Dzo kpo yi emenuwo dzi

Dzo kpo yi emenu bubu dzi

Dzo kpo yi emenuawo dzi

Yehowa Ɖasefowo

Eʋegbe

Internet Dzi Biblia | ŊƆŊLƆ KƆKƆEAWO—XEXE YEYE GƆMEƉEƉE (ƑE 1984 TƆ) Kpɔ esi me wogbugbɔ to le ƒe 2013 me

1 Petro 5:1-14

5  Eya ta mele nuxlɔ̃ame sia nam hamemetsitsi siwo le mia dome, elabena nye ŋutɔ hã hamemetsitsi ye menye abe woawo ke ene, eye menye Kristo la ƒe fukpekpewo teƒe kpɔla, kple gomekpɔla le ŋutikɔkɔe si woaɖe afia la kura gɔ̃ hã me, ɛ̃, mele nu xlɔ̃m be:  Mikplɔ Mawu ƒe alẽha si le miaƒe dzikpɔkpɔ te la, menye le dzizizi ta o, ke boŋ kple lɔlɔ̃nu faa; eye menye le viɖe ƒoɖi didi ta hã o, ke boŋ kple didi vevi;  menye abe ame siwo ɖua aƒetɔ ɖe ame siwo nye Mawu ƒe domenyinu la dzi ene o, ke boŋ abe ame siwo zua kpɔɖeŋu na alẽha la ene.  Eye ne wova ɖe alẽkplɔla gã la fia la, miaxɔ ŋutikɔkɔe ƒe fiakuku magblẽmagblẽ la.  Nenema kee mi ɖekakpuiwo hã, mibɔbɔ mia ɖokui ɖe ame tsitsiwo te. Ke mi katã mitsɔ ɖokuibɔbɔ bla ali dzi le nuwɔwɔ kple mia nɔewo me, elabena Mawu tsia tsitre ɖe ɖokuidoɖedzilawo ŋu, gake evea ɖokuibɔbɔlawo nu.  Eya ta mibɔbɔ mia ɖokui ɖe Mawu ƒe asi sesẽ la te, bene wòado mi ɖe dzi le ɣeyiɣi si sɔ la dzi;  esime miedro miaƒe dzimaɖitsitsiwo katã ɖe eyama dzi, elabena eléa be na mi.  Minɔ mo xexi, minɔ ŋudzɔ. Miaƒe adikãtɔ, Abosam, le tsatsam abe dzata, si le gbe ɖem ene, eye wòle ame dim be yeami.  Gake mitsi tsitre ɖe eŋu, minɔ te sesĩe le xɔse me, esi mienyae be nu siawo, siwo nye fukpekpewo, ke hemee wole le nɔviwo ƒe habɔbɔ blibo si le xexea me la dzi vam ta. 10  Gake ne miekpe fu hena ɣeyiɣi vi aɖe vɔ la, amenuvevewo katã ƒe Mawu, ame si yɔ mi va eƒe ŋutikɔkɔe mavɔ la gbɔ le Kristo me la, ŋutɔ ana miawu miaƒe hehexɔxɔa nu, ana miali ke, ana miasẽ ŋu. 11  Eya tɔ nanye ŋusẽ gã yi mavɔmavɔ me. Amen. 12  Meŋlɔ nya ʋɛ siawo ɖo ɖe mi to Silvano, ame si mebuna nɔviŋutsu nyateƒetɔ la dzi, bene made dzi ƒo na mi ahaɖi ɖase na mi vevie be, esiae nye Mawu ƒe amenuveve vavãtɔ la; minɔ tsitre sesĩe ɖe eme. 13  Ame si le Babilon, si nye ame tiatia abe miawo ke ene la, ɖo eƒe gbedonamewo ɖe mi, nenema kee nye vinye Marko hã. 14  Mitsɔ lɔlɔ̃nugbugbɔ do gbe na mia nɔewo. Ŋutifafa nanɔ anyi kple mi ame siwo katã le ƒomedodo me kple Kristo la.

Etenuŋɔŋlɔ