “Mina woadzra mia kple Mawu dome ɖo.” 21  Ena ame si menya nu vɔ̃ o la zu nu vɔ̃* ɖe mía ta, bene míazu ame dzɔdzɔewo le Mawu ŋkume to eyama dzi.

Etenuŋɔŋlɔ

Alo “nu vɔ̃ vɔsa.”