Dzo kpo yi emenuwo dzi

Dzo kpo yi emenu bubu dzi

Dzo kpo yi emenuawo dzi

Yehowa Ɖasefowo

Eʋegbe

Internet Dzi Biblia | ŊƆŊLƆ KƆKƆEAWO—XEXE YEYE GƆMEƉEƉE (ƑE 1984 TƆ) Kpɔ esi me wogbugbɔ to le ƒe 2013 me

2 Korintotɔwo 3:1-18

3  Ðe míegate mía ɖokui kafukafua? Alo ɖewohĩ ɖe wòhiã be míatsɔ kafukafugbalẽwo avae na mi, alo axɔ wo tso mia gbɔ, abe ale si ame aɖewo wɔnɛ enea?  Mia ŋutɔwoe nye míaƒe agbalẽ, si woŋlɔ ɖe míaƒe dziwo me, eye amewo katã nyae, eye wole exlẽm.  Elabena edze ƒãa be miawoe nye Kristo ƒe agbalẽ siwo mí subɔlawo míeŋlɔ, menye kple nuŋlɔtsi o, ke boŋ kple Mawu gbagbe la ƒe gbɔgbɔ, menye ɖe kpe ŋutɔŋutɔwo dzi o, ke boŋ ɖe kpe siwo wotsɔ ŋutilã wɔe dzi, ɖe dziwo dzi.  Ke kakaɖedzi sia le mía si le Mawu gome to Kristo la dzi.  Menye be mía ŋutɔwo míedze nyuie asusu nane abe mía ŋutɔwo gbɔe wòtso ene o, ke boŋ míaƒe dzedze nyuie la tsoa Mawu gbɔ,  ame si na míedze nyuie be míanye nubabla yeye aɖe ƒe subɔlawo, menye se siwo woŋlɔ ɖi la tɔwo o, ke boŋ gbɔgbɔ la tɔwo; elabena se siwo woŋlɔ ɖi la tsoa kufia na ame, gake gbɔgbɔ la gbɔa agbe ame.  Gawu la, ne Se, si hea kufiatsotso vanɛ, si wotsɔ ŋɔŋlɔdzesiwo ŋlɔ ɖe kpewo dzi, la va le ŋutikɔkɔe me ale gbegbe be Israel viwo mete ŋu kpɔ Mose ƒe mo tẽe o le ŋutikɔkɔe si nɔ eƒe mo la ta, evɔ wònye ŋutikɔkɔe si woava ɖe ɖa la,  ekema nu ka tae gbɔgbɔ ƒe subɔsubɔdɔ la manɔ ŋutikɔkɔe geɖe me wu oa?  Elabena ne ŋutikɔkɔe nɔ Se si hea fɔbubu vanɛ la ŋu la, ekema ŋutikɔkɔe geɖe wu le dzɔdzɔenyenye ƒe subɔsubɔdɔ la ŋu. 10  Le nyateƒe me la, aleae woɖe ŋutikɔkɔe ɖa le nu si wodo ŋutikɔkɔe na tsã la kura gɔ̃ hã ŋu, le ŋutikɔkɔe si ƒo eta sãa la ta. 11  Elabena ne wotsɔ nu si woava ɖe ɖa la vae le ŋutikɔkɔe me la, ekema nu si nɔa anyi ya ƒe ŋutikɔkɔe alolo wu. 12  Eya ta esi mɔkpɔkpɔ sia le mía si ta la, míewɔa dzideƒo geɖe ŋuti dɔ le nuƒoƒo me, 13  eye míawo míele ewɔm abe ale si Mose tsyɔa nu mo, bene Israel viwo nagakpɔ nu si woava ɖe ɖa la ƒe nuwuwu tẽe o, la ene o. 14  Gake woƒe susu meléa nu kabakaba o. Elabena va se ɖe egbegbe la, ne wole nubabla xoxoa xlẽm la, motsyɔnu ma ganɔ anyi kokoko, elabena Kristo dzie woto ɖee ɖa. 15  Le nyateƒe me la, va se ɖe egbegbe la, ɣesiaɣi si woxlẽ Mose la, motsyɔnu aɖe tsyɔa woƒe dziwo dzi. 16  Gake ne wotrɔ ɖe Yehowa ŋu la, ekema woɖea motsyɔnu la ɖa. 17  Ke Yehowae nye Gbɔgbɔ la; eye afi si Yehowa ƒe gbɔgbɔ le la, afi mae ablɔɖe le. 18  Eye esi mí katã míetsɔa mo siwo wometsyɔ nui o ɖea Yehowa ƒe ŋutikɔkɔe fiana abe ahuhɔ̃ewo ene la, wotrɔa míaƒe nɔnɔme ɖe nɔnɔme ma ke me tso ŋutikɔkɔe me yi ŋutikɔkɔe me, abe ale si tututu Yehowa, si nye Gbɔgbɔ la, le ewɔm ene.

Etenuŋɔŋlɔ