Dzo kpo yi emenuwo dzi

Dzo kpo yi emenu bubu dzi

Dzo kpo yi emenuawo dzi

Yehowa Ɖasefowo

Eʋegbe

Internet Dzi Biblia | ŊƆŊLƆ KƆKƆEAWO—XEXE YEYE GƆMEƉEƉE (ƑE 1984 TƆ) Kpɔ esi me wogbugbɔ to le ƒe 2013 me

1 Korintotɔwo 13:1-13

13  Ne meƒoa nu le amegbetɔwo kple mawudɔlawo ƒe gbegbɔgblɔwo me, gake lɔlɔ̃ mele asinye o la, ke mezu ayawagba alo gakogoe si ƒe ɖiɖi tɔa tome.  Eye ne nyagbɔgblɔɖi ƒe nunana le asinye, eye menya nya ɣaɣla kɔkɔewo katã kple sidzedze katã, eye ne xɔse le asinye ale gbegbe be mate ŋu aho towo aɖada ɖe teƒe bubu, gake lɔlɔ̃ mele asinye o la, nyemenye naneke o.  Eye ne metsɔ nye nunɔamesiwo katã na, be woatsɔ anyi ame bubuwo, eye ne metsɔ nye ŋutilã na, bene maƒo adegbe, gake lɔlɔ̃ mele asinye o la, meɖe vi aɖeke kura nam o.  Lɔlɔ̃ gbɔa dzi blewu, eye wònyoa dɔme. Lɔlɔ̃ meʋãa ŋu o, meƒoa adegbe o, medoa eɖokui ɖe dzi glodzoo o,  mewɔa nu si mesɔ o, media ye ŋutɔ tɔ o, mebia dzi kabakaba o. Meŋlɔa vɔ̃ siwo wowɔ ɖe eŋu la ɖi o.  Mekpɔa dzidzɔ ɖe nu madzɔmadzɔ wɔwɔ ŋu o, ekpɔa dzidzɔ ɖe nyateƒe boŋ ŋu.  Enɔa te ɖe nuwo katã nu, exɔa nuwo katã dzi sena, ekpɔa mɔ na nuwo katã, edoa dzi le nuwo katã me.  Lɔlɔ̃ nu metsina gbeɖe o. Gake ne nyagbɔgblɔɖi ƒe nunanawo li la, woava ɖe wo ɖa; ne gbegbɔgblɔ bubuwo dodo li la, wo nu ava yi; ne sidzedze ƒe nunana aɖe li la, woava ɖee ɖa.  Elabena sidzedze afãafã ye le mía si, eye míegblɔa nya ɖi afã kple afã; 10  gake ne nu si le blibo la va ɖo la, woaɖe nu si le afãafã la ɖa. 11  Esime menye vidzĩ la, meƒoa nu abe vidzĩ ene, mebua tame abe vidzĩ ene, mesea nu gɔme abe vidzĩ ene; gake fifia si mezu ame tsitsi la, meɖe asi le vidzĩ me nuwɔnawo ŋu. 12  Elabena fifia la, míekpɔa nu flukpee to gahuhɔ̃e aɖe dzi, gake ɣemaɣi la, anye ŋkume kple ŋkume. Fifia la, menya nu afã kple afã, gake ɣemaɣi la, manya nu sia nu nyuie, abe ale si wonyam nyuie ene. 13  Gake azɔ la, nu etɔ̃ siawo kpɔtɔ li: xɔse, mɔkpɔkpɔ, lɔlɔ̃; ke nu siawo dometɔ si de ŋgɔ wu ye nye lɔlɔ̃.

Etenuŋɔŋlɔ