Dzo kpo yi emenuwo dzi

Dzo kpo yi emenu bubu dzi

Dzo kpo yi emenuawo dzi

Yehowa Ɖasefowo

Eʋegbe

Internet Dzi Biblia | ŊƆŊLƆ KƆKƆEAWO—XEXE YEYE GƆMEƉEƉE (ƑE 1984 TƆ) Kpɔ esi me wogbugbɔ to le ƒe 2013 me

1 Korintotɔwo 12:1-31

12  Ke le gbɔgbɔmenunanawo ŋu la, nɔviwo, nyemedi be wòanɔ manyamanya na mi o.  Mienyae be, esime mienye dukɔwo me tɔwo la, wokplɔ mi trae yi trɔ̃ maƒonuwo gbɔ le mɔ vovovowo nu.  Eya ta medi be mianyae be, ame aɖeke meƒoa nu to Mawu ƒe gbɔgbɔ dzi gblɔna be: “Yesu nye fiƒodeme!” o, eye ame aɖeke mate ŋu agblɔ be: “Yesue nye Aƒetɔ la!” o, negbe to gbɔgbɔ kɔkɔe dzi ko.  Ke nunana vovovowoe li, gake gbɔgbɔ ma kee;  eye subɔsubɔdɔ vovovowoe li, ke hã, Aƒetɔ ma kee;  eye dɔ vovovowoe li, ke hã, Mawu ma kee wɔa dɔawo katã to amewo katã dzi.  Gake woɖea gbɔgbɔ la fiana to ame sia ame dzi hena tameɖoɖo si ŋu viɖe le.  Le kpɔɖeŋu me, wona nunya ƒe nya ame aɖe to gbɔgbɔ la dzi, eye wona sidzedze ƒe nya ame bubu le gbɔgbɔ ma ke nu,  wona xɔse ame bubu to gbɔgbɔ ma ke dzi, eye wona dɔdada ƒe nunanawo ame bubu to gbɔgbɔ ɖeka ma dzi, 10  wona ŋusẽdɔwo wɔwɔ ame bubu hã, wona nyagbɔgblɔɖi ame bubu, wona nya siwo tso gbɔgbɔ me la gɔme sese ame bubu, wona gbegbɔgblɔ bubuwo dodo ame bubu, eye wona gbegbɔgblɔwo gɔme ɖeɖe ame bubu. 11  Gake gbɔgbɔ ɖeka ma kee wɔa dɔ siawo katã, eye wòmaa wo na ame sia ame ale si wòlɔ̃. 12  Elabena ale si ko ŋutilã la nye ɖeka, gake ŋutinu geɖewo le eŋu, eye ŋutilã ma ƒe ŋutinuwo sɔ gbɔ, gake woƒo ƒu wɔ ŋutilã ɖeka la, nenema kee Kristo la hã le. 13  Elabena vavãe, gbɔgbɔ ɖekae wotsɔ nyrɔ mí katã ɖe ŋutilã ɖeka me, míeɖanye Yudatɔwo alo Helatɔwo o, míeɖanye kluviwo alo ablɔɖemewo o, eye wona mí katã míeno gbɔgbɔ ɖeka. 14  Elabena le nyateƒe me la, menye ŋutinu ɖekae wɔ ŋutilã la o, ke boŋ ŋutinu geɖewoe. 15  Ne afɔ agblɔ be: “Esi nyemenye asi o ta la, nyemenye ŋutilã la ƒe akpa aɖeke o” la, menye ema tae menye ŋutilã la ƒe akpa aɖeke o. 16  Eye ne to agblɔ be: “Esi nyemenye ŋku o ta la, nyemenye ŋutilã la ƒe akpa aɖeke o” la, menye ema tae menye ŋutilã la ƒe akpa aɖeke o. 17  Ne ŋutilã blibo la katã nye ŋku ɖe, ekema afi kae nusese anɔ? Ne ye katã nye nusese ɖe, ekema afi kae nuʋeʋẽse anɔ? 18  Ke Mawu tsɔ ŋutinuwo ɖo ŋutilã la ŋuti, wo dometɔ ɖe sia ɖe, abe ale si wòdi ene. 19  Ne wo katã nye ŋutinu ɖeka ɖe, ekema afi kae ŋutilã la anɔ? 20  Gake azɔ la, wonye ŋutinu geɖewo, ke hã, ŋutilã ɖeka. 21  Ŋku mate ŋu agblɔ na asi be: “Nyemehiã wò o”; eye ta hã mate ŋu agblɔ na afɔwo be: “Nyemehiã mi o.” 22  Gake ale si wòle boŋ ye nye be, ŋutilã la ƒe ŋutinu siwo dze abe wogbɔdzɔ wu ene lae hiãna wu, 23  eye ŋutilã la ƒe akpa, siwo míesusuna be bubu boo aɖeke mele wo ŋu o la, woawo ŋue míedea bubu wu, eye ale ŋutinu siwo menya kpɔ o la ŋue atsyɔ̃ le wu, 24  evɔ ŋutinu siwo nya kpɔ la mehiã naneke o. Ke hã, Mawu fɔ ŋutilã la ƒe ŋutinuwo kpe, eye wòna bubu geɖe akpa siwo hiã bubu la, 25  bene mama aɖeke naganɔ ŋutilã la me o, ke boŋ be eŋutinuwo nalé be na wo nɔewo sɔsɔe. 26  Eye ne ŋutinu ɖeka le fu kpem la, ŋutinu bubuawo katã kpea fu kplii; alo ne wodo ŋutinu ɖeka ɖe dzi la, ŋutinu bubuawo katã kpɔa dzidzɔ kplii. 27  Ke miawoe nye Kristo ƒe ŋutilã, eye mia dometɔ ɖe sia ɖe nye ŋutinuwo. 28  Eye Mawu ɖo amewo ɖe hamea me ale: gbã la, apostolowo; evelia nyagblɔɖilawo; etɔ̃lia nufialawo; emegbe ŋusẽdɔwɔwɔwo; emegbe dɔdada ƒe nunanawo; kpekpeɖeŋunadɔwo, mɔfiafianana ƒe ŋutetewo, gbegbɔgblɔ bubuwo dodo. 29  Menye wo katãe nye apostolowo o ɖe? Menye wo katãe nye nyagblɔɖilawo o ɖe? Menye wo katãe nye nufialawo o ɖe? Menye wo katãe wɔa ŋusẽdɔwo o ɖe? 30  Menye wo katã sie dɔdada ƒe nunanawo le o ɖe? Menye wo katãe doa gbegbɔgblɔ bubuwo o ɖe? Menye wo katãe nye gbegɔmeɖelawo o ɖe? 31  Gake miyi edzi mianɔ nunana siwo lolo wu la dim vevie. Ke hã, mafia mɔ aɖe si de ŋgɔ wu la mi.

Etenuŋɔŋlɔ