Dzo kpo yi emenuwo dzi

Dzo kpo yi emenu bubu dzi

Dzo kpo yi emenuawo dzi

Yehowa Ɖasefowo

Eʋegbe

Ame Kawoe Le Yehowa Ƒe Lɔlɔ̃nu Wɔm Egbea?

Àwɔ Yehowa Ƒe Lɔlɔ̃nua?

Àwɔ Yehowa Ƒe Lɔlɔ̃nua?

Edzɔ dzi na mí ŋutɔ be èdi ɣeyiɣi tsɔ dzro agbalẽ sia me be yeanya Yehowa Ðasefowo nyuie, be yeasrɔ̃ nu tso míaƒe dɔwo ŋu ahakpɔ ale si míaƒe habɔbɔa le ŋutɔŋutɔ. Míeka ɖe edzi be agbalẽ sia kpe ɖe ŋuwò nèkpɔe be míawoe le Yehowa ƒe lɔlɔ̃nu wɔm egbea. Míele dzi dem ƒo na wò be nàyi edzi anɔ nu geɖe srɔ̃m tso Mawu ŋu, anɔ nu siwo srɔ̃m nèle la gblɔm na ƒowòmetɔwo kple xɔ̃wòwo, eye nànɔ ha dem kpli mí edziedzi le míaƒe Kristotɔwo ƒe kpekpewo me.—Hebritɔwo 10:23-25.

Zi ale si nèle nu geɖe srɔ̃m tso Yehowa ŋu la, zi nenemae nàva kpɔe be eyama lɔ̃ ye vavã. Esia aʋã wò nàwɔ nu sia nu si hiã atsɔ aɖee afia be ye hã yelɔ̃e. (1 Yohanes 4:8-10, 19) Gake alekee nàte ŋu aɖe esia afia le wò agbenɔnɔ me? Vi kae agbenɔnɔ ɖe agbenyuinɔnɔ ŋuti se siwo Mawu de na mí nu aɖe na wò? Eye nu kae akpe ɖe ŋuwò nàdi be yeawɔ ɖeka kpli mí le Mawu ƒe lɔlɔ̃nu wɔwɔ me? Adzɔ dzi na ame si le Biblia srɔ̃m kpli wò be yeakpe ɖe ŋuwò nàkpɔ ŋuɖoɖo na nya siawo ale be mia kple wò ƒomea miate ŋu ‘adzra mia ɖokui ɖo ɖe Mawu ƒe lɔlɔ̃ la me hena agbe mavɔ kpɔkpɔ.’—Yuda 21.

Míele dzi dem ƒo na wò be nàyi edzi awɔ ŋgɔyiyi geɖe le nyateƒea ƒe sidzedze me to agbalẽ evelia si nye “Midzra Mia Ðokui Ðo Ðe Mawu Ƒe Lɔlɔ̃ La Me” sɔsrɔ̃ me