Dzo kpo yi emenuwo dzi

Dzo kpo yi emenu bubu dzi

Dzo kpo yi emenuawo dzi

Yehowa Ɖasefowo

Eʋegbe

Fia Nu Viwòwo

 NUSƆSRƆ̃ 1

Enye Dzidzɔ Na Mí Be Míenya Nya Ɣaɣla La

Enye Dzidzɔ Na Mí Be Míenya Nya Ɣaɣla La

Ame aɖe gblɔ nya aɖe na wò kpɔ evɔ megblɔe na ame bubuwo oa?​ * Ne nenemae la, ekema nya ɣaɣlae, elabe ame bubuwo mesee o. Biblia ƒo nu tso nya ɣaɣla vevi aɖe ŋu, enye “nya ɣaɣla kɔkɔe.” Nya ɣaɣla sia le kɔkɔe elabena Mawu gbɔe wòtso. Enye nya ɣaɣla elabena amewo menya nu tso eŋu tsã o. Mawudɔlawo gɔ̃ hã di be yewoanya nya ɣaɣla sia. Èdi be yease nya ɣaɣla sia?​—

Nu kae nesusu be mawudɔlawo di be yewoanya?

Le blema ʋĩ ke la, Mawu wɔ ŋutsu kple nyɔnu gbãtɔ. Ŋutsua ŋkɔe nye Adam, eye nyɔnua ŋkɔe nye Xawa. Mawu tsɔ wo da ɖe aƒe nyakpɔ si woyɔ be Eden-bɔ la me. Ne ɖe Adam kple Xawa ɖo to Mawu la, anye ne wo kple wo viwo na anyigba bliboa zu paradiso eye wòanya kpɔ abe abɔ ma ene. Anye ne wole Paradiso me tegbee. Gake ènya nu si Adam kple Xawa wɔa?​—

Adam kple Xawa meɖo to Mawu o, esia tae mímele paradiso me egbea o. Gake Mawu gblɔ be yeava wɔ anyigba bliboa wòanya kpɔ, eye amewo katã anɔ agbe tegbee eye woakpɔ dzidzɔ. Aleke Mawu awɔ esiae? Ƒe gbogbo aɖewo va yi la, amewo menya ale si Mawu awɔ esia o. Nya ɣaɣlae.

Esi Yesu va anyigba dzi la, efia nu geɖe amewo tso nya ɣaɣla sia ŋu. Egblɔ be nya ɣaɣla sia ku ɖe Mawu Fiaɖuƒea ŋu. Yesu gblɔ na amewo be woado gbe ɖa be Fiaɖuƒe sia nava. Fiaɖuƒea atrɔ anyigba wòazu paradiso nyakpɔ aɖe.

Ðe dzi medzɔ wò be yese nya ɣaɣla sia oa?​— Ðo ŋku edzi be ame siwo ɖoa to Yehowa koe anɔ Paradisoa me. Ŋutsu kple nyɔnu siwo ɖo to Yehowa la ƒe ŋutinya geɖewo le Biblia me. Àdi be yeasrɔ̃ nu tso wo ŋua?​— Na míakpɔ ale si wo dometɔ aɖewo wɔ nui, eye míakpɔ ale si míawɔ anɔ abe woawo ke ene la ɖa.

^ mm. 3 Àkpɔ fli kpui sia (​—) le ŋutinya siwo katã le agbalẽ sia me la me. Anyo be nàtɔ vie ne viwòa naɖo nyabiase siwo gbɔ fli kpuia le la ŋu.