1 Yohanes 1:1-10

1  Nu si li tso gɔmedzedzea me, nu si míese, nu si míekpɔ kple míaƒe ŋkuwo, nu si ŋu míelé ŋku ɖo tsitotsito, eye míeka asi eŋu, le agbenya la ŋuti,  (ɛ̃, woɖe agbe la ɖe go fia, eye míekpɔ, eye míele ɖase ɖim hele nu ƒom tso agbe mavɔ si nɔ Fofo la gbɔ, eye woɖee ɖe go fia mí, la ŋu na mi,)  nu si míekpɔ, eye míese, la ŋue míele nu ƒom tsoe na miawo hã, bene miawo hã mianɔ ha dem kpli mí. Eye míedea ha sia kple Fofo la kpakple Via Yesu Kristo.  Esia ŋuti míele nu siawo ŋlɔm, bene míaƒe dzidzɔ nade blibo.  Eye gbedeasi si míese tso egbɔ, si míele gbeƒã ɖemee na mi lae nye esi be, Mawu nye kekeli, eye viviti aɖeke kura mele egbɔ o.  Ne míegblɔna be: “Míele ha dem kplii,” evɔ míegale viviti me zɔm la, ke míele aʋatso kam, eye míele nyateƒe la dzi wɔm o.  Gake ne míele zɔzɔm le kekeli la me abe ale si eya ŋutɔ hã le kekeli la me ene la, ekema míele ha dem kple mía nɔewo, eye Via Yesu ƒe ʋu klɔa nu vɔ̃ ɖe sia ɖe ɖa le mía ŋu.  Ne míegblɔna be: “Nu vɔ̃ aɖeke mele mía ŋu o” la, ekema míele mía ŋutɔwo mía ɖokui blem, eye nyateƒe la mele mía me o.  Ne míeʋua míaƒe nu vɔ̃wo me la, atsɔ míaƒe nu vɔ̃wo ake mí, eye wòaklɔ madzɔmadzɔnyenye katã ɖa le mía ŋu, elabena nyateƒetɔ kple dzɔdzɔetɔe wònye. 10  Ne míegblɔna be: “Míewɔa nu vɔ̃ o” la, ekema míele edom aʋatsokalae, eye eƒe nya la mele mía me o.

Etenuŋɔŋlɔ