Dzo kpo yi emenuwo dzi

Dzo kpo yi emenu bubu dzi

Dzo kpo yi emenuawo dzi

Yehowa Ɖasefowo

Eʋegbe

Internet Dzi Biblia | ŊƆŊLƆ KƆKƆEAWO—XEXE YEYE GƆMEƉEƉE (ƑE 1984 TƆ) Kpɔ esi me wogbugbɔ to le ƒe 2013 me

1 Korintotɔwo 6:1-20

6  Ðe mia dometɔ aɖe, si kple nɔvia dome nya aɖe ɖo la, doa dzi be yeatsɔe ayi ʋɔnu le ame madzɔmadzɔwo ŋkume, ke menye le ame kɔkɔewo ŋkume oa?  Alo ɖe mienyae be ame kɔkɔewo adrɔ̃ ʋɔnu xexea oa? Eye ne miawoe adrɔ̃ ʋɔnu xexea ɖe, ekema ɖe miedze adrɔ̃ nya suesuewo ya oa?  Ðe mienyae be míadrɔ̃ ʋɔnu mawudɔlawo oa? Ekema nu ka tae míadrɔ̃ agbe sia me nyawo ya o?  Ke ne agbe sia me nyawo li miadrɔ̃ la, ame siwo wodoa vloe le hamea me lae mieɖoa ʋɔnudrɔ̃lawoea?  Ŋukpedodo mi tae mele egblɔm ɖo. Nyateƒee wònye be nunyala ɖeka hɔ̃ hã mele mia dome, si ate ŋu adrɔ̃ nɔviawo dome nya o,  ke boŋ nɔvi kplɔa nɔvi yia ʋɔnu, le dzimaxɔsetɔwo kura gɔ̃ hã gbɔa?  Eya ta esi miekplɔa mia nɔewo yia ʋɔnu la, efia be woɖu mia dzi keŋkeŋ. Nu ka ta miena wowɔ vɔ̃ ɖe mia ŋu boŋ o? Nu ka ta miena woba mi boŋ o?  Ke boŋ miewɔa vɔ̃, eye miebaa ame, eye miele esia wɔm ɖe mia nɔviwo kekeake ŋu.  Miebe nu ka? Ðe mienyae be ame madzɔmadzɔwo manyi Mawu fiaɖuƒe la dome oa? Migana woable mi o. Agbe gbegblẽ nɔlawo kple trɔ̃subɔlawo kple ahasiwɔlawo kple ŋutsu siwo wɔa wo ɖokuiwo nyɔnuwoe kple ŋutsu siwo dɔna kple ŋutsuwo, 10  kple fiafitɔwo kple ŋuklẽlawo kple ahamulawo kple amedzulawo kple adzodalawo la, womanyi Mawu fiaɖuƒe la dome o. 11  Ke hã, nenemae mia dometɔ aɖewo nɔ tsã. Ke wole tsi na mi nyuie, ke wona mia ŋuti kɔ, ke wobu mi ame dzɔdzɔewo le mía Aƒetɔ Yesu Kristo ƒe ŋkɔ la me kpakple mía Mawu ƒe gbɔgbɔ la. 12  Woɖe nuwo katã ƒe mɔ nam; gake menye nuwo katãe dea ame dzi o. Woɖe nuwo katã ƒe mɔ nam; gake nyemaɖe mɔ nu sia nu nakpɔ ŋusẽ ɖe dzinye o. 13  Nuɖuɖu li na ƒodo, eye ƒodo hã li na nuɖuɖu; gake Mawu ana esia kple ekemɛa siaa nazu nu gbɔlo. Ke ŋutilã meli ɖe agbe gbegblẽ nɔnɔ ta o, ke boŋ na Aƒetɔ la; eye Aƒetɔ la hã li na ŋutilã la. 14  Gake Mawu fɔ Aƒetɔ la ɖe tsitre, eye afɔ míawo hã ɖe tsitre tso ku me to eƒe ŋusẽ me. 15  Ðe mienyae be miaƒe ŋutilãwo nye Kristo ƒe ŋutinuwo oa? Ekema ɖe maɖe Kristo la ƒe ŋutinuwo ɖa ahatsɔ wo awɔ gbolo ƒe ŋutinuwoa? Gbeɖe! 16  Miebe nu ka? Ðe mienyae be ame si tsɔ eɖokui na gbolo aɖe la, woa kplii wozu ŋutilã ɖeka oa? Elabena egblɔ be: “Woa kple eve la woanye ŋutilã ɖeka.” 17  Gake ame si tsɔ eɖokui na Aƒetɔ la la, ewɔa ɖeka kplii le gbɔgbɔ la me. 18  Misi le agbe gbegblẽ nɔnɔ nu. Nu vɔ̃ sia nu vɔ̃ bubu si ame awɔ la, mele eƒe ŋutilã me o, gake ame si nɔa agbe gbegblẽ la le nu vɔ̃ wɔm ɖe ye ŋutɔ ƒe ŋutilã ŋu. 19  Miebe nu ka? Ðe mienyae be miaƒe ŋutilã nye gbɔgbɔ kɔkɔe la, si le mia me, si miexɔ tso Mawu gbɔ la, ƒe gbedoxɔ oa? Eye mienye mia ɖokui tɔ hã o, 20  elabena ho gã aɖee wotsɔ ƒle mi. Eya ta mido Mawu ɖe dzi le miaƒe ŋutilãwo me.

Etenuŋɔŋlɔ