Dzo kpo yi emenuwo dzi

Dzo kpo yi emenuawo dzi

1 Tesalonikatɔwo 3:1-13

3  Eya ta esi míegate ŋu nɔ dzi dom azɔ o la, míekpɔe be, enyo be míawo ɖeɖe míatsi Atene;  eye míedɔ Timoteo, mía nɔvi kple Mawu ƒe subɔla le Kristo la ŋuti nya nyui la me, bene wòana mianɔ te sesĩe, eye wòafa akɔ na mi le miaƒe xɔse ŋuti,  bene xaxa siawo nagaʋuʋu ame aɖeke o. Elabena mia ŋutɔwo mienyae be, nu sia tututu wɔwɔ tae woɖo mí ɖo.  Le nyateƒe me hã, esime míenɔ mia gbɔ la, míenɔ egbɔgblɔ dzi na mi do ŋgɔ, be ele be míaɖo xaxa me godoo, abe ale si wòva dzɔ, eye mienyae ene.  Le nyateƒe me la, esia tae esi nyemegate ŋu nɔ dzi dom azɔ o la, medɔ ame ɖa be manya miaƒe nuteƒewɔwɔ, be ame aɖe menya nu o, Tela la anya te mi kpɔ le mɔ aɖe nu, eye míaƒe agbagbadzedze azu dzodzro mahĩ.  Gake ɖeko Timoteo tso mia gbɔ va ɖo mía gbɔ koe nye esia, eye wòva gblɔ miaƒe nuteƒewɔwɔ kple lɔlɔ̃ ŋuti dzidzɔnya la na mí, be mieyi edzi le ŋku ɖom mía dzi ɣesiaɣi, eye wòle mia dzrom vevie be yewoakpɔ mí, abe ale si ko wòle míawo hã dzrom be míakpɔ mi ene.  Nɔviwo, esia tae wofa akɔ na mí le mia ŋuti le míaƒe hiãkame kple xaxa la me to nuteƒewɔwɔ, si mieɖena fiana la me,  elabena azɔ la, ne miele tsitre sesĩe le Aƒetɔ la me la, ke agbe gaɖo mía me.  Elabena akpedada kae míate ŋu atsɔ aɖo eteƒe na Mawu ɖe mia ta, ɖe dzidzɔ gã si kpɔm míele le mía Mawu ŋkume le mia ta, la ŋuti 10  esime míele kokoƒoƒo dzi vevie zã kple keli be míakpɔ miaƒe ŋkume, eye míatsɔ nu siwo susɔ le miaƒe xɔse ŋu la akpee na mi? 11  Azɔ la, mía Mawu kple Fofo la ŋutɔ kpakple mía Aƒetɔ Yesu nafia mɔ mí dzidzedzetɔe ava mia gbɔ. 12  Gawu la, Aƒetɔ la nekpe ɖe mia ŋu miatsi, ɛ̃, nena miagba go, le lɔlɔ̃ na mia nɔewo kple amewo katã me, abe ale si míawo hã míele na mi la ene; 13  bene wòana miaƒe dziwo nali ke, eye mokaka naganɔ wo ŋu o, le kɔkɔenyenye me le mía Mawu kple Fofo la ŋkume, le mía Aƒetɔ Yesu kple eƒe ame kɔkɔewo katã ƒe anyinɔɣi la.

Etenuŋɔŋlɔ