Dzo kpo yi emenuwo dzi

Ðe Fukpekpewo Nu Ava Yia?

Ðe Fukpekpewo Nu Ava Yia?

Ðe nàɖo eŋu be . . .

  • ɛ̃a?

  • aoa?

  • yemenya oa?

 NYA SI BIBLIA GBLƆ

‘Mawu atutu aɖatsi sia aɖatsi ɖa le woƒe ŋkume, eye ku maganɔ anyi o, eye konyifafa kple ɣlidodo kple vevesese hã maganɔ anyi o.’—Nyaɖeɖefia 21:3, 4, Xexe Yeye Gɔmeɖeɖe.

VI KAE ESIA AÐE NA WÒ?

Ana nàka ɖe edzi be menye Mawu gbɔe míaƒe kuxiwo tso o.Yakobo 1:13.

Wò dzi adze eme le esi nènya be Mawu sea veve ɖe ame siwo le fu kpem nu ta.Zaxarya 2:8.

Mɔkpɔkpɔ anɔ asiwò be fukpekpewo katã nu ava yi.Psalmo 37:9-11.

 ÐE MÍATE ŊU AKA ÐE NYA SI BIBLIA GBLƆ DZIA?

Ɛ̃, míate ŋu aka ɖe edzi, le susu eve ta:

  • Mawu mekpɔa dzidzɔ ɖe fukpekpe kple nu madzɔmadzɔ wɔwɔ ŋu o. Bu ale si Yehowa Mawu se le eɖokui me esi amewo sẽ ŋuta le eƒe dukɔa ŋu le blema la ŋu kpɔ. Biblia gblɔ be ‘esi wosẽ ŋuta le eƒe amewo ŋu la,’ woƒe nu wɔ nublanui nɛ.Ʋɔnudrɔ̃lawo 2:18, Biblia.

    Ame siwo sẽa ŋuta le ame bubuwo ŋu ƒe nu medzɔa dzi na Mawu o. Le kpɔɖeŋu me, Biblia gblɔ be Mawu lé fu ame “siwo kɔa ʋu maɖifɔ ɖi.”Lododowo 6:16, 17.

  • Mawu tsɔ ɖe le eme na ame sia ame. Menye amegbetɔwo koe ‘nya woƒe fuɖename kple vevesesewo o,’ ke ele nyanya na Yehowa hã!2 Kronika 6:29, 30.

Eteƒe madidi o, Mawu ato eƒe Fiaɖuƒea dzi aɖe míaƒe fukpekpewo katã ɖa. (Mateo 6:9, 10) Hafi ɣemaɣi naɖo la, ele akɔ fam na ame siwo katã dia kpekpeɖeŋu tso egbɔ.Dɔwɔwɔwo 17:27; 2 Korintotɔwo 1:3, 4.

 BU NYA SIA ŊU KPƆ

Nu ka tae Mawu ɖe mɔ fukpekpe li?

Biblia ɖo nya sia ŋu le ROMATƆWO 5:12 kple 2 PETRO 3:9.